ସାରା ଦେଶରେ ଚୁଟି କଟା ଆତଙ୍କ ! ଦିଲ୍ଲୀ ଠାରୁ ଆରମ୍ଭ କରି ମଧ୍ୟପ୍ରଦେଶ ପର୍ଯ୍ୟନ୍ତ ଚିନ୍ତାରେ ଲୋକେ
ଦେଶରେ ଚୁଟି କଟା ଆତଙ୍କ । ଆତଙ୍କରେ ଦିନ କାଟୁଛନ୍ତି ମହିଳା । ଅବିଶ୍ୱସନୀୟ ହେଲେ ମଧ୍ୟ ଏହି ଘଟଣାକୁ ବିଶ୍ୱାସ କରିବା ପାଇଁ ପଡ଼ୁଛି । କାରଣ ଗୋଟିଏ ସ୍ତାନରେ ରେ ନୁହଁ ଭିନ୍ନ ଭିନ୍ନ ସ୍ଥାନ, ଅଞ୍ଚତଥା ରାଜ୍ୟରେ ଏପରି ଅଭାବନୀୟ ଘଟଣା ଶୁଣିବା ପାଇଁ ମିଳୁଛି । ଦିଲ୍ଲୀ , ୟୁପି, ମଧ୍ୟପ୍ରଦେଶ, ହରିୟାନା ଓ ରାଜସ୍ଥାନ ଯେପରି ଅଞ୍ଚଳରେ ଓ ଅନେକ ଅନ୍ୟ ରାଜ୍ୟରେ ଜାରି ରହିଛି ମହିଳାଙ୍କ ଚୁଟି କଟା ଘଟଣା । ଏ ମାମଲାକୁ ନେଇ ସମସ୍ତେ ଏବେ ଦ୍ୱନ୍ଦରେ ଅଛନ୍ତି । ଅନେକ ଲୋକ ଏହି ଘଟଣାକୁ ଭୌତିକ ଶକ୍ତି ବୋଲି ମଧ୍ୟ ମାନୁଛନ୍ତି । ଏହି ମାମଲାର ସମାଧାନ ପାଇଁ ଦିଲ୍ଲୀ ପୋଲିସ ପୁରା ଶକ୍ତି ଲଗାଇ ଦେଇଛନ୍ତି । ପୋଲିସ୍ ଖବରୀ ଠାରୁ ଆରମ୍ଭ କରି ସାଇକୋଲୋଜିିକାଲ ଓ ସାଇଣ୍ଟିଫିକ ଅନୁସନ୍ଧାନର ସାହାରା ନେଉଛନ୍ତି । କେଉଁଠୁ ଯଦି କିଛି ସୁରାକ ପ୍ରମାଣ ମିଳିଯାଏ, ତେବ ଚୁଟି କଟା ରହସ୍ୟର ସମାଧାନ ହେବ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏଇଠି ପ୍ରଶ୍ନ ଉଠୁଛି ଯଦି ଏହି ମାମଲା ପଛରେ କୌଣସି ଦୁଷ୍ଟ ବ୍ୟକ୍ତିର ଗ୍ୟାଙ୍ଗର ହାତ ରହିଛି, ତେବେ ଏତେ ଶୀଘ୍ର ଦେଶରେ ଅଲଗା ଅଲଗା ସହରରେ ମହିଳାମାନେ କିପରି ଚୁଟି କଟାର ଶୀକାର କରୁଛି । ଆଉ ଏହି ଗ୍ୟାଙ୍ଗର ସଦସ୍ୟଙ୍କୁ କେହି କାହିଁକି ଦେଖି ପାରୁ ନାହାନ୍ତି । ସବୁଠାରୁ ବଡ଼ କଥା ହେଲା ମହିଳାମାନେ ଶୋଇବା ଅବସ୍ଥାରେ କିମ୍ବା ବେହୋସ ଅବସ୍ଥାରେ ହିଁ ଚୁଟି କଟାର ଶିକାର ହେଉଛନ୍ତି । ତେବ ଏହି ସବୁ ପ୍ରଶ୍ନ ଚୁଟି କଟା ରହସ୍ୟକୁ ଅଧିକ ଜଟିଳ କରୁଛି । କିନ୍ତୁ ଏନେଇ ସବୁଠାରୁ ବଡ଼ ଚ୍ୟାଲେଞ୍ଜ ରହିଛି ପୁଲିସ ସାମ୍ନାରେ । ଦିଲ୍ଲୀ ପୋଲିସକୁ ଏହି ମାମଲା ନେଇ ଏବେ ପର୍ଯ୍ୟନ୍ତ ୧୧ ଟି କଲ ଆସି ସାରିଛି ।
କିଛି ଲୋକ ଏହି ରହସ୍ୟ ପଛରେ ଭୌତିକ ଶକ୍ତି, ଭୂତ, ପ୍ରେତ କିମ୍ବା କୌଣସିି ସୈତାନର ହାତ ଥିବା କଥା କହୁଛନ୍ତି । କିନ୍ତୁ ପୋଲିସ୍ ଓ ଆଇନ ଭୂତ ପିଶାଚ ପରି କଥାରେ କଥାରେ ବିଶ୍ୱାସ କରିପାରିବ ନାହିଁ । ଏବେ ଏହି ରହସ୍ୟର ସମାଧାନ ପାଇଁ ପୋଲିସ ସାଇଣ୍ଟିଫିକ ଟିମର ଇନଭେଷ୍ଟିକେସନର ଅନୁସନ୍ଧାନର ସାହାରା ନେଉଛନ୍ତି । ଘଟଣା ଘଟୁୁଥିବା ସ୍ଥଳରୁୁ ପ୍ରମାଣ ଏକାଠି କରିବାରେ ଲାଗିଛନ୍ତି । ଏହାସହ ମନୋଚିକିତ୍ସକଙ୍କ ସାହାଯ୍ୟ ନେବା ଆରମ୍ଭ କରିଦେଇଛନ୍ତି । ଦିଲ୍ଲୀ ପୋଲିସ ଚୁଟି କଟା ଘଟଣା ଉପରେ ଏକ ଉଚ୍ଚ ସ୍ତରୀୟ ବୈଠକ ମଧ୍ୟ କରି ସାରିଛନ୍ତି ।
ହୋଇପାରେ କିଛି ଦୁଷ୍ଟ ବ୍ୟକ୍ତିଙ୍କ ଏହି ମାଲାରେ ହାତ ଥାଇପାରେ କିନ୍ତୁ ଏହା ବ୍ୟତୀତ ଆଉ ଏକ ଦିଗ ପ୍ରତି ମଧ୍ୟ ପ୍ରଶ୍ନ ଉଠୁଛି । କେବଳ ମହିଳାମାନେ ହିଁ ଚୁଟି କଟାର ଶିକାର ହେଉଛନ୍ତି କାହିିଁକି । ସେମାନେ କୌଣସି ମାନସିକ ଅବସାଦ ମଧ୍ୟ ଦେଇ ଗତି କରୁନାହାନ୍ତି ତ ? କାରଣ ଏମିତି ମହିଳାମାନେ ମାସ ହିଷ୍ଟ୍ରିରିଆର ଶିକାର ହୁଅନ୍ତି , ଯିଏ ନିଜ ସହ ଅନ୍ୟକୁ ମଧ୍ୟ ଦ୍ୱନ୍ଦରେ ପକାନ୍ତି । ତେବେ ଚିନ୍ତାର କାରଣ ହେଲା ଏପରି ଘଟଣା କମିବା ପରିବର୍ତ୍ତେ ବଢ଼ିବାରେ ଲାଗିଛି । ଯେବେ ପର୍ଯ୍ୟନ୍ତ ଏହି ରହସ୍ୟର ସମାଧାନ ହୋଇନାହିଁ ଏହି ରହସ୍ୟ କେଉଁଁ ପର୍ଯ୍ୟନ୍ତ ଯିବ ସେକଥାର ଉତ୍ତର କାହା ପାଖରେ ନାହିଁ । କିନ୍ତୁ ଏହାର ସତ୍ୟତା ଜାଣିବା ଜରୁରୀ ।
ଦିଲ୍ଲୀର ମାୟାପୁରୀ ଅଞ୍ଚଳର ଏକ ଘରେ ମା’ ଓ ତାଙ୍କର ୩ ଝିଅ ଶୋଇଥିଲେ । କିନ୍ତୁ ଯେତେବେଳେ ସକାଳେ ଉଠିଲା ବେଳକୁ ବିଛଣାରେ ପଡ଼ିଥିଲା ସେମାନଙ୍କ କଟା ଚୁଟି । ଏହାକୁ ଦେଖି ସେମାନେ ଆଶ୍ଚର୍ଯ୍ୟ ହୋଇଯାଇଥିଲେ । ଦେକୁ ଦେଖୁ ପୁରା ଅଞ୍ଚଳରେ ଏହି କଥା ପ୍ରଚାର ହୋଇଯାଇଥିଲା । ମାଲାର ଛାନଭିନ ପାଇଁ ପୁଲିସକୁ ଖବର କରାଯାଇଥିଲା । କେବଳ ଏତିକି ନୁହଁ ନଫଜଗଡ଼ର ଧର୍ମପୁରା ଅଞ୍ଚଳରେ ଘରେ ଶୋଇଥିବା ମହିଳାଙ୍କ ଚୁଟି ରହସ୍ୟମୟୀ ଉପାୟରେ କଟିଗଲା । ଏହାସହ ଉକ୍ତ ଗାଁର ନବମ ଶ୍ରେଣୀର ଏକ ଛାତ୍ରୀ ସହ ମଧ୍ୟ ଏହି ସମାନ ଘଟଣା ଘଟିଛି । ଏହି ଘଟଣା ପରେ ପୁରା ଅଞ୍ଚଳରେ ଲୋକଙ୍କ ମଦ୍ୟରେ ଆତଙ୍କ ଖେଳିଗଲା ।
ୟୁପିର ମଥୁରାରେ ମଧ୍ୟ ମହିଳାଙ୍କ ଚୁଟି କଟିିବା ମାମଲା ସାମ୍ନାକୁ ଆସିଛି । ଅଭିଯୋଗ ଅନୁସାରେ କିଛିି ଅଜଣା ଲୋକ ମଥୁୁରାର ଏକ ଗାଁରେ ମହିଳାଙ୍କ ଚୁଟି କାଟିଦେଲେ । ଗାଁର ଲୋକଙ୍କ ଅନୁସାରେ ତନ୍ତ୍ର ବିଦ୍ୟା ପାଇଁ କେହି ଜଣେ ମହିଳାଙ୍କ ଚୁଟିି କାଟୁଛି । ଏନେଇ ଆଗ୍ରାର ଜଣେ ବୟସ୍କା ମହିଳାଙ୍କୁ ଚୁଟି କାଟୁଥିବା ସନ୍ଦେହରେ ହତ୍ୟା କରିଦିଆଯାଇଛି । ଅନ୍ଧାରରେ ଉକ୍ତ ବୟସ୍କ। ମିହିଳାଙ୍କୁୁ ନିଜ ଅଞ୍ଚଳରେ ଲୋକେ ଦେଖିଥିଲେ ଓ ତାଙ୍କୁ ଚୁଟି କାଟୁଥିବା ପିଶାଚୀ ଭାବି ଜୋରରେ ବାଡ଼େଇଥିଲେ । ଫଳରେ ଘଟଣାସ୍ଥଳରେ ମହିଳା ଜଣଙ୍କ ମୃତ୍ୟୁ ବରଣ କରିଥିଲେ ।
ଗାଜିଆବାଦରେ ମଧ୍ୟ ଏପରି କିଛି ଘଟଣା ଘଟିଛି, ଯଦ୍ୱାରା ଆତଙ୍କରେ ଅଛନ୍ତି ଲୋକେ । ଏଠାରେ ଜଣେ ମହିଳ। ଅପରାହ୍ଣରେ ତାଙ୍କ ଛୁଆଙ୍କୁ ସ୍କୁଲରୁ ନେଇ ଘରୁକୁ ଫେରିବା ସମୟରେ ବେହୋସ ହୋଇ ପଡ଼ିଗଲେ । ଯେତେବେଳେ ହୋସ ଆସିଲା ସେତେବେଳେ ତାଙ୍କ ଚୁଟି କଟି ସାରିଥିଲା । ମହିଳାଙ୍କ କହିବା ଅନୁସାରେ ସେ ବାବା ପରି ଜଣେ ବ୍ୟକ୍ତିଙ୍କୁ ଦେଖିଥିଲେ । ତା’ପରେ କ’ଣ ହେଲା ତାଙ୍କର ଆଉ କିଛି ମନେ ନାହିଁ । ଏହି ପ୍ରକାରରେ ମ୍ୟଧପ୍ରଦେଶର ଶିବପୁରୀରେ ଦୁଇଟି ସ୍ଥାନରେ ଚୁଟି କଟିବାର ଘଟଣା ସାମ୍ନାକୁ ଆସିଛି । ଧୀରେ ଧୀରେ ଦେଶ ସାରା ଏ ଘଟଣା ପ୍ରଚାର ହେବାରେ ଲାଗିଛି । ଆତଙ୍କରେ ବଞ୍ଚୁଛନ୍ତି ମହିଳା । ତେବେ ଆଗକୁ ଦେଖିବା ପାଇଁ ବାକି ରହିଲା ଏହି ଘଟଣା ପଛରେ କାହାର ହାତ ଅଛି । ଆଉ କିଏ ବା କେଉଁ ଉଦ୍ଦେଶ୍ୟରେ ଏପରି କାମ କରୁଛି ।