ସେୟାର୍ ବଜାରରେ ସୁନାମୀ ! ଭଲ ମୌସୁମୀ ବର୍ଷାର ପୂର୍ବାନୁମାନ ପରେ ଷ୍ଟକ୍ ଏକ୍ସଚେଂଜରେ ଉତ୍ସାହ
କନକ ବ୍ୟୁରୋ : ଭାରତୀୟ ସେୟାର ବଜାରରେ ସୁନାମି । ଗ୍ଲୋବାଲ ସେୟାର ମାର୍କେଟରେ ଦେଖା ଦେଉଥିବା ମଜଭୁତ୍ ସ୍ଥିତିର ପ୍ରଭାବ ଭାରତୀୟ ସେୟାର ବଜାର ଉପରେ ପଡିଛି । ଆଜି ମୁମ୍ବାଇ ଷ୍ଟକ ଏକ୍ସଚେଂଜ ସୂଚକାଙ୍କ- ସେନସେକ୍ସ ୩୦ ହଜାର ୫୮୩ ପଏଂଟରେ ବନ୍ଦ ହୋଇଛି । ଆରପଟେ ନ୍ୟାସନାଲ ଷ୍ଟକ ଏକ୍ସଚେଂଜ ସୂଚକାଙ୍କ- ନିଫ୍ଟି ରେକର୍ଡ ୯ ହଜାର ୫୦୦ ପଏଂଟରେ ବନ୍ଦ ହୋଇଛି । ଲଗାତର ଦ୍ୱିତୀୟ ଦିନ ପାଇଁ ସେୟାର ବଜାରରେ ଏପରି ଉତ୍ସାହ ନଜରକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଚଳିତ ସପ୍ତାହ ଆରମ୍ଭରେ ଭଲ ମୌସୁମୀ ବର୍ଷା ହେବା ନେଇ ଭାରତୀୟ ପାଣିପାଗ ବିଭାଗ, ସୂଚନା ଦେବା ପରେ ଏହାର ପ୍ରଭାବ ଭାରତୀୟ ବଜାରରେ ଦେଖିବାକୁ ମିଳିଛି ବୋଲି ବିଶେଷଜ୍ଞ ମତ ଦେଇଛନ୍ତି । ଆଜି ସକାଳେ କାରବାର ଆରମ୍ଭ ହେବାମାତ୍ରେ ପ୍ରଥମ ଘଂଟାକ ମଧ୍ୟରେ ସେନସେକ୍ସ ୧୨୨ ପଏଂଟ ବୃଦ୍ଧି ପାଇ ୩୦ ହଜାର ୫୧୩ ସ୍ତରକୁ ଛୁଇଁଥିଲା । ସୋମବାର ଦିନ ସେନସେକ୍ସ ୩୦ ହଜାର ୩୨୨ ପଏଂଟରେ ବନ୍ଦ ହୋଇଥିବା ବେଳେ ନିଫ୍ଟି ୯ ହଜାର ୪୪୫ ପଏଂଟରେ ବନ୍ଦ ହୋଇଥିଲା । ଏହା ଭାରତର ଦୃଢ ଅର୍ଥନୀତିର ସଂକେତ ଦେଉଛି ବୋଲି ଅର୍ଥନୀତି ବିଶେଷଜ୍ଞମାନେ ମତ ଦେଇଛନ୍ତି ।