ଟାର୍ଗେଟରେ ଟାଇଗର ! ମହାରାଷ୍ଟ୍ରରେ ସଲମାନଙ୍କ ଫିଲ୍ମକୁ ବିରୋଧ କଲା ଶିବସେନା । କହିଲା, ଆମ ଦଳରେ ମଧ୍ୟ ଏବେ ଟାଇଗର ବଞ୍ଚିଛି
ପଦ୍ମାବତୀ ପରେ ଏବେ ଟାର୍ଗେଟରେ ଟାଇଗର ଜିନ୍ଦା ହୈ । ପଦ୍ମାବତୀ ଫିଲ୍ମକୁ ନେଇ ବିବାଦ ଥମି ନଥିବା ବେଳେ ସଲମାନ ଓ କ୍ୟାଟ୍ରିନାଙ୍କ ଅଭିନୀତ ଟାଇଗର ଜିନ୍ଦା ହୈ ଫିଲ୍ମକୁ ନେଇ ବିବାଦ ଦେଖାଦେଇଛି । ଡିସେମ୍ବର ୨୨ ତାରିଖରେ ରିଲିଜ ହେବାକୁ ଥିବା ଏହି ଫିଲ୍ମକୁ ଶିବସେନା ବିରୋଧ କରିବା ଆରମ୍ଭ କରିଛି । ପୂର୍ବରୁ ମହାରାଷ୍ଟ୍ର ନବନିର୍ମାଣ ସେନା ମଧ୍ୟ ଟାଇଗର ଜିନ୍ଦା ହୈ ଫିଲ୍ମକୁ ବିରୋଧ କରିଥିଲା । ତେବେ ଏହି ଫିଲ୍ମକୁ ବିରୋଧ କରିବା ନେଇ ଶିବସେନା କହିଛି, ଟାଇଗର ଜିନ୍ଦା ହୈ ଫିଲ୍ମ ରିଲିଜ ହେବା ଦ୍ୱାରା ମରାଠୀ ଫିଲ୍ମ ଉପରେ ଏହାର ଅଧିକ ପ୍ରଭାବ ପଡିବ । ବ୍ୟବସାୟିକ ଦୃଷ୍ଟିରୁ ମଧ୍ୟ କ୍ଷତି ସହିବେ ମରାଠୀ ପ୍ରଯୋଜକ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଟାଇଗର ଜିନ୍ଦା ହୈର ପ୍ରଯୋଜକ ମହାରାଷ୍ଟ୍ରର ସମସ୍ତ ମଲ୍ଟିପ୍ଲେକ୍ସ ଏବଂ ସମସ୍ତ ହଲରେ ପ୍ରତିଦିନ ୫ଟି ସୋ’ ପ୍ରଦର୍ଶିତ କରିବା ପାଇଁ ପୂର୍ବରୁ ବୁକିଂ କରି ସାରିଛନ୍ତି । ଯାହାଦ୍ୱାରା ମରାଠୀ ଫିଲ୍ମକୁ ସ୍କ୍ରିନ ମିଳିବ ନାହିଁ । ଶିବସେନାର ନେତା କହିଛନ୍ତି ଯେ ମରାଠୀ ଫିଲ୍ମକୁ ଯେକୌଣସି ମତେ ପ୍ରାଇମ ଟାଇମ ସୋରେ ସ୍ଥାନ ମିଳିବା ଦରକାର । ଟାଇଗର ଜିନ୍ଦା ହୈ ଯୋଗୁଁ ମରାଠୀ ଫିଲ୍ମକୁ ସ୍କ୍ରିନ ମିଳୁନାହିଁ । ଯଦି ହିନ୍ଦୀ ଫିଲ୍ମକୁ ମରାଠୀ ଫିଲ୍ମ ମୂଲ୍ୟରେ ସ୍ଥାନ ଦିଆଯିବ ତେବେ ସେମାନେ ଏହାର ପୂର୍ଣ୍ଣ ବିରୋଧ କରିବେ । ତାଙ୍କ କହିବା ଅନୁସାରେ ଏହା ତାଙ୍କର ଧମକ ନୁହେଁ ବରଂ ସେ ତାଙ୍କର ହକ ମାଗୁଛନ୍ତି । ଏଭଳି ବିରୋଧ ଯୋଗୁଁ ଏବେ ହଲ ଓ ମଲ୍ଟିପ୍ଲେକ୍ସର ମାଲିକଙ୍କ ମନରେ ଏବେ ଛନକା ପଶିଯାଇଛି ।
ସେହଭଳି ଶିବସେନା ସାଂସଦ ସଞ୍ଜୟ ରାୱତ ଟାଇଗର ଜିନ୍ଦା ହୈ ଫିଲ୍ମକୁ ବଡ ମାଛ ବୋଲି କହିଛନ୍ତି । ଆଉ ଏହି ବଡ ମାଛ ମରାଠୀ ଫିଲ୍ମ ଅଥାର୍ତ ଛୋଟମାଛକୁ ଖାଇବାକୁ ଚେଷ୍ଟା କରୁଛି । ଏହାଛଡା ସେ ଚେତାଇ ଦେଇଛନ୍ତି ଯେ, ଶିବସେନାରେ ମଧ୍ୟ ଟାଇଗର ବଞ୍ଚିଛନ୍ତି ।