କନକ ବ୍ୟୁରୋ: ବିଜେପିକୁ ଆଉ ଏକ ଝଟକା । ବିଜେପିକୁ ବାଏ ବାଏ କଲେ ଦାମ , ବରିଷ୍ଠ ନେତା ଦାମୋଦର ରାଉତ । ଏନେଇ ସେ ତାଙ୍କର ଇସ୍ତଫା ପତ୍ର ରାଜ୍ୟ ସଭାପତି ବସନ୍ତ ପଣ୍ଡାଙ୍କ ନିକଟକୁ ପଠାଇଛନ୍ତି । ଆଉ ଇସ୍ତଫାେ ପତ୍ରରେ କ୍ଷୋଭ ପ୍ରକାଶ କରି ଦାମ କହିଛନ୍ତି କି, ଗତ ସାଧାରଣ ନିର୍ବାଚନ ପରେ ପରେ ଦଳୀୟ କାର୍ଯ୍ୟକ୍ରମ କିମ୍ବା ନୀତି ନିଷ୍ପତି ପ୍ରକ୍ରିୟାରେ ମୋର ଉପସ୍ଥିିତି ବା ସଂପୃକ୍ତି ଦଳ ଆବଶ୍ୟକ କରୁନଥିବା ସେ ଅନୁଭବ କରିଛନ୍ତି । ଯାହାକି ତାଙ୍କ ମାନସିକ ଅସନ୍ତୁଳନ ସୃଷ୍ଟି କରିଛି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ପରିଣତ ବୟସରେ ଦଳୀୟ ନିର୍ବାଚନ ରାଜନୀତିରେ ନିଜକୁ ସଂଶ୍ଳିଷ୍ଟ ନକରି ସ୍ୱର୍ଗତ ବିଜୁ ପଟ୍ଟନାୟକଙ୍କର ଜଣେ ଉତ୍ସର୍ଗୀକୃତ ଅନୁଗତଭାବେ ରାଜ୍ୟବାସୀଙ୍କ ସେବାରେ ଜୀବନ ବିତାଇବି । ତେଣୁ ସେ ଭାରତୀୟ ଜନତା ପାର୍ଟିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିବା ଇସ୍ତଫା ପତ୍ରରେ ଉଲ୍ଲେଖ କରିଛନ୍ତି । ଆଉ ଦଳ କିମ୍ବା ନେତୃତ୍ୱ ବିରୋଧରେ ମୋ କୌଣସି ଅସୂୟା କି ଅଭିଯୋଗ ନଥିବା ଇସ୍ତଫା ପତ୍ରରେ ସ୍ପଷ୍ଟ କରିଛନ୍ତି ଦାମ ।
ଗତ ସାଧାରଣ ନିର୍ବାଚନର ଠିକ୍ ପୂର୍ବରୁ ମାର୍ଚ୍ଚ ୧୪ ତାରିଖରେ ‘ପଦ୍ମ’ ଧରିଥିଲେ ଦାମ । ଆଉ ଏହାକୁ ନେଇ ବିଜେପି କ୍ୟାମ୍ପ ମଧ୍ୟ ବେଶ୍ ଖୁସିଥିବା ଦେଖିବାକୁ ମିଳିଥିଲା । ସେଥିପାଇଁ ଦଳ ତାଙ୍କୁ ଟିକେଟ୍ ଦେଇ ପ୍ରାର୍ଥୀ କରାଇଥିଲା, ହେଲେ ନିର୍ବାଚନରେ ଦାମ ପରାଜତି ହେବା ପରେ ପରେ ଦଳର ବିଭିନ୍ନ କାର୍ଯ୍ୟକ୍ରମରେ ତାଙ୍କର ଅନୁପସ୍ଥିତି ନେଇ ବିଭିନ୍ନ ଚର୍ଚ୍ଚା ଆଲୋଚନା ଚାଲିଥିଲା । ଏପରିକି ନିକଟରେ ଦାମ ବିଜେପି ବିରୋଧରେ ବିଷୋଦଗାର କରି ଦଳ ତାଙ୍କୁ କୋଣଠୋସା କରିଥିବା ଅଭିଯୋଗ ମଧ୍ୟ କରିଥିଲେ ଦାମ ରାଉତ । ନିର୍ବାଚନ ପୂର୍ବରୁ ହେଲିକପ୍ଟରରେ ବୁଲାଇଲେ, ପରେ ପଚାରିଲେନି ବୋଲି ଦାମଙ୍କ ପାଟିରୁ ଶୁଣିବାକୁ ମିଳୁଥିଲା ।
ବିଜେପିକୁ ବାଏ ବାଏ କଲେ ଦାମ । ଦଳ ପାଇଁ ଅଲୋଡ଼ା ଓ ଅନାବଶ୍ୟକ ଅନୁଭବ କରି ପ୍ରାଥମିକ ସଦସ୍ୟ ପଦରୁ ଦେଲେ ଇସ୍ତଫା https://t.co/mrNbQbVaxS#DamaRoutResign @BJP4Odisha #Politics @damarout pic.twitter.com/xPha4VU9ps
— Kanak News (@kanak_news) October 16, 2019
ଅନ୍ୟପଟେ କିଛିଦିନ ତଳେ ବିଜେପୁର ଉପ-ନିର୍ବାଚନ ପାଇଁ ବିଜେପି ଘୋଷଣା କରିଥିବା ୪୦ ଜଣିଆ ପ୍ରଚାର ତାଲିକାରେ ଦାମଙ୍କ ନାଁ ନଥିବା ଦେଖିବାକୁ ମିଳିଥିଲା । ଏହାପରେ ଦାମ ରାଉତ ଅସନ୍ତୋଷ ଥିବା ମଧ୍ୟ ଦେଖିବାକୁ ମିଳିଥିଲା । ଆଉ ପ୍ରଥମେ କନକ ନ୍ୟୁଜକୁ ପ୍ରତିକ୍ରିୟା ଦେଇ, ନିର୍ବାଚନ ରାଜନୀତିରୁ ସେ ସନ୍ନ୍ୟାସ ନେଇଥିବା ମଧ୍ୟ ଘୋଷଣା କରିଥିଲେ । ଆଉ ଯାହା ପରେ ବିଭିନ୍ନ ରାଜନୈତିକ ମହଲରେ ଚର୍ଚ୍ଚା ହେଉଥିଲା, ଦାମ ଖୁବ୍ ଶୀଘ୍ର ପଦ୍ମକୁ ପର କରିବାକୁ ଯାଉଛନ୍ତି । ଶେଷରେ ଚର୍ଚ୍ଚାରେ ପୂର୍ଣ୍ଣଛେଦ ପକାଇ ଦାମ ବିଜେପିକୁ ବାଏ ବାଏ କହିଛନ୍ତି । ତେବେ ବିଜେପୁର ଉପ-ନିର୍ବାଚନର ଠିକ୍ ୪ ଦିନ ପୂର୍ବରୁ ଆଉ ଏକ ଝଟକା ବିଜେପିକୁ ଲାଗିଛି । କାରଣ ଗତ ୧୨ ତାରିଖରେ ଅଶୋକ ବିଜେପିକୁ ‘ଶୋକ’ ଦେଇଥିବାବେଳେ ଏବେ ଦାମ ରାଉତଙ୍କ ଇସ୍ତଫା ଦଳକୁ ସମସ୍ୟାରେ ପକାଇପାରେ ବୋଲି ଚର୍ଚ୍ଚା ହେଉଛି ।