ଫିଲ୍ମ ଷ୍ଟାଇଲରେ କମିଶନରେଟ୍ ପୁଲିସର ରେଡ୍ ! ଅଣ୍ଡର କଭର ଏଜେଂଟ୍ ସାଜିି ହାଇପ୍ରୋଫାଇଲ ସେକ୍ସ ରାକେର୍ଟର ପର୍ଦ୍ଦାଫାସ କଲା କ୍ୱିକ୍ ଆକ୍ସନ୍ ଟିମ
କନକ ବ୍ୟୁରୋ : ଇଂଟରନେଟ୍ ମାଧ୍ୟମରେ ଗ୍ରାହକଙ୍କୁ ଯୁବତୀ ଚାଲାଣ କରୁଥିବା ଏକ ରାକେଟର ପର୍ଦ୍ଦାଫାଶ ହୋଇଛି । ରାଜଧାନୀର ରଙ୍ଗିଲା ବାରରେ ଏହି କାରବାର ଚାଲୁଥିବାର ଏକ ଅଭିନବ ଉପାୟରେ ତଥ୍ୟ ସଂଗ୍ରହ କରି ପୁଲିସ ରେଡ୍ ମାରିଛି । ବାର ଏବଂ ଗେଷ୍ଟ ହାଉସରୁ ୫ ଜଣ ଯୁବତୀ ସହ ୮ଜଣ ଦଲାଲଙ୍କୁ ପୁଲିସ ଗରିଫ କରିଛି । ଏହି ଦଲାଲ ମାନେ ଏକ ୱେବସାଇଡ୍ ଜରିଆରେ ଗ୍ରାହକଙ୍କୁ ଆକର୍ଷିତ କରିବାକୁ ଚେଷ୍ଟା କରୁଥିଲେ । ପୁଲିସ ପାଖରେ ଏହି ମାମଲା ପହଂଚିବା ପରେ, କମିଶନରେଟ ପୁଲିସର ଜଣେ ଅଣ୍ଡର କଭର ଏଜେଂଟ ଗ୍ରହାକ ସାଜି ମାମଲାର ପର୍ଦ୍ଦାଫାଶ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀର ପସ୍ ଏରିଆ ଅଶୋକନଗରରେ ଏକ ବାର ମାଧ୍ୟମରେ ଚାଲୁଥିବା ସେକ୍ସ ର୍ୟାକେଟ କାରବାରର ପର୍ଦ୍ଦାଫାଶ ପାଇଁ କମିଶନରେଟ ପୁଲିସର ଜଣେ ଅଣ୍ଡର କଭର ଏଜେଂଟ ପହଂଚିଥିଲେ ବାରରେ । ଏବଂ ନିଜେ ଜଣେ ଗ୍ରାହକ ବୋଲି ପରିଚୟ ଦେଇଥିଲେ । କମିଶନରେଟ ପୁଲିସର କୁଇକ ଆକ୍ସନ ଟିମର ଅଣ୍ଡର କଭର ଏଜେଂଟ ନିଜକୁ ଗ୍ରାହକ ବୋଲି ପରିଚୟ ଦେଇ, କେଉଁ ଯୁବତୀ ତାଙ୍କୁ ମିଳି ପାରିବ ବୋଲି ବାରରେ ପ୍ରଶ୍ନ କରିଥିଲେ । କେତେ ଟଙ୍କା ଲାଗିବ ତାହାବି ଜାଣିବା ପାଇଁ ଚାହିଁଥିଲେ । ବାର ତରଫରୁ ମଧ୍ୟ ସବୁକିଛି ବିସ୍ତୃତ ଭାବରେ କୁହାଯାଇଥିଲା ।
ଏହାପରେ ସେହି ଅଣ୍ଡର କଭର ଏଜେଂଟ ଜଣେ ଯୁବତୀଙ୍କୁ ପସନ୍ଦ କରିଥିଲେ । ଏବଂ ସେହି ଯୁବତୀଙ୍କ ସହ ମୁଲଚାଲ ବି କଲେ । ଏହାପରେ ତାଙ୍କ ସହ ଯାଇ ବାର ଉପରେ ଥିବା ଗେଷ୍ଟ ହାଉସ ଭିତରେ ଏଂଟ୍ରି କରିଥିଲେ । ଅଣ୍ଡର କଭର ଏଜେଂଟ ଜଣକ ସେହି ବାର ଓ ଉପରେ ଥିବା ଗେଷ୍ଟ ହାଉସରେ କଣ ଚାଲିଛି ତାହା ପୁଙ୍ଖାନୁପୁଙ୍ଖ ଭାବେ ଜାଣିିବାକୁ ଚେଷ୍ଟା କରିଥିଲେ । ଏବଂ ନିଜେ ନିଜ ଆଖିରେ ସବୁ ଦେଖିଥିଲେ ।
ହେଲେ କେହି ବିି ଅଣ୍ଡର କଭର ଏଜେଂଟଙ୍କୁ ଚିହ୍ନି ପାରି ନଥିଲେ କିମ୍ବା ସନ୍ଦେହ ବି କରିନଥିଲେ । ବିନା ବାଧାରେ ଜଣେ ଗ୍ରାହକ ଭାବେ ପୁରା କାରବାରକୁ ମୋବାଇଲରେ ରେକର୍ଡ ବି କରିଥିଲେ । ଫଳରେ ସବୁ ପ୍ରମାଣ ତାଙ୍କ ପାଖରେ ରହିଯାଇଥିଲା । କେଲାକାତା ଓ ଝାଡଖଣ୍ଡରୁ ଆସିଥିବା ୫ରୂପଜୀବିଙ୍କୁ ପୁଲିସ ଉଦ୍ଧାର କରିଥିବା ବେଳେ, ବାର ମାଲିକ, ମ୍ୟାନେଜର ସେକ୍ସ ର୍ୟାକେଟର କିଙ୍ଗପିନ ଦିପୁ ସମେତ ୮ ଜଣକୁ ପୁଲିସ ଗରିଫ କରି କୋର୍ଟ ଚାଲଣ କରିଛି ।