ମୃତ୍ୟୁ ପରେ ଡିଜିଟାଲ ଜୀବନ ଜିଇଁବା ପାଇଁ ଅଜବ ଇଚ୍ଛା ଜାହିର କଲେ ଆମେରିକାର ଜଣେ ଅରବପତି ! ନିଜକୁ ମାରିବା ପାଇଁ ଦେଲେ ସୁପାରି
ମୃତ୍ୟୁକୁ କିଏ ବା ନଡ଼ରେ । ମୃତ୍ୟୁ ଜୀବନର ଚିରନ୍ତନ ସତ୍ୟ ଜାଣିଥିଲେ ବି ମରିବା ପାଇଁ କେହି ପସନ୍ଦ କରନ୍ତି ନାହିଁ । ତେବେ କିଛି ଲୋକ ଅଛନ୍ତି ଯେଉଁମାନେ କିଛି ନୂଆ କରିବା ଆଶାରେ ମୃତ୍ୟୁକୁ ମଧ୍ୟ ଡରନ୍ତି ନାହିଁ । ଆପଣ ଶୁଣି ଆଶ୍ଚଯ୍ୟ ହେବେ ଏପରି ଜଣେ ବ୍ୟକ୍ତି ଅଛନ୍ତି, ଯିଏ ନିଜକୁ ହିଁ ମାରିବା ଏକ କମ୍ପାନୀକୁ ସୁପାରି ଦେଇଛନ୍ତି । କଥାଟା ଆଶ୍ଚର୍ଯ୍ୟ ଲାଗୁଥିଲେ ହେଁ ନିରାଟ ସତ । କଆମେରିକାର ସିଲିକନ୍ ଭ୍ୟାଲିରେ ବାସ କରୁଥିବା ଅରବପତୀ ଯୁବା ସେମ୍ ଅଲତମେନ୍ ନେକ୍ଟ୍ରୋମ୍ ନାମକ ଜଣେ ବ୍ୟକ୍ତି ଏକ କମ୍ପାନୀକୁ ୬.୪ ଲକ୍ଷ ଟଙ୍କା ଦେଇଛନ୍ତି । ସେ କମ୍ପାନିକୁ ଟଙ୍କା ଦେଇ ସ୍ୱୟଂକୁ ମାରିବା ସହ ମରିବା ପରେ ତାଙ୍କ ମସ୍ତିଷ୍କକୁ ଏମ୍ବମିଙ୍ଗ୍ (କ୍ୟାମିକାଲ୍ ପ୍ରୋସେସ୍ ଦ୍ୱାରା ସଂରକ୍ଷିତ)କରି ଇଣ୍ଟରନେଟରେ ଅପଲୋଡ୍ କରିବା ପାଇଁ କହିଛନ୍ତି । ମୃତ୍ୟୁ ପରେ ମଧ୍ୟ ଡିଜିଟାଲ ଜୀବନ ଜିଇଁବା ଉଦ୍ଦେଶ୍ୟରେ ସେ ସୁପାରି ଦେଇଥିବା କଥା ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
୩୨ ବର୍ଷୀୟ ସେମ୍ ଅଲତମେନଙ୍କ ମତରେ ଯେତେବେଳେ ବିଜ୍ଞାନ ଅଧିକ ଉନ୍ନତ ହେବ ସେତେବେଳେ ତାଙ୍କ ବ୍ରେନକୁ କମ୍ପ୍ୟୁଟରରେ ଅପଲୋଡ୍ କରାଯିବ ଏବଂ ସେ ମୃତ୍ୟୁ ପରେ ମଧ୍ୟ ଡିଜିଟାଲ୍ ଲାଇଫ୍ ଜିଇଁପାରିବେ । କିନ୍ତୁ ସେମଙ୍କୁ ଏଭଳି କାର୍ଯ୍ୟ କରିବା ପାଇଁ ଆଇନ୍ ତରଫରୁ ଅନୁମତି ମିଳିନାହିଁ । ଅନ୍ୟ ଏକ ରୋଚକ କଥା ହେଉଛି ସେମଙ୍କ କମ୍ପାନୀ ନେକ୍ଟ୍ରୋମ୍ ଭଳି କମ୍ପାନୀକୁ ଫଣ୍ଡ ଦେଇଥାଏ । ସେମଙ୍କ କମ୍ପାନୀର ନାଁ ହେଲା ୱାଇ କମ୍ବିନେଟର୍ ।
ନେକ୍ଟ୍ରୋମ୍ ପ୍ରୋସେସରେ ବ୍ୟକ୍ତିକୁ ଏକ ମେସିନରେ ଶୁଆଇ ମସ୍ତିଷ୍କର ଏମ୍ବମିଙ୍ଗ୍ କରାଯାଏ । କିନ୍ତୁ ଏଭଳି ପ୍ରୋସେସକୁ କେବଳ ଗମ୍ଭୀର ରୋଗରେ ରୋଗଗ୍ରସ୍ଥ ହୋଇଥିବା ବ୍ୟକ୍ତିଙ୍କ ଉପରେ ପ୍ରୟୋଗ କରାଯାଇପାରିବ । ଯାହାଙ୍କର ବଞ୍ଚିବାର ସମୟସୀମା ଖୁବ୍ କମ୍ ଥିବ ।