ଏକ ଛୋଟ ଭୁଲ ପାଇଁ ଆପଣଙ୍କ ଖାତାରୁ ଭାରତୀୟ ଷ୍ଟେଟ ବ୍ୟାଙ୍କ(SBI) ରୋଜଗାର କରିଛି ୩୯ କୋଟି ଟଙ୍କା : ଜାଣନ୍ତୁ କେମିତି ଓ ରୁହନ୍ତୁ ସଚେତନ
ଗ୍ରାହକଙ୍କ ଗୋଟିଏ ଭୁଲ୍ ରେ ଭାରତୀୟ ଷ୍ଟେଟ ବ୍ୟାଙ୍କ ଗତ ୪୦ ମାସରେ ୩୮ କୋଟି ୮୦ ଲକ୍ଷ ଟଙ୍କାର ରୋଜଗାର କରିଛି । ଜଣାଇଦେଉଛୁ ଯେ, ବ୍ୟାଙ୍କ ଏତେ ଅଙ୍କର ପରିମାଣ କେବଳ ଚେକ୍ ଉପରେ ହସ୍ତାକ୍ଷର ନଥିବା କାରଣରୁ ଖାତାଧାରୀଙ୍କ ଖାତାରୁ କାଟି ନେଇଛି । ଏହା ପୂର୍ବରୁ ଜାନୁୟାରୀରେ ଅର୍ଥ ମନ୍ତ୍ରଣାଳୟର ଆକଳନରୁ ଜଣାପଡିଛି ଯେ ଏସବିଆଇ(SBI) ଏପ୍ରିିଲରୁ ଆରମ୍ଭ କରି ନଭେମ୍ବର ୨୦୧୭ ପର୍ଯ୍ୟନ୍ତ ସର୍ବନିମ୍ନ ରାଶି ନ ରଖିବା କାରଣରୁ ଗ୍ରାହକଙ୍କ ଠାରୁ ୧୭୭୧ କୋଟି ଟଙ୍କା ଅସୁଲ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏକ ରିପୋର୍ଟ ମୁତାବକ, ଭାରତୀୟ ଷ୍ଟେଟ ବ୍ୟାଙ୍କ ଗତ ୪୦ ମାସରେ ୨୪ ଲକ୍ଷ ୭୧ ହଜାର ୫୪୪ ଚେକ୍ ହସ୍ତାକ୍ଷର ନ ମିଳିବା କାରଣରୁ ଫେରସ୍ତ କରିଥିଲେ । ଯେକୈାଣସି ବି ଚେକ୍ ଫେରସ୍ତ ହେଲେ ବ୍ୟାଙ୍କ ୧୫୦ ଟଙ୍କାର ଚାର୍ଜ କରେ ଏବଂ ତାହା ଉପରେ ଜିଏସଟି ବି ଲଗାଏ ।
ରିପୋର୍ଟ ଅନୁସାରେ ଆର୍ଥିକ ବର୍ଷ ୨୦୧୭-୧୮ରେ କେବଳ ହସ୍ତାକ୍ଷର ନମିଳିବା କାରଣରୁ ଖାତାଧାରୀଙ୍କ ଖାତାରୁ ୧୧.୯ କୋଟି ଟଙ୍କା କଟାଯାଇଛି । ଜଣାଇଦେଉଛୁ ଯେ ଚେକ୍ ର ଯାଂଚ ଭିନ୍ନ ଭିନ୍ନ ଉପାୟରେ କରାଯାଏ । ଉଦାହରଣ ସ୍ୱରୂପ, ଚେକ୍ ପୋଷ୍ଟ ଡେଟେଡ୍ ତ ନାହିଁ । ଏହା ବ୍ୟତୀତ ଅଙ୍କ ଓ ଅକ୍ଷର ଠିକ ଅଛି ନା ନାହିଁ । ଶେଷରେ ହସ୍ତାକ୍ଷରର ଯାଂଚ ହୁଏ ।