ପ୍ରେମିକାରୁ ପୀଡିତା : ବିବାହର ପ୍ରଲୋଭନ ଦେଖାଇ ଯୁବତୀଙ୍କୁ ପ୍ରତାରଣା ଓ ହତ୍ୟା ଧମକ ଅଭିଯୋଗ
ଜଗତସିଂହପୁର : ବିବାହର ପ୍ରଲୋଭନ ଦେଖାଇ ଶାରୀରିକ ସମ୍ପର୍କ ଅଭିଯୋଗ । ଆଉ ଦୀର୍ଘ ୪ ବର୍ଷ ପରେ ବି ବିବାହ ନକରିବାରୁ ଶାରୀରିକ ସଂପର୍କ ପାଇଁ ବିରୋଧ କରିବାରୁ ପ୍ରେମିକାକୁ ହତ୍ୟା ଧମକ ମଧ୍ୟ ଦିଆଯାଇଥିବା ଅଭିଯୋଗ ହୋଇଛି । ଏଭଳି ଏକ ସମ୍ବେଦନଶୀଳ ଘଟଣା ଘଟିଛି ଜଗତସିଂହପୁର ଜିଲ୍ଲା ଛବିସୁଆ ଗାଁରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଅଭିଯୁକ୍ତ ବରଦା ସେଠୀ ବିବାହର ପ୍ରଲୋଭନ ଦେଖାଇ ପୀଡିତାଙ୍କ ସହ ଶାରୀରିକ ସଂପର୍କ ରଖି ଆସୁଥିଲା । ତେବେ ଦୀର୍ଘ ୪ ବର୍ଷ ପରେ ବି ବିବାହ ନକରିବାରୁ ଶାରୀରିକ ସମ୍ପର୍କ ପାଇଁ ଅମଙ୍ଗ ହୋଇଥିଲେ ଯୁବତୀ ଜଣକ । ଆଉ ପ୍ରତିବାଦ କରିବାରୁ ମାଡ ମାରିବା ସହ ଜୀବନରୁ ମାରି ଦେବାକୁ ଧମକ ଦେଇଥିଲା ଅଭିଯୁକ୍ତ ବରଦା । କେବଳ ସେତିକି ନୁହେଁ ଅସାମାଜିକ ଯୁବକଙ୍କୁ ସାଙ୍ଗରେ ଆଣି ତାଙ୍କ ଘରେ ଅତ୍ୟାଚାର କରୁଥିବା ମଧ୍ୟ ଅଭିଯୋଗ କରିଛନ୍ତି ପୀଡିତା ଯୁବତୀ ।
ତେବେ ଅତ୍ୟାଚାର ସୀମା ଅତିକ୍ରମ କରିବାରୁ ନ୍ୟାୟ ପାଇବା ଆଶାରେ ଗତ ମାସ ୨ ତାରିଖରେ ତିର୍ତୋଲ ଥାନାରେ ଲିଖିତ ଅଭିଯୋଗ କରିଥିଲେ ପୀଡିତା ଯୁବତୀ । ହେଲେ ଅଭିଯୋଗ ପାଇବାର ଦୀର୍ଘ ଦେଢ ମାସ ପରେ ବି ପୁଲିସ କୌଣସି ପଦକ୍ଷେପ ଗ୍ରହଣ କରି ନ ଥିବା ଅଭିଯୋଗ କରିଛନ୍ତି ପୀଡିତାଙ୍କ ପରିବାର ।
ସେପଟେ ଘଟଣା ସଂପର୍କରେ କିଛି ବି କହିବାକୁ ମନା କରି ଦେଇଥଲେ ତିର୍ତୋଲ ଥାନା ଆଇଆଇସି । ତେବେ ଖୁବ୍ ଶିଘ୍ର ପଦକ୍ଷପ ଗ୍ରହଣ କରାଯିବ ବୋଲି କହିଛନ୍ତି ଜଗତସଂହପୁର ଏଚ.ଆର.ପି.ସି ।