ଦେଢ଼ ଘଣ୍ଟା ପାଇଁ କଟିଗଲା ବିଜୁଳି, ଅଚଳଥିଲା ଜେନେରେଟର, ଇନଭର୍ଟର । ମୋବାଇଲ୍ ଟର୍ଚ୍ଚରେ ହେଲା ଚିକିତ୍ସା ।
କନକ ବ୍ୟୁରୋ: କେବେ ସୁଧୁରିବ ସ୍ୱାସ୍ଥ୍ୟବସ୍ଥା? ଆଜି ବି ଦେଶର ବିଭିନ୍ନ ସ୍ଥାନରେ ସ୍ୱାସ୍ଥ୍ୟ ସେବା ବିପର୍ଯ୍ୟସ୍ତ ହୋଇ ପଡ଼ିଥିବା ଦେଖିବାକୁ ମିଳୁଛି । ବିଜୁଳି ନାହିଁ ବୋଲି ମେଡ଼ିକାଲକୁ ଭରସା ମୋବାଇଲ୍ ଟର୍ଚ୍ଚ ଲାଇଟ୍ । ଏମିତି ଏକ ଘଟଣା ଦେଖିବାକୁ ମିଳିଛି, ଉଜ୍ଜୈନ ଜିଲ୍ଲାରେ ନାଗଦାରେ । ଡାକ୍ତରଖାନାରେ ବିଦ୍ୟୁତ୍ କଟିଲା ପରେ ମୋବାଇଲ ଟର୍ଚ୍ଚ ଲାଇଟ୍ ଲଗାଯାଇ ଚିକିତ୍ସା କରାଯିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି।
Kanak News is now on WhatsApp
Join and get latest news updates delivered to you via WhatsApp
ପଦାରେ ପଡ଼ିଲା ସରକାରୀ ଡାକ୍ତରଖାନାର ଦାୟିତ୍ବହୀନତା । ସୂଚନା ମୁତାବକ, ଡାକ୍ତରଖାନାରେ ନସବନ୍ଦୀ ଅସ୍ତ୍ରୋପଚାର ଶିବିର ଆୟୋଜନ କରାଯାଇଥିଲା। ଏଥିଲାଗି କିଛି ମହିଳା ଆସିଥିବା ବେଳେ ସେହି ସମୟରେ ହଠାତ୍ ଡାକ୍ତରଖାନାର ବିଦ୍ୟୁତ୍ ଚାଲିଯାଇଥିଲା । ଫଳରେ ମହିଳାଙ୍କୁ ମୋବାଇଲ ଟର୍ଚ୍ଚ ଲଗାଇ ଇଞ୍ଜେକ୍ସନ ଦିଆଯିବା ପରେ ଏମରଜେନ୍ସି ଲାଇଟ୍ ଲଗାଇ ଅସ୍ତ୍ରୋପଚାର କରାଯାଇଥିଲା । ଡାକ୍ତରଖାନାରେ ଥିବା ଜେନେରେଟର ଓ ଇନଭର୍ଟର ଖରାପ ହୋଇ ଯାଇଥିବାରୁ ଏମରଜେନ୍ସି ଲାଇଟ୍ ଲଗାଇ ଅସ୍ତ୍ରୋପଚାରର କରାଯାଇଥିଲା ବୋଲି ଜଣାପଡ଼ିଛି ।
ତେବେ ଏନେଇ ମଧ୍ୟପ୍ରଦେଶ ସ୍ୱାସ୍ଥ୍ୟମନ୍ତ୍ରୀ କହିଛନ୍ତି କି, ରାଜ୍ୟରେ ସ୍ବାସ୍ଥ୍ୟ ସମସ୍ୟାକୁ ନେଇ ମିଳୁଥିବା ସୁବିଧାରେ ଅଭାବ ରହିଛି । କିନ୍ତୁ ଆମ ସରକାର ଏହି ସମସ୍ୟାର ସମାଧାନ କରିବାକୁ ପ୍ରୟାସ ଜାରି ରଖିଛନ୍ତି । ଆଉ ନାଗଦାରେ ସରକାରୀ ଡାକ୍ତରଖାନାରେ ଘଟିଥିବା ଘଟଣା ବିଷୟରେ ଜାଣି ଏହାର ତଦନ୍ତ ନିର୍ଦ୍ଦେଶ ଦିଆଯାଇଛି ବୋଲି କହିଛନ୍ତି ମନ୍ତ୍ରୀ ।