ବିଜେପି ଉପରେ ଜୋରଦାର ବର୍ଷିଲେ ଶିବସେନା-ଏନସିପି ନେତା ! ଶିବସେନା କହିଲା ନୂଆ ସରକାର ଗଠନ ହେବା ଦେଖି କେତେ ଜଣଙ୍କ ପେଟରେ ପୀଡା ହେଉଛି
କନକ ବ୍ୟୁରୋ : ମହାରାଷ୍ଟ୍ରରେ ମେଂଟ ସରକାର ଗଢ଼ିବାକୁ ଶିବସେନା- ଏନସିପି- କଂଗ୍ରେସ ଜୋରଦାର କସରତ କରୁଥିବାବେଳେ ବିଜେପି ଉପରେ ପୁଣି ବର୍ଷିଛି ଶିବସେନା ଓ ଏନସିପି । ଶିବସେନା ନିଜ ମୁଖପାତ୍ର ସାମନାରେ ବିଜେପିକୁ ଟାର୍ଗେଟ କରି ଲେଖିଛି ରାଜ୍ୟରେ ନୂଆ ସମୀକରଣ ହେବାକୁ ଯାଉଥିବା ଦେଖି କେତେ ଜଣଙ୍କ ପେଟରେ ପୀଡା ହେଉଛି । ସେହିଭଳି ଏନସିପିର ମୁଖ୍ୟ ମୁଖପାତ୍ର ନୱାବ ମଲ୍ଲିକ ମଧ୍ୟ ବିଜେପି ଓ ଦେବେନ୍ଦ୍ର ଫଡନଭିସଙ୍କୁ ସମାଲୋଚନା କରିିଛନ୍ତି । କହିଛନ୍ତି ଦେବେନ୍ଦ୍ର ଫଡନଭିସ୍ ପରାସ୍ତ ସେନାର ମୁଖ୍ୟ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆଉ କିଛି ସମୟ ପରେ ତିନି ଦଳର ପ୍ରତିନିଧି ଦଳ ମିଳିତ ଭାବେ ମହାରାଷ୍ଟ୍ରର ରାଜ୍ୟପାଳଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ରାଜ୍ୟରେ ଦେଖାଦେଇଥିବା ପ୍ରଶାସନିକ ଅଚଳାବସ୍ଥା ନେଇ ରାଜ୍ୟପାଳଙ୍କ ସହ ତିନି ଦଳର ନେତା ଆଲୋଚନା କରିବେ ବୋଲି ଜଣାପଡିଛି । ସେହି କୃଷି ଓ କୃଷକଙ୍କ ଆତ୍ମହତ୍ୟା ପ୍ରସଙ୍ଗରେ ମଧ୍ୟ ଆଲୋଚନା କରିବେ । ସେପଟେ ଆସନ୍ତାକାଲି ଦିଲ୍ଲୀରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ଶରଦ ପାୱାର ଭେଟି ପରବର୍ତୀ କାର୍ଯ୍ୟପନ୍ଥା ଚୂଡାନ୍ତ କରିବା ନେଇ ଆଲୋଚନା କରିବେ ବୋଲି ଜଣାପଡିଛି । ଆଲୋଚନା ପରେ ସରକାର ଗଠନ ନେଇ ସ୍ପଷ୍ଟ ଘୋଷଣା କରିପାରନ୍ତି ତିନି ଦଳ ।