ମହାପ୍ରଭୁ ଶ୍ରୀ ଲିଙ୍ଗରାଜଙ୍କ ରୁକୁଣା ରଥଯାତ୍ରାବେଳେ ଅଘଟଣ ! ବାରମ୍ବାର ଛିଡିଲା ରଥ ଦଉଡି,ରଥଟଣା ବନ୍ଦକଲା ମନ୍ଦିର ପ୍ରଶାସନ
କନକ ବ୍ୟୁରୋ : ଅଶୋକାଷ୍ଟମୀରେ ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରା ବେଳେ ଘଟିଛି ବିଭ୍ରାଟ । ବାରମ୍ବାର ରଥ ଦଉଡି ଛିଣ୍ଡିବା ପରେ ରଥଟଣାକୁ ଅଧାରେ ରଖିଲା ମନ୍ଦିର ପ୍ରଶାସନ । ରଥଟଣା ଆରମ୍ଭ ହେବା ପରେ ତିନି ତିନି ଥର ରଥ ଦଉଡି ଛିଣ୍ଡିଲା । ଫଳରେ ଅଧାରେ ରଥଟଣାକୁ ଅଟକାଇବାକୁ ବାଧ୍ୟ ହୋଇଥିଲା ପ୍ରଶାସନ । ଏହାକୁ ନେଇ ଭକ୍ତଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ପ୍ରଶାସନର ଦୂରଦୃଷ୍ଟି ଅଭାବରୁ ଏଭଳି କାଣ୍ଡ ହୋଇଥିବା ଅଭିଯୋଗ କରିଛନ୍ତି ସେବାୟତ ଓ ଭକ୍ତ । ଆସନ୍ତାକାଲି ଦିନ ୨ଟାରେ ପୁଣି ଥରେ ରଥ ଟଣାହେବ ବୋଲି ପ୍ରଶାସନ ଘୋଷଣା କରିଛି । ସେପଟେ ଆସନ୍ତାକାଲି ଶ୍ରୀରାମନବମୀ ଥିବା ବେଳେ ଶ୍ରୀଜିଉ ରାମେଶ୍ୱର ମନ୍ଦିରରେ ତାଙ୍କର କେତେକ ନୀତି ରହିଛି । ତାହା ପୂରଣ ହେବ କି ନାହିଁ ସେନେଇ ସନ୍ଦେହ ପ୍ରକାଶ କରିଛନ୍ତି ସେବାୟତ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ମାଉସୀ ମା’ ମନ୍ଦିର ଅଭିମୁଖେ ଯାଉଥିବା ରଥର ଦଉଡ଼ି ଶନିବାର ବାରମ୍ବାର ଛିଣ୍ଡିବାରୁ ପ୍ରଶାସନ ପକ୍ଷରୁ ଶେଷରେ ରଥଟଣା କାମ ବନ୍ଦ କରି ଦିଆଯାଇଛି । ନୂଆ ଦଉଡ଼ି ଆସିଲେ ରବିବାର ପୁଣି ଥରେ ରଥ ଟଣାଯିବ ବୋଲି ଜଣେ ଅଧିକାରୀ କହିଛନ୍ତି । ସ୍ଥାନୀୟ ଲୋକଙ୍କ କହିବା ଅନୁସାରେ ପ୍ରାୟ ଗୋଟିଏ ମିଟର ରଥ ଗଡ଼ିବା ପରେ ଦଉଡ଼ି ଛିଣ୍ଡ ଯାଇଥିଲା । ଅଶୋକାଷ୍ଟମୀ ଅବସରରେ ପ୍ରତିବର୍ଷ ହୋଇ ଆସୁଥିବା ମହାପ୍ରଭୁ ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରା ନେଇ ଭକ୍ତ ଓ ଶ୍ରଦ୍ଧାଳୁଙ୍କ ମନରେ ଉତ୍ସାହ ଦେଖାଯାଇଥାଏ । ଏଥିପାଇଁ ଏକାମ୍ର କ୍ଷେତ୍ର ଚଳଚଞ୍ଚଳ ହୋଇ ଉଠିଥାଏ । ଶ୍ରୀଲିଙ୍ଗରାଜଙ୍କ ରଥଯାତ୍ରା ଅବସରରେ ଆଜି ଅପରାହ୍ନରେ ରଥ ଛେରା ପହଁରା କରାଯାଇଥିଲା । ୨ଟା ୩୦ରେ ମହାପ୍ରଭୁଙ୍କୁ ବିରାଜମାନ କରାଯିବା ପରେ ରଥ ଟଣା ଯାଇଥିଲା ।