ଏସବିଆଇ ଆଣିଛି ନୂଆ କାର ଲୋନ ଯୋଜନା ! ଜିରୋ ଡାଉନପେମେଣ୍ଟ ସହ ରହିଛି ଅନେକ ସୁବିଧା ।
ସମସ୍ତେ ନିଜ ଜୀବନରେ ଅନେକ ସ୍ୱପ୍ନ ଦେଖିଥାନ୍ତି । କିଏ ଭଲ ଖାଇବା ପାଇଁ ପସନ୍ଦ କରିଥାଏ ତ ଆଉ କିଏ ଭଲ ଘରେ ରହିବା ପାଇଁ । କିନ୍ତୁ ଏକ ଭଲ ଗାଡି ଟିଏ କିଣିବା ପାଇଁ ସମସ୍ତଙ୍କର ଇଚ୍ଛା ରହିଥାଏ । ତେବେ ଆପଣ ଆପଣଙ୍କର ସ୍ୱପ୍ନର ଗାଡି କିଣିବାକୁ ଚାହୁଁଛନ୍ତି କି ? ତେବେ ଭାରତୀୟ ଷ୍ଟେଟ ବ୍ୟାଙ୍କ ଏବେ ଆପଣଙ୍କ ଏହି ସ୍ୱପ୍ନକୁ ସାକାର କରିବାରେ ସାହାଯ୍ୟ କରିବ । ଏସବିଆଇ ଏକ ନୂଆ କାର ଲୋନ ସ୍ମିମ ଆରମ୍ଭ କରିଛି । ଏହା ସହ ଆପଣଙ୍କୁ କିଛି ସ୍ୱତନ୍ତ୍ର ଫିଚର୍ସ ମଧ୍ୟ ଦିଆଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏହି ସ୍କିମରେ ଏସବିଆଇ ଆପଣଙ୍କୁ କମ ସୁଧ ହାରରେ ଲୋନ ଦେବା ସହ ଆହୁରି ଅନେକ ସୁବିଧା ଉପଲବ୍ଧ କରାଇବ । ଏଥିରେ ଜିରୋ ଫୋରକ୍ଲୋଜର ଚାର୍ଜ ସହ ଲମ୍ବା ସମୟ ପାଇଁ ଲୋନ ଦିଆଯିବାର ସୁବିଧା ସାମିଲ ଅଛି । ଏସବିଆଇ ତରଫରୁ ନିଜ ଟ୍ୱିଟରରେ ଦିଆଯାଇଥିବା ସୂଚନା ଅନୁଯାୟୀ ବ୍ୟାଙ୍କ ଅନ-ରୋଡ ପ୍ରାଇସରେ ୯୦% ପର୍ଯ୍ୟନ୍ତ ଲୋନ ଦେବ । ଏହା ସହ ଲୋନ ପରିଶୋଧ କରିବା ପାଇଁ ଆପଣଙ୍କୁ ୮୪ ମାସର ସମୟ ମିଳିବ । ଏହି ଲୋନ ସ୍କିମ ମଲ୍ଟି ୟୁଟିଲିଟି ଯାନ ଏବଂ ସ୍ପୋର୍ଟସ ୟୁଟିଲିଟି ଯାନ କିଣୁଥିବା ଗ୍ରାହକମାନଙ୍କ ପାଇଁ ଉପଲବ୍ଧ ହେବ । ଏହି ସ୍କିମ ୨୧ ବର୍ଷରୁ ୬୫ ବର୍ଷୀୟ ଲୋକମାନଙ୍କ ପାଇଁ ଉଦ୍ଦିଷ୍ଟ ଅଟେ ।
ଲୋନ କେବଳ ସେହି ଲୋକମାନେ ନେଇ ପାରିବେ ଯେଉଁମାନେ ରାଜ୍ୟ କିମ୍ବା କେନ୍ଦ୍ର ସରକାରଙ୍କ କର୍ମଚାରୀ ହୋଇଥିବେ । ଏହା ସହ ସାର୍ବଜନୀନ କ୍ଷେତ୍ରର କମ୍ପାନୀ କିମ୍ବା ପ୍ରାଇଭେଟ କ୍ଷେତ୍ରରେ କୌଣସି ପ୍ରତିଷ୍ଠିତ କମ୍ପାନୀରେ କାମ କରୁଥିବା ଲୋକ ହିଁ ଏହି ଲୋନ ନେଇପାରିବେ । ଘରୋଇ କମ୍ପାନୀରେ କାମ କରୁଥିବା ବ୍ୟକ୍ତିଙ୍କର ଦରମା ୨.୫ ଲକ୍ଷ ଟଙ୍କାରୁ କମ ନହୋଇଥିବା ଆବଶ୍ୟକ । ଏହା ଛଡା ପ୍ରେଫେସନାଲ, ବ୍ୟବସାୟୀ ଏବଂ ପାର୍ଟନରସିପ ଫର୍ମରେ ଏହି ଲୋନ ନୋଇପାରିବେ ଯାହାର ବାର୍ଷିକ ଆୟ ଏବଂ ନେଟ ପ୍ରୋଫିଟ ୪ ଲକ୍ଷ ଟଙ୍କାରୁ ଅଧିକ ହୋଇଥିବ । କୃଷି କ୍ଷେତ୍ରରେ କାମ କରୁଥିବା ଲୋକ ମଧ୍ୟ ଏହି ସ୍କିମର ଫାଇଦା ନେଇପାରିବେ ।