କନକ ବ୍ୟୁରୋ : ମନ୍ଦିରରୁ ସିରିଜ୍ ଲୁଟ । ଏକା ଥରକେ ତିନି ତିନିଟି ମନ୍ଦିରରୁ ଲୁଟ କରିଛନ୍ତି ଦୁର୍ବୃତ୍ତ । ବାଲେଶ୍ୱର ଜିଲ୍ଲା ସୋର ଥାନା ଅନ୍ତର୍ଗତ ସାବିରା ପଂଚାୟତର ୩ଟି ମନ୍ଦିରରୁ ହୋଇଛି ଲୁଟ । ଗତକାଲି ବିଳମ୍ବିତ ରାତିରେ ରାଧାକୃଷ୍ଣ, ପତ୍ରାଶୁଣି ଓ ଜାଗୁଳେଇ ମନ୍ଦିରରୁ ଏହି ଲୁଟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଦୁର୍ବୃତ୍ତମାନେ ମନ୍ଦିରର ହୁଣ୍ଡି ଭାଙ୍ଗି ଲକ୍ଷାଧିକ ଟଙ୍କା ସହ ଦେବଦେବୀଙ୍କ ସୁନା ଅଳଙ୍କାର ଏବଂ ମନ୍ଦିର କାର୍ଯ୍ୟରେ ଲାଗୁଥିବା ସମସ୍ତ ପିତ୍ତଳ ବାସନକୁ ଲୁଟ କରିଛନ୍ତି । ଘଟଣା ସ୍ଥଳରେ ସୋର ଥାନା ଅଧିକାରୀ ପହଂଚି ତଦନ୍ତ ଆରମ୍ଭ କରିଛନ୍ତି । ଘଟଣାକୁ ନେଇ ସ୍ଥାନୀୟ ଅଂଚଳରେ ଲୋକେ ଆତଙ୍କିତ ହୋଇ ପଡିଛନ୍ତି ।