ରାଜଧାନୀରେ ହାଇପ୍ରୋଫାଇଲ ସେକ୍ସ ରାକେଟ୍! ଲଜରେ ବେଧଡକ୍ ଚାଲିଥିଲା ଦେହ ବ୍ୟବସାୟ, ରାଣୀ ମହୁମାଛି ସମେତ ୫ ଅଣଓଡ଼ିଆ ଯୁବତୀ ଅଟକ
କନକ ବ୍ୟୁରୋ : ରାଜଧାନୀରେ ହାଇପ୍ରୋଫାଇଲ ସେକ୍ସ ରାକେଟ୍ । କଟକ ରୋଡ୍ ସ୍ଥିତ ଏକ ଲଜ୍ ଉପରେ ଅଚାନକ୍ ଚଢ଼ାଉ କରି ଦେହ ବ୍ୟବସାୟ ଘଟଣାର ପର୍ଦ୍ଦାଫାସ କରିଛି କମିଶନରେଟ୍ ପୁଲିସ୍ । ବିଶେଷ ସୂତ୍ରରୁ ଖବର ପାଇଁ କ୍ୱିକ୍ ଆକ୍ସନ୍ ଟିମ୍ ଲଜରେ ଚଢ଼ାଉ କରି ଲଜ୍ ମାଲିକ ସମେତ ୮ ଜଣଙ୍କୁ ଗିରଫ କରିଛି ପୁଲିସ । ରାଣୀ ମହୁମାଛି ସମେତ ୫ ଜଣ ଅଣଓଡିଆ ଯୁବତୀଙ୍କୁ ଅଟକ ରଖି ପଚରାଉଚୁରା କରାଯାଇଛି । ଗିରଫ ଯୁବକମାନେ ନୟାଗଡ, ବାଲେଶ୍ୱର, ଭୁବନେଶ୍ୱର, କୋଲକାତା, କାକଟପୁର ଓ ପିପିଲି ଅଂଚଳର ବୋଲି ଜଣାପଡିଛି । ପଚରା ଉଚରା ବେଳେ ଅନେକ ତଥ୍ୟ ପୋଲିସର ହସ୍ତଗତ ହୋଇଛି । କେଉଁଠୁ ଯୁବତୀ ଆସନ୍ତି ଓ କେମିତି ଏହି ବେପାର ଚାଲେ ସେ ସଂପର୍କରେ ଅନେକ ତଥ୍ୟ ପୋଲିସ ଜାଣିବାକୁ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରାଥମିକ ତଦନ୍ତରେ ସେଠାରେ ସେକ୍ସ ରାକେଟ୍ ଚାଲିଥିଲା ବୋଲି ପୁଲିସ୍ ଜାଣିବାକୁ ପାଇଛି। ପଚରାଉଚରା ବେଳେ ଆହୁରି ଅନେକ ତଥ୍ୟ ପୁଲିସର ହସ୍ତଗତ ହୋଇଛି। କେଉଁଠୁ ଯୁବତୀ ଆସନ୍ତି ଓ କେମିତି ଏହି ବେପାର ସୁରୁଖୁରୁରେ ଚାଲେ ସେ ସଂପର୍କରେ ଅନେକ ତଥ୍ୟ ହାସଲ କରିଛି। ଏହି ଗ୍ରାହକଙ୍କ ମଧ୍ୟରେ ଜଣେ ସେନା କର୍ମଚାରୀ ରହିଥିବା ବେଳେ ଜଣେ ବିଧାନସଭାର ଗାଡ଼ି ଚାଳକ ମଧ୍ୟ ରହିଛନ୍ତି। ଆସନ୍ତାକାଲି ଡାକ୍ତରୀ ମାଇନା ପରେ ୮ ଜଣ ଗ୍ରାହକଙ୍କୁ କୋର୍ଟ ଚାଲାଣ କରାଯିବା ସହ ଯୁବତୀମାନଙ୍କୁ ସର୍ଟଷ୍ଟେ ହୋମକୁ ପଠାଯିବ। ଦୀର୍ଘ ଦିନ ହେବ ଏଠାରେ ସେକ୍ସ ରାକେଟ୍ ଚାଲିଥିଲା। ପ୍ରତ୍ୟେକ ଦିନ ଏଠାକୁ ନୂଆ ନୂଆ ଯୁବତୀ ଆସୁଥିବା ବେଳେ ଦଲାଲ ଓ ହୋଟେଲ ମ୍ୟାନେଜର୍ ବେଶ ମୋଟାଅଙ୍କର ଅର୍ଥ କମାଉଥିଲେ। ଏଭଳି ଖବର କ୍ୟୁଏଟି ପାଖରେ ରହିଥିଲା। ହେଲେ ଉପଯୁକ୍ତ ପ୍ରମାଣ ଯୋଗାଡ଼ ହୋଇ ପାରୁ ନଥିଲା। ଆଜି ରାତିରେ କେତେକ ଯୁବତୀ ପହଞ୍ଚିବା ପରେ ପରେ ଗ୍ରାହକ ଭିତରେ ପଶିଥିଲେ।