ଆଉ ଧରିବାକୁ ପଡିବନି ମୋବାଇଲ ଫୋନ ! କାନରେ ଆଙ୍ଗୁଠି ଛୁଇଁବା ମାତ୍ରେ ଆପଣାଛାଏଁ ରିସିଭ ହୋଇଯିବ ଫୋନ୍ କଲ
ପ୍ରିୟଜନ, ସାଙ୍ଗସାଥୀଙ୍କ ସହ କଥାହେବା ପାଇଁ ଏଣିକି ଆଉ ମୋବାଇଲ ଫୋନ ଧରିବାକୁ ପଡିବନି । ଅନ୍ୟମାନଙ୍କର କଲ ରିସିଭ କରିବା ପାଇଁ କେବଳ କାନରେ ଫିଙ୍ଗର ଟଚ କରିବାକୁ ପଡିବ । ଆଉ ଏହାପରେ ବେଶ ଆରାମରେ ଆପଣ କଥା ହୋଇପାରିବେ । ତେବେ ଏଥିପାଇଁ ଆପଣଙ୍କୁ ଏକ ସ୍ମାର୍ଟ ରିଷ୍ଟବ୍ୟାଣ୍ଡ ହାତରେ ପିନ୍ଧିବାକୁ ପଡିବ । ଯାହା ସାହାଯ୍ୟରେ କାନରେ ଫିଙ୍ଗର ଟଚ କରି କଥା ହୋଇପାରିବେ । ଶୁଣିବାକୁ ଆଶ୍ଚଯ୍ୟ ଲାଗୁଥିଲେ ମଧ୍ୟ ଏଭଳି ଏକ ସ୍ମାର୍ଟ ଡିଭାଇସ ଖୁବ ଶୀଘ୍ର ବଜାରରେ ଲଞ୍ଚ ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସାଉଥ କୋରିଆର ଷ୍ଟାଟଅପ କମ୍ପାନି Innomdle Lab ଏକ ସ୍ମାର୍ଟ ଷ୍ଟ୍ରିପ ବା ବ୍ୟାଣ୍ଡ ନିର୍ମାଣ କରିଛି ଯାହା କଲିଙ୍ଗ ବ୍ୟବସ୍ଥାକୁ ସରଳ କରିଛି । Signl ନାମକ ଏହି ରିଷ୍ଟ ବ୍ୟାଣ୍ଡ ଷ୍ଟ୍ରିପ ମଣିଷର ଆଙ୍ଗୁଠିକୁ ଫୋନ ରିସିଭରରେ ପରିଣତ କରିପାରୁଛି । ତେବେ ଏଥିପାଇଁ ପ୍ରଥମେ ଏହି ରିଷ୍ଟବ୍ୟାଣ୍ଡକୁ ସ୍ମାର୍ଟଫୋନ ସହ ପେୟାର କରି ହାତରେ ପିନ୍ଧିବାକୁ ପଡିବ । ରିଷ୍ଟ ବ୍ୟାଣ୍ଡକୁ ଫୋନରେ ପେୟାର କରିବା ପରେ ମୋବାଇଲକୁ କଲ ଆସିଲେ କାନରେ ଆଙ୍ଗୁଳି ଟଚ କରି କଲ କରିଥିବା ବ୍ୟକ୍ତିଙ୍କ ସହ କଥା ହୋଇପାରିବେ ।
ଏହି ରିଷ୍ଟ ବ୍ୟାଣ୍ଡରେ ବିଭିନ୍ନ ଅତ୍ୟାଧୁନିକ ଫିଚର ରହିଛି ।ଯାହାଦ୍ୱାରା ବିଭିନ୍ନ ସମୟରେ ଆପଣ ମୋବାଇଲକୁ ଆସୁଥିବା ନୋଟିଫିକେସନ ମଧ୍ୟ ଦେଖି ପାରିବେ । ଏହାଛଡା ଏହି ରିଷ୍ଟ ବ୍ୟାଣ୍ଡକୁ ସାଧାରଣ ଘଣ୍ଟ କିମ୍ବା ସ୍ମାର୍ଟ ୱାଚ ସହ ମଧ୍ୟ ପିନ୍ଧିପାରିବେ । କମ୍ପାନିର କହିବା ଅନୁଯାୟୀ, , ଏହି ରିଷ୍ଟ ବ୍ୟାଣ୍ଡର ଅଡିଓ କ୍ୱାଲିଟି ବହୁତ ଭଲ ଓ କଥା ହେବା ବେଳେ ବିଲକୁଲ ଲାଗିବ ନାହିଁ କି ଆପଣ କାନରେ ଆଙ୍ଗୁଠି ଯୋଗେ କଲରେ କଥା ହେଉଛନ୍ତି । କଲ ଆସିବା ବେଳେ ଏହି ରିଷ୍ଟ ବ୍ୟାଣ୍ଡ ଭାଇବ୍ରେଟ କରିଥାଏ । ତେଣୁ କଲ ରିସିଭ କରିବାକୁ ହେଲେ ଏଥିରେ ଦିଆଯାଇଥିବା ବୋଟମକୁ ପ୍ରେସ କରିବାକୁ ପଡିଥାଏ । ଏହାପରେ କାନରେ ଫିଙ୍ଗର ଟଚ କରି ବେଶ ଆରାମରେ କଥା ହୋଇପାରିବେ ।
Signl ରିଷ୍ଟ ବ୍ୟାଣ୍ଡର ନିର୍ମାତାଙ୍କ କହିବା ଅନୁଯାୟୀ, ଏହି ବ୍ୟାଣ୍ଡର ଅଡିଓ କ୍ୱାଲିଟ ଅନ୍ୟ ଫୋନ ଅପେକ୍ଷା ବେଶ ଭଲ । ଏହାଛଡା କଥା ହେବା ସମୟରେ ବାହାର ଶବ୍ଦ ମଧ୍ୟ କମ ଶୁଭିଥାଏ । ଏହି ରିଷ୍ଟ ବ୍ୟାଣ୍ଡ ମାର୍ଚ୍ଚ ମାସରେ ବଜାରକୁ ଆସିପାରେ ତେବେ ଭାରତ ବଜାରକୁ କେବେ ଏହି ରିଷ୍ଟ ବ୍ୟାଣ୍ଡ ଆସିବ ତାହା ଏଯାଏଁ ସ୍ୱଷ୍ଟ ହୋଇନାହିଁ ।