ନରସିଂହ ମିଶ୍ରଙ୍କ ଘରେ କଂଗ୍ରେସ ନେତାଙ୍କ ମେଳି ! ଦଳକୁ ସୁଦୃଢ କରାଯିବା ସହ ବିଜେଡି-ବିଜେପିକୁ ଚେକ୍ ଦିଆଯିବା ନେଇ ଆଲୋଚନା
କନକ ବ୍ୟୁରୋ: ବିରୋଧୀ ଦଳ ନେତା ନରସିଂହ ମିଶ୍ରଙ୍କ ବାସଭବନରେ କଂଗ୍ରେସ ନେତାଙ୍କ ମେଳି । ରବିବାର ସଂଧ୍ୟାରେ ନରସିଂହଙ୍କ ଘରେ ବସିଛି ଏକ ଗୁରୁତ୍ୱପୂର୍ଣ୍ଣ ବୈଠକ । ତେବେ ଏହି ବୈଠକରେ କଂଗ୍ରେସ ବିଧାୟକ ନବଦାସ, ତାରାପ୍ରସାଦ ବାହିନିପତି, ଅଂଶୁମାନ ମହାନ୍ତି, ପ୍ରଫୁଲ ମାଝି ସମେତ ଅନ୍ୟ ବିଧାୟକମାନେ ଯୋଗଦେଇଥିଲାବେଳେ ବରିଷ୍ଠ କଂଗ୍ରେସ ନେତା ନିରଂଜନ ପଟ୍ଟନାୟକ ମଧ୍ୟ ଉପସ୍ଥିତ ଥିଲେ । ତେବେ ଦଳକୁ କିଭଳି ସୁଦୃଢ଼ କରାଯିବ ଏବଂ ଉଭୟ ବିଜେଡି-ବିଜେପି ବିଭିନ୍ନ କ୍ଷେତ୍ରରେ ଚେକ୍ ଦିଆଯିବା ନେଇ ବୈଠକରେ ଆଲୋଚନା ହୋଇଥିବା କହିଛନ୍ତି ନେତା ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ଆଗାମୀ ନିର୍ବାଚନ ଲାଗି ରଣନୀତି ଉପରେ ବିଚାର ବିମର୍ଷ କରାଯାଇଛି ବୋଲି ବୈଠକରେ ଉପସ୍ଥିତ ନେତା ପ୍ରତିକ୍ରିୟା ଦେଇଛନ୍ତି । ତେବେ ପିସିସି ସଭାପତି ପରିବର୍ତ୍ତନକୁ ନେଇ କଂଗ୍ରେସ ରାଜନୀତି ଜୋର ଧରିଥିବା ବେଳେ ଏହି ବୈଠକରେ ପରିବର୍ତ୍ତନକୁ ନେଇ ଆଲୋଚନା ହୋଇଥିବା ନେଇ ଚର୍ଚ୍ଚା ହେଉଛି । ପୂର୍ବରୁ ବିଭିନ୍ନ ପର୍ଯ୍ୟାୟରେ ରାଜ୍ୟର କଂଗ୍ରେସ ନେତା ଓ ବିଧାୟକ ମାନେ ଦିଲ୍ଲୀରେ ହାଇକମାଣ୍ଡଙ୍କୁ ଭେଟିଥିଲେ । ପିସିସି ସଭାପତି ପରିବର୍ତନ ପାଇଁ ବାରମ୍ବାର କଂଗ୍ରେସ ବିଧାୟକ ଦାବି ମଧ୍ୟ କରିଛନ୍ତି ।
ଏହା ସହ ଦେଖନ୍ତୁ ଏହି ଭିଡିଓ –