ଗାଁ ଲୋକଙ୍କ ପାଇଁ ଜୀବନକୁ ବାଜି ଲଗାଇଦେଲେ ଚାଷୀ : ଜଳୁଥିବା ଟ୍ରାକ୍ଟରକୁ କେନାଲରେ ଭର୍ତ୍ତି କରି ୧୦୦ଟି ପରିବାରର ଜୀବନ ବଞ୍ଚାଇଲେ
ଆଜିକା ସ୍ୱାର୍ଥପର ସମାଜରେ ଏପରି ବି କିଛି ଲୋକ ଅଛନ୍ତି,ଯେଉଁମାନେ ନିଜ ଜୀବନକୁ ପାଣି ଛଡ଼ାଇ ଅନ୍ୟକୁ ସାହାଯ୍ୟ କରୁଛନ୍ତି । ତେବେ ଆଜିକା ସମୟରେ ଖୁବ କମ ଲୋକ ହିଁ ଏପରି କରିବାର ଦେଖାଯାଏ । କର୍ଣ୍ଣାଟକରେ ଥିବା ଜମାନକଟ୍ଟି ଗାଁରେ ଘଟିଥିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଏହି ଘଟଣା ପରେ ୟେଙ୍କପ୍ପା ନାମକ ଜଣେ ଯୁବକ ନିଜ ଅଞ୍ଚଳରେ ହିରୋ ପାଲଟଯାଇଛନ୍ତି । । ନିଜ ଜୀବନକୁ ଖାତିର ନ କରି ସେ ଜଳି ଯାଉଥିବା ଟ୍ରାକ୍ଟରକୁ ଚଲାଇ ପାଖରେ ଥିବା ଏକ ନାଳରେ ଭର୍ତ୍ତି କରିଥିଲେ । ଯାହା ଫଳରେ ଲାଗିଥିବା ନିଆଁକୁ ଆୟତ୍ତ କରାଯାଇ ପାରିଥିଲା । ୟେଙ୍କପ୍ପାଙ୍କ ଏଭଳି କାମ ୧୦୦ଟି ପରିବାରକୁ ଜଳିବାରୁ ବଞ୍ଚାଇଥିବା ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ସୋମବାର ଅପରାହ୍ନ ୪ଟା ସମୟରେ ଏକ ଟ୍ରାକ୍ଟର ନଡ଼ା ବୋଝେଇ କରି ଜମାନକଟ୍ଟି ଗାଁ ଦେଇ ଯାଉଥିଲା । ଏହି ସମୟରେ ଟ୍ରାକ୍ଟରଟି ଉପରେ ଥିବା ଏକ ବିଦ୍ୟୁତ୍ ତାର ସଂଯୋଗରେ ଆସିବାରୁ ଲଦା ଯାଇଥିବା ନଡ଼ାରେ ନିଆଁ ଲାଗି ଯାଇଥିଲା । ଯାହା ଦେଖି ଗାଁରେ ଉପସ୍ଥିତ ଥିବା ଲୋକେ ହତବାକ୍ ହୋଇ ଯାଇଥିଲେ ।