ସେବାୟତଙ୍କୁ ସ୍ମାର୍ଟଫୋନ୍ ମନା ! ଛତିଶାନିଯୋଗ ବୈଠକ ପରେ ନିଷ୍ପତି
କନକ ବ୍ୟୁରୋ : ସେବାୟତଙ୍କୁ ସ୍ମାର୍ଟ ଫୋନ ମନା । ଆଜି ଛତିଶା ନିଯୋଗ ବୈଠକରେ ଏହି ନିଷ୍ପତି ନିଆଯାଇଛି । ସାଧାରଣ ଶ୍ରଦ୍ଧାଳୁଙ୍କ ପାଇଁ ଶ୍ରୀମନ୍ଦିର ଭିତରକୁ ଫୋନ ବାରଣ ଥିବା ବେଳେ ସେବାୟତମାନେ ଫୋନ ନେଉଥିଲା । କିନ୍ତୁ ଏଣିକି ଏହା ଉପରେ ମଧ୍ୟ କଟକଣା ଲାଗୁ ହୋଇଛି । ପ୍ରଶାସନ ସେମାନଙ୍କୁ ସ୍ୱତନ୍ତ୍ର ଫିଚର ଫୋନ ଓ ସିୟୁଜି ପ୍ରଦାନ କରିବ । ଦିନ ସାରା ସେବାୟତ ଓ କର୍ମଚାରୀ ଶ୍ରୀମନ୍ଦିର ଭିତରରେ ରହୁଥିବାରୁ ଫୋନର ଆବଶ୍ୟକତା ରହିଛି । କିନ୍ତୁ ସ୍ମାର୍ଟ ଫୋନ ବଦଳରେ ବିନା କ୍ୟାମେରା ଓ ବିନା ଇଂଟରନେଟ୍ ବ୍ୟବସ୍ଥା ଥିବା ଫୋନକୁ ବ୍ୟବହାର କରିପାରିବେ ବୋଲି ନିଷ୍ପତି ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏନେଇ ପ୍ରଶାସନ ବିଭିନ୍ନ ଟେଲିଫୋନ କମ୍ପାନୀ ସହ ଆଲୋଚନା କରି ପରବର୍ତୀ ବୈଠକରେ ଆଲୋଚନା କରିବେ ବୋଲି ଶ୍ରୀମନ୍ଦିର ମୁଖ୍ୟ ପ୍ର୍ରଶାସକ କହିଛନ୍ତି । ଗତି କିଛି ଦିନ ତଳେ ସୋସିଆଲ ମିଡିଆରେ ଶ୍ରୀମନ୍ଦିର ଭିତର ସେଲ୍ଫି ଫଟୋ ଭାଇରାଲ ହେବା ପରେ ବିବାଦ ସୃଷ୍ଟି ହୋଇଥିଲା । ସେବାୟତଙ୍କ ସହାୟତାରେ ଶ୍ରଦ୍ଧାଳୁ ମନ୍ଦିର ଭିତରେ ପଶି ଫଟୋ ଉଠାଇଥିବା ନେଇ ଅଭିଯୋଗ ହୋଇଥିଲା । ସେବାୟତମାନେ ସ୍ମାର୍ଟଫୋନ ନେଉଥିବାରୁ ଏହାର ସୁବିଧା ନେଇ କିଛି ଶ୍ରଦ୍ଧାଳୁ ଶ୍ରୀମନ୍ଦିର ଭିତରକୁ ଫୋନ ନେଉଛନ୍ତି । ତେଣୁ କଟକଣା ଜରୁରୀ ବୋଲି ପ୍ରଶାସନ ପକ୍ଷରୁ କୁହାଯାଇଛି ।