ବାୟୁମଣ୍ଡଳ ପ୍ରଦୂଷଣ କାରଣରୁ କମୁଛି ଭାରତବାସୀଙ୍କ ଆୟୁ ! ବୈଜ୍ଞାନିକ ଦେଲେ ସାଂଘାତିକ ତଥ୍ୟ ।
ଦିନକୁ ଦିନ ବାୟୁମଣ୍ଡଳ ପ୍ରଦୂଷଣ ହେବାରେ ଲାଗିଛି । ବାୟୁମଣ୍ଡଳ ପ୍ରଦୂଷଣ ହେବା ଫଳରେ ଏହାର ପ୍ରଭାବ ସିଧାସଳଖ ମଣିଷ ଶରୀର ଉପରେ ପଡୁଛି । ନିଶ୍ୱାସ ପ୍ରଶ୍ୱାସରେ ଅସୁବିଧା ହେବା ସହ ଅନ୍ୟାନ୍ୟ ରୋଗରେ ଲୋକମାନେ ଆକ୍ରାନ୍ତ ହେଉଛନ୍ତି । କିନ୍ତୁ ଏବେ ବୈଜ୍ଞାନିକ ମାନଙ୍କ ଏକ ପରିକ୍ଷଣରୁ ଜଣାପଡିଛି, ପ୍ରଦୂଷଣ ବ୍ୟାପିବା କାରଣରୁ ଭାରତରେ ଲୋକମାନଙ୍କ ଆୟୁସ ଦେଢ ବର୍ଷ କମ ହୋଇଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବୈଜ୍ଞାନିକଙ୍କ କହିବା ଅନୁଯୟୀ, ପ୍ରଥମଥର ପାଇଁ ବାୟୁ ପ୍ରଦୂଷଣ ଏବଂ ଜୀବନ ଅବଧି ଉପରେ ଏକ ଅଧ୍ୟୟନ କରାଯାଇଛି । ଯେଉଁଥିରେ ଜଣାପଡିଛି ବାୟୁମଣ୍ଡଳ ପ୍ରଦୂଷଣ କାରଣରୁ ସମଗ୍ର ବିଶ୍ୱରେ ଲୋକମାନଙ୍କ ଶରୀର ଉପରେ କୁପ୍ରଭାବ ପଡିବା ସହ ଲୋକମାନଙ୍କ ଆୟୁସ ଦେଢ ବର୍ଷ କମିଯାଉଛି ।
ଆମେରିକାର ଆଷ୍ଟିନରେ ଟେକ୍ସାସ ବିଶ୍ୱବିଦ୍ୟାଳୟର ବିଶେଷଜ୍ଞ ବାୟୁମଣ୍ଡଳରେ ଥିବା ୨.୫ ମାଇକ୍ରୋନ ଠାରୁ ଛୋଟ କଣିକାରେ ବାୟୁ ପ୍ରଦୂଷଣର ଅଧ୍ୟୟନ କରିଥିଲେ । ଏହି ସୁକ୍ଷ୍ମ କଣିକା ଫୁସଫୁସରେ ପ୍ରବେଶ କରି ହୃଦଘାତ, ଶ୍ୱାସକ୍ରିୟା ଜନିତ ରୋଗ, ଏବଂ କ୍ୟାନ୍ସର ଭଳି ଖତରନାକ ରୋଗ ହୋଇଥାଏ ।