ପଛରେ ପଡିଲେ ଓଡିଆ ଆଥଲେଟ୍ ! ୨ଶହ ମିଟର ଦୌଡ଼ରେ ନିରାଶ କଲେ ଶ୍ରାବଣୀ ଏବଂ ଦୂତୀ
କନକ ବ୍ୟୁରୋ : ନିରାଶ କଲେ ଓଡିଆ ଧାବକ । ଆଜି ୨୦୦ ମିଟର ଦୌଡର ପୁରୁଷ ଓ ମହିଳା ବର୍ଗର ଫାଇନାଲରେ ତିନିଜଣ ଓଡିଆ ଖେଳାଳି ଥିବା ବେଳେ କେହି ମଧ୍ୟ ପଦକ ପାଇ ପାରିନାହାନ୍ତି । ୨୦୦ ମିଟର ମହିଳା ବିଭାଗ ଦୌଡରେ ଦୂତୀ ଚାନ୍ଦ ଓ ଶ୍ରାବଣୀ ନନ୍ଦ ଚତୁର୍ଥ ଓ ପଂଚମ ସ୍ଥାନରେ ରହି ରେସ୍ ଶେଷ କରିଛନ୍ତି । ଏହି ବିଭାଗରେ କାଜାକସ୍ତାନ୍ ସ୍ୱର୍ଣ୍ଣ ଓ ବ୍ରୋଂଜ ପାଇଥିବା ବେଳେ ଶ୍ରୀଲଙ୍କାର ପ୍ରତିଯୋଗୀ ରୌପ୍ୟ ପାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଚଳିତ ସିଜିନରେ ନିରାଶାଜନକ ଖେଳ ପ୍ରଦର୍ଶନ କରିଥିବା ଓଡିଆ ଧାବକ ଅମିୟ ମଲ୍ଲିକ ପୁଣି ସମର୍ଥକଙ୍କୁ ନିରାଶ କରିଛନ୍ତି । ୨୦୦ ମିଟର ପୁରୁଷ ଫାଇନାଲ ଦୌଡରେ ସପ୍ତମ ସ୍ଥାନରେ ରହିଛନ୍ତି ଅମିୟ । ଓଡିଆ ଆଥଲେଟଙ୍କ ନିରାଶା ମଧ୍ୟରେ ୮୦୦ ମିଟର ମହିଳା ଦୌଡରେ ଭାରତୀୟ ଧାବିକା ଅର୍ଚ୍ଚନା ଆଦବ ସ୍ୱର୍ଣ୍ଣ ପଦକ ହାସଲ କରିଛନ୍ତି । ସେହିପରି ପୁରୁଷ ୮୦୦ ମିଟର ଦୌଡରେ ଜିନସନ ଜନସନ୍ ବ୍ରୋଂଜ ପାଇଛନ୍ତି । ଆଜି ଏସିଆର ଏହି କ୍ରୀଡା ମହାକୁମ୍ଭର ଉଦଯାପନୀ ଉତ୍ସବ । ଏସିଆନ ଆଥେଲେଟିକ ମିଟର ପରବର୍ତ୍ତୀ ସଂସ୍କରଣ କତାରରେ ଅନୁଷ୍ଠିତ ହେବ ।