ମୁମ୍ବାଇ ସମୁଦ୍ର ତଟରେ ଛତ୍ରପତି ଶିବାଜୀଙ୍କ ବିଶାଳକାୟ ପ୍ରତିମୂର୍ତ୍ତିର ଶିଳାନ୍ୟାସ କରିବେ ପ୍ରଧାନମନ୍ତ୍ରୀ ମୋଦି
କନକ ବ୍ୟୁରୋ: ମରାଠା ଯୋଦ୍ଧା ଛତ୍ରପତି ଶିବାଜୀଙ୍କ ବିଶାଳକାୟ ପ୍ରତିମୂର୍ତ୍ତିର ଆଜି ଶିଳାନ୍ୟାସ କରିବେ ପ୍ରଧାନମନ୍ତ୍ରୀ । ମୁମ୍ବାଇ ସମୁଦ୍ର ତଟରେ ଆରବ ସାଗର ମଧ୍ୟରେ ଛତ୍ରପତି ଶିବାଜୀଙ୍କ ବିଶାଳକାୟ ପ୍ରତିମୂର୍ତ୍ତିର ସ୍ଥାପନା ହେବ । ଏହି ପ୍ରତିମୂର୍ତ୍ତି ୧୯୨ମିଟର ଉଚ୍ଚ ହେବ । ୩ହଜାର ୬ଶହ କୋଟି ଟଙ୍କା ବ୍ୟୟରେ ଏହି ପ୍ରକଳ୍ପ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ, ଛତ୍ରପତି ଶିବାଜୀଙ୍କ ଏହି ପ୍ରତିମୂର୍ତ୍ତି କେବଳ ଦେଶରେ ନୁହେଁ ବରଂ ବିଶ୍ୱର ସବୁଠୁ ଉଚ୍ଚ ପ୍ରତିମୂର୍ତ୍ତି ହେବ ବୋଲି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ ସୂଚନା ଦେଇଛନ୍ତି । ମୁମ୍ବାଇର ନରିମନ ପଏଂଟ ଓ ଗେଟୱେ ଅଫ୍ ଇଣ୍ଡିଆଟୁ ବୋଟþ ସାହାଯ୍ୟରେ ପର୍ଯ୍ୟଟକଙ୍କୁ ଏହି ଶିବ ସ୍ମାରକକୁ ଯାଇପାରିବେ ।
ଏହା ଗେଟୱେ ଅଫ୍ ଇଣ୍ଡିଆଠାରୁ ସମୁଦ୍ର ଭିତରେ ୧୨ କିଲୋମିଟର ଦୂରରେ ରହିଥିବା ବେଳେ ନରିମନ ପଏଂଟରୁ ସାଢେ ୩ କିଲୋମିଟର ଦୂରରେ ପ୍ରତିଷ୍ଠା ହେବ । ଏଠାରେ ଆର୍ଟ ମ୍ୟୁଜିୟମ, ଆମ୍ପି ଥିଏଟର, ମରିନ ଆକ୍ୱାରିୟମ ଓ ଗ୍ୟାଲେରୀ ମଧ୍ୟ ରହିବ । ଏହାସହ ଏଠାରେ ପର୍ଯ୍ୟଟକଙ୍କ ପାଇଁ କାଫେଟେରିଆ ସହ ଅନ୍ୟାନ୍ୟ ସମସ୍ତ ସୁବିଧା ମଧ୍ୟ ଯୋଗାଇ ଦିଆଯିବ ।