କନକ ବ୍ୟୁରୋ: ସିଙ୍ଗଲ ୱିଣ୍ଡୋ କ୍ଲିୟରାନ୍ସ ବୈଠକରେ ୩ଟି ପ୍ରକଳ୍ପକୁ ମିଳିଲା ମଞ୍ଜୁରୀ । ଏହି ୩ଟି ପ୍ରକଳ୍ପ ପାଇଁ ୧୧ଶହ ୮୮ କୋଟି ଟଙ୍କାରେ ପୁଞ୍ଜି ବିନିଯୋଗ ହେବ । ପ୍ରକଳ୍ପଗୁଡିକ ହେଲା ବାଲେଶ୍ୱର ଇମାମି ପେପର ମିଲ, ଝାରସୁଗୁଡା ଅମ୍ବୁଜା ସିମେଂଟ ମିକ୍ସଚର ଓ ଖୋର୍ଦ୍ଧାର ସୂର୍ଯ୍ୟ ଫୁଡ । ୩ଟି ପ୍ରକଳ୍ପ ପାଇଁ ୨୬୧୭ ଜଣ ନିଯୁକ୍ତି ପାଇବେ ।ବାଲେଶ୍ୱର ଇମାମି ପେପର ମିଲ ପାଇଁ ୬୫୦ କୋଟି ଟଙ୍କା ନିବେଶ ସହ ୧୭୫୦ ଜଣଙ୍କୁ ନିଯୁକ୍ତି ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଝାରସୁଗୁଡା ଅମ୍ବୁଜା ସିମେଂଟ ମିକ୍ସଚର ପ୍ରକଳ୍ପ ପାଇଁ ୪୩୦ କୋଟି ଟଙ୍କା ନିବେଶ ସହ ୩୦୦ଜଣଙ୍କୁ ନିଯୁକ୍ତି ସୁଯୋଗ ମିଳିବ । ସେହିପରି ଖୋର୍ଦ୍ଧା ସୂର୍ଯ୍ୟ ଫୁଡ ପାଇଁ ୧୦୮ କୋଟି ଟଙ୍କା ନିବେଶ ସହ ୬୬୭ ଜଣଙ୍କୁ ନିଯୁକ୍ତି ମିଳିବ ବୋଲି ସୂଚନା ଦେଇଛନ୍ତି ଇପିକଲ ଡିଜିଏମ ରାଜୀବ ଧଳ । ସଚିବାଳୟରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବୈଠକ ହୋଇଥିଲା ।