ନିର୍ବନ୍ଧ ଆଗରୁ ଏକାଠି ଦେଖାଦେଲେ ଆକାଶ ଓ ଶ୍ଳୋକା : ଅମ୍ବାନି ପରିବାର ସହ ବୁଲିଲେ ସିଦ୍ଧି ବିନାୟକ ମନ୍ଦିର

6

ମୁମ୍ବାଇର ପ୍ରସିଦ୍ଧ ସିଦ୍ଧି ବିନାୟକ ମନ୍ଦିରରେ ଅମ୍ବାନି ପରିବାର । ଦେଶର ସବୁଠାରୁ ଧନି ଶିଳ୍ପପତି ମୁକେଶ ଅମ୍ବାନିଙ୍କ ପରିବାର ରାମନବମୀରେ ସିଦ୍ଧି ବିନାୟକ ମନ୍ଦିର ପହଂଚିବା ପରେ ଘେରି ଯାଇଥିଲା ଗଣମାଧ୍ୟମ କ୍ୟାମେରା । କାରଣ ଅମ୍ବାନି ପରିବାର ସହ ଥିଲେ ଶ୍ଲୋକା ମେହଟା । ମୁକେଶଙ୍କ ବଡପୁଅ ଆକାଶ ଅମ୍ବାନିଙ୍କ ସହ ବିବାହ କରିବାକୁ ଯାଉଛନ୍ତି ଶ୍ଳୋକା । ଡିସେମ୍ବର ପ୍ରଥମ ସପ୍ତାହରେ ବିବାହ ନେଇ ସୂଚନା ଭିତରେ ଅମ୍ବାନି ପରିବାର ସହ ଶ୍ଳୋକାଙ୍କ ଉପସ୍ଥିତି ଚର୍ଚ୍ଚାକୁ ସରଗରମ କରିଛି ।

ହୀରା ବ୍ୟବସାୟୀ ରସେଲ ମେହେଟାଙ୍କ ସାନଝିଅ ଶ୍ଳୋକା ମେହଟାଙ୍କୁ ବୋହୁ କରିବା ପାଇଁ ସ୍ଥିର କରିଛନ୍ତି ମୁକେଶ ଅମ୍ବାନିଙ୍କ ପରିବାର । ଏଥିଲାଗି ମୁକେଶଙ୍କ ପରିବାର ସହ ଶ୍ଳୋକାଙ୍କୁ ବାରମ୍ବାର ଏକାଠି ଦେଖିବାକୁ ମିଳୁଛି । ସୂଚନା ଅନୁସାରେ ଡିସେମ୍ବର ୮ରୁ ୧୨ ତାରିଖ ମଧ୍ୟରେ ମୁମ୍ବାଇର ଓବରଏ ହୋଟେଲରେ ହୋଇପାରେ ଏହି ବହୁ ପ୍ରତିକ୍ଷିତ ବାହାଘର । ୪ରୁ ୫ଦିନ ଚାଲିବ ବିବାହ ଉତ୍ସବ । ଏଥିପାଇଁ ଶନିବାର ଗୋଆର ଏକ ପଂଚତାରକା ରିସୋର୍ଟରେ ଦୁଇ ପରିବାର ମଧ୍ୟରେ ଏକ ଔପଚାରିକ ଚିହ୍ନା ପରିଚୟ କାର୍ଯ୍ୟକ୍ରମର ବନ୍ଦୋବସ୍ତ ହୋଇଥିଲା । ଯେଉଁଠାରେ ଏକାଠି ସମୟ ବିତାଇଥିଲେ ଅମ୍ବାନି ଓ ମେହଟା ପରିବାରର ସଦସ୍ୟଙ୍କ ସହ କିଛି ନିକଟ ସଂପର୍କୀୟ ।

ରୋଜି ବ୍ଲୁ ଡାଇମଣ୍ଡ ମାଲିକ ରସେଲ ମେହଟାଙ୍କ ସାନଝିଅ ଶ୍ଳୋକା ଧୀରୁଭାଇ ଅମ୍ବାନି ଅନ୍ତର୍ଜାତୀୟ ସ୍କୁଲରେ ଆକାଶଙ୍କ ସହ ପାଠ ପଢୁଥିଲେ । ସେବେଠାରୁ ଦୁହିଁଙ୍କ ଭିତରେ ବନ୍ଧୁତା ପରିବର୍ତ୍ତୀ ସମୟରେ ପାରିବାରିକ ସଂପର୍କରେ ପରିଣତ ହୋଇଛି । ଆଉ ସେଦିନର ସ୍କୁଲ ସହପାଠୀ ଏବେ ଜୀବନ ସାଥୀ ହେବାକୁ ଯାଉଛନ୍ତି । ।

Comments are closed.