ସହରରେ ବେଶ୍ୟାବୃତ୍ତି ! ଟୁଇନ୍ ସିଟିରେ ଏକାଧିକ ହୋଟେଲ ଓ ବିଉଟି ପାର୍ଲର ସିଲ୍
କନକ ବ୍ୟୁରୋ: ଟୁଇନ୍ ସିଟିରେ ଏକାଧିକ ହୋଟେଲ ଓ ବିଉଟି ପାର୍ଲର ସିଲ୍ । ଦେହ ବ୍ୟବସାୟ ଅଭିଯୋଗରେ ଭୁବନେଶ୍ୱର ଓ କଟକର ବିଭିନ୍ନ ବିଭିନ୍ନ ହୋଟେଲ ପ୍ୟାଲେସରେ ତାଲା ପକାଇଛି କମିସନରେଟ୍ ପୁଲିସ୍ । ୭ଟି ହୋଟେଲ, ବ୍ୟୁଟି ପାର୍ଲର ଓ ଘର ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହି କୋଠାଗୁଡିକ ବର୍ଷେ ପାଇଁ ବନ୍ଦ ରହିବ ବୋଲି କହିଛନ୍ତି ପୁଲିସ କମିସନର ୱାଇ.ବି ଖୁରାନିଆ ।
Kanak News is now on WhatsApp
Join and get latest news updates delivered to you via WhatsApp
ତେବେ ଅଶୋକ ନଗର ପ୍ଲଟ ନମ୍ବର ୨୦ରେ ଥିବା ହୋଟେଲ ନିର୍ମଳ ପ୍ୟାର୍ଲେସ୍, ବାପୁଜୀ ଗନର ପ୍ଲଟ ନମ୍ବର ୧୨୮ରେ ଥିବା ହୋଟେଲ ଜନତ୍ ପ୍ୟାର୍ଲେସ, ମୈତ୍ରୀ ବିହାର ପ୍ଲଟ ନମ୍ବର ଏସ୍-୬୬ରେ ଥିବା ମୈତ୍ରୀ ଗେଷ୍ଟ ହାଉସ୍, ଲକ୍ଷ୍ମୀସାଗର ରଟକ ରେଡ୍ରେ ଥିବା ଖୁସବୁ ବ୍ୟୁଟି ପାର୍ଲର, ପୁରୁଣା ଷ୍ଟେସନ ବଜାରରେ ଥିବା ୱାନ୍ ଷ୍ଟାର୍ ବ୍ୟୁଟି ପାର୍ଲର, ଭି.ଏସ୍.ଏସ୍. ନଗର ବୃନ୍ଦାବନ ଏନକ୍ଲେଭ୍ ପ୍ଲଟ ନମ୍ବର ୫୦୧୬-ଏଫ୍ ର ଏକ ଘର, ଓ ମଙ୍ଗଳବାଗ ରାଣିହାଟଛକରେ ଥିବା ଏକ ଘର । ଏସବୁ ଘରକୁ କମିଶନରେଟ ପୁଲିସ ସିଲ୍ କରିଛି । କାହିଁକି ନା ଏସବୁ ଘର ଭିତରେ ଛାଲିଥିଲା ବେଧଡକ ଦେହ ବେପାର । ଯେଉଁଠି ରେଡ୍ ସମୟରେ ମାଳ ମାଳ ଗ୍ରାହକ ଧରା ପଡିଥିବା ବେଳେ, ଗଣ୍ଡା ଗଣ୍ଡା ଦେହଜୀବୀକୁ ଉଦ୍ଧାର କରାଯାଇଥିଲା ।
ସେକ୍ସ ର୍ୟାକେଟ ଧରା ପଡୁଥିବା ଘର ମାଲିକଙ୍କୁ କାରଣ ଦର୍ଶାଅ ପାଇଁ ସେକ୍ସନ ୧୮ରେ ନୋଟିସ ଦିଆଯାଇଛି । ଘର ମାଲିକଙ୍କ ଉତର ଓ ପୁଲିସର ତଦନ୍ତ କିଛି ଘର ମାଲିକଙ୍କୁ ତାଗିଦ କରିଥିବା ବେଳେ, ପ୍ରଥମ ଥର ପାଇଁ ଏହି ୭ଟି ଘର ସିଲ୍ କରିଛି । ଦେହ ଦଲାଲଙ୍କୁ ସାବାଡ କରିବା ପାଇଁ ପୁଲିସ ଆଗକୁ ଏହି ଅଭିଯାନ ଜାରି ରଖିବ ବୋଲି କହିଛି ।
ଏହା ସହ ଦେଖନ୍ତୁ ଏହି ଭିଡିଓ-