ବାହୁବଲୀ ଅଭିନେତ୍ରୀ ତମନ୍ନା ଭାଟ୍ଟିଆଙ୍କ ଉପରକୁ ଜୋତା ଫୋପାଡ଼ିଲେ ମୁଶିରାବାଦର ଜଣେ ବ୍ୟକ୍ତି ! ଅଭିଯୁକ୍ତକୁ ଗିରଫ କଲା ପୋଲିସ୍
ବଲିଉଡ ଏବଂ ଦକ୍ଷୀଣ ଭାରତୀୟ ସିନେମାରେ କାମ କରିଥିବା ଅଭିନେତ୍ରୀ ତମନ୍ନା ଭାଟିଆଙ୍କ ଉପରକୁ ଜଣେ ବ୍ୟକ୍ତି ଜୋତା ଫିଙ୍ଗିଛନ୍ତି । ହାଇହ୍ରାବାଦର ହିମାୟତ ନଗରରେ ତମନ୍ନା ରବିବାରକୁ ଏକ ଜୁଏଲରୀ ଷ୍ଟୋର ଉଦଘାଟନ କରିବା ପାଇଁ ପହଁଚିଥିଲେ । ସେଠାରେ ତାଙ୍କୁ ଏହି ଅସହଜ ପରିସ୍ଥିତିର ସାମ୍ନା କରିବାକୁ ପଡିଥିଲା । ରିପୋର୍ଟ ଅନୁସାରେ ପୋଲିସ ସେହି ବ୍ୟକ୍ତିଙ୍କୁ କାବୁ କରିବାରେ ବିଳମ୍ବ କରିନଥିଲା । ପୋଲିସର କହିବା ଅନୁସାରେ ସେହି ଷ୍ଟୋରର ଜଣେ ୩୧ ବର୍ଷୀୟ କର୍ମଚାରୀ ତମନ୍ନାଙ୍କ ଉପରକୁ ଜୋତା ଫିଙ୍ଗିଥିଲେ । ନାରାୟଣଗୁଡା ପୋଲିସ ଥାନାର ଇନସ୍ପେକ୍ଟର ବି.ରବିନ୍ଦର ମିଡିଆକୁ କହିଛନ୍ତି ଯେ ତମନ୍ନା ଯେତେବେଳେ ଷ୍ଟୋରରୁ ବାହାରକୁ ଆସୁଥିଲେ, ସେତେବେଳେ ମୁଶିରାବାଦର ବିଟେକ ଗ୍ରାଜୁଏଟ କରୀମୁଲ୍ଲା ତାଙ୍କ ଉପରକୁ ଜୋତା ଫେପାଡିଥିଲେ । କିନ୍ତୁ ଏହା ତମନ୍ନାଙ୍କୁ ନବାଜି ଷ୍ଟୋରର ଜଣେ କର୍ମଚାରୀଙ୍କୁ ବାଜିଥିଲା ।
Kanak News is now on WhatsApp
Join and get latest news updates delivered to you via WhatsApp
ଇନସ୍ପେକ୍ଟରଙ୍କ କହିବା ଅନୁସାରେ ପଚରାଉଚରା ବେଳେ ଆରୋପୀ ଜଣଙ୍କ କହିଥଲେ ଯେ, ନିକଟ ଅତୀତରେ ସିନେମାରେ ତମନ୍ନାଙ୍କ ଚରିତ୍ର ତାଙ୍କୁ ନିରାଶ କରିଥିଲା । ଯାହା ଫଳରେ ସେ ତମନ୍ନାଙ୍କ ଉପରକୁ ଜୋତା ଫିଙ୍ଗିଥିଲେ । ଯେଉଁ କର୍ମଚାରୀଙ୍କୁ ଜୋତା ବାଜିଥିଲା, ସେ ଏହି ସମ୍ବନ୍ଧିତ ଧାରା ଅନୁସାରେ ମାମଲା ରୁଜୁ କରିଛନ୍ତି । ତମନ୍ନା ଭାଟିଆ ଭାରତୀୟ ସିନେମା ଇତିହାସର ସବୁଠାରୁ ହିଟ ସିନେମା‘ବାହୁବଳୀର’ ଦୁଇଟି ଯାକ ଭାଗରେ ନଜର ଆସିଥିଲେ । ତମନ୍ନା ହିନ୍ଦୀ ସିନେମା ବ୍ୟତୀତ ତେଲଗୁ ଓ ତାମିଲ ସିନେମାରେ ମଧ୍ୟ କାମ କରୁଛନ୍ତି । ତମନ୍ନା ବର୍ତ୍ତମାନ ତାଙ୍କର ଆଗାମୀ ତେଲଗୁ ସିନେମା ‘ନା ନୁବେ’କୁ ନେଇ ବ୍ୟସ୍ତ ଅଛନ୍ତି । ଏହି ସିନେମାପାଇଁ ସେ ସ୍ୱତନ୍ତ୍ର ଟ୍ୟାଙ୍ଗୋ ଡ୍ୟାନ୍ସ ମଧ୍ୟ ଶିଖୁଛନ୍ତି । ଏହାର ସୂଚନା ତମନ୍ନା ଏକ ଇଣ୍ଟରଭ୍ୟୁରେ ଦେଇଥିଲେ । ସିନେମାରେ ତମନ୍ନା ମୀରା ନାମକ ଜଣେ ରେଡିଓ ଜକି ଭୂମିକାରେ ନଜର ଆସିବେ ।