ଶାହରୁଖଙ୍କ ସିନେମା ‘ରଇସ୍’ର ପ୍ରମୋସନ ବେଳେ ଅଘଟଣ: କିଙ୍ଗଖାନଙ୍କ ଝଲକ ପାଇବାକୁ ଯାଇ ପ୍ରଶଂସକଙ୍କ ମୃତ୍ୟୁ
କିଙ୍ଗଖାନଙ୍କ ଏକ ଝଲକ ପାଇବାକୁ ଯାଇ ଫ୍ୟାନଙ୍କ ମୃତ୍ୟୁ । ଆଗାମୀ ସିନେମା ‘ରଇସ’ର ପ୍ରମୋସନ ବେଳେ ଅଘଟଣ ଘଟିଛି । ‘ରଇସ’ର ପ୍ରମୋସନ ପାଇଁ ଶାହରୁଖ ଯେତେବେଳେ ଟ୍ରେନରେ ଯାଇ ବଡୋଦରାରେ ପହଂଚିଥିଲେ ଫ୍ୟାନଙ୍କ ଭିଡ ନିୟନ୍ତ୍ରଣ ବାହାରେ ହୋଇଯାଇଥିଲା । ଅଗଷ୍ଟ କ୍ରାନ୍ତି ରାଜଧାନୀ ଏକ୍ସପ୍ରେସରେ ଶାହରୁଖ ଖାନ୍ ମୁମ୍ବାଇରୁ ଦିଲ୍ଲୀ ଅଭିମୁଖେ ଯାତ୍ରା କରୁଥିଲେ । ଟ୍ରେନ ଯେତେବେଳେ ବଡୋଦରାରେ ୧୦ମିନିଟ ପାଇଁ ଅଟକିଥିଲା, ଶାହରୁଖଙ୍କୁ ଏକ ଝଲକ ପାଇବା ପାଇଁ ବହୁ ପ୍ରଶଂସକଙ୍କ ଭିଡ ଜମିଥିଲା ।
Kanak News is now on WhatsApp
Join and get latest news updates delivered to you via WhatsApp
ଶାହରୁଖଙ୍କୁ ଦେଖିବା ପାଇଁ ଫ୍ୟାନ ଏତେ ପାଗଳ ହୋଇ ଯାଇଥିଲେ ଯେ ତାଙ୍କୁ ନିୟନ୍ତ୍ରଣ କରିବା ପାଇଁ ପୁଲିସକୁ ମୃଦୁ ଲାଠି ଚାଳନା କରିବାକୁ ପଡିଥିଲା । ଏପରିକି ଟ୍ରେନଟି ଯେତେବେଳେ ବଡୋଦରା ଷ୍ଟେସନ ଛାଡିଥିଲା ପ୍ରଶଂସକମାନେ ମଧ୍ୟ ଟ୍ରେନ ସହ ଦୌଡିବାକୁ ଲାଗିଥିଲେ । ଏହି ସମୟରେ ଭିଡ ଭିତରେ ଜଣେ ଫ୍ୟାନଙ୍କ ମୃତ୍ୟୁ ହୋଇଯାଇଥିଲା । ଏପରିକି ଭିଡ ନିୟନ୍ତ୍ରଣ କରୁଥିବା ୨ଜଣ ପୁଲିସ କର୍ମୀ ମଧ୍ୟ ଆହତ ହୋଇଛନ୍ତି ।