ଦେବାଦେବୀ ସାଜିଛନ୍ତି ଜଙ୍ଗଲ ରକ୍ଷକ : ପ୍ରକୃତିପ୍ରେମୀ ସୁବାଷ ଶ୍ରୀବାସ୍ତବ ନିଆରା ଉପାୟରେ ତିଆରି କଲେ ଘନ ଜଙ୍ଗଲ
ଆଜିକାଲି ଲୋକମାନେ ଭଲ ଘରେ ରହିବା ପାଇଁ ତଥା କୋଠାବାଡ଼ି ତିଆରି କରିବା ପାଇଁ ଗଛ କାଟି ପଦା କରିଦେଉଛନ୍ତି । ଏନେଇ ସରକାରଙ୍କ ପକ୍ଷରୁ ଅନେକ ସଚେତନତା କାର୍ଯ୍ୟକ୍ରମ ହେଲେ ମଧ୍ୟ କିଛି କାମ ଦେଉନି । ବର୍ତ୍ତମାନ ସମୟରେ ଏତେ ମାତ୍ରା ଜଙ୍ଗଲ ନଷ୍ଟ ହେଉଛି ଯେ ଆଗାମୀ ସମୟରେ ଶୁଦ୍ଧ ଅମ୍ଳଜାନ ଟିକିଏ ପାଇବା ବି ମୁସ୍କିଲ ହୋଇଯିବ ପରି ଲାଗୁଛି । ଜଙ୍ଗଲ କ୍ଷୟକ୍ଷତି ଯୋଗୁଁ ତାପମାତ୍ରା ବୃଦ୍ଧି ଘଟିଛି । ବିଶ୍ୱ ତାପାୟନ ଯୋଗୁଁ ପାଣିପାଗରେ ପରିବର୍ତ୍ତନ ଦେଖାଯାଇଛି । କେବଳ ସେତିକି ନୁହେଁ ବନ୍ୟା ଓ ବାତ୍ୟାର ମୂଳ କାରଣ ହେଉଛି ବିଶ୍ୱ ତାପାୟନ । ଅତୀତରେ ଯେଉଁ ଅଂଚଳରେ ଭଳ ବର୍ଷା ହେଉଥିଲା, ଆଜି ସେହି ଜାଗାମାନଙ୍କରେ ମରୁଡ଼ି ଦେଖାଯାଉଛି । ଗ୍ରୀଷ୍ମ ଋତୁ ଆସିଲେ ଲୋକେ ପାଣି ପାଇଁ ଡହଳ ବିକଳ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି କି କିଛି ଲୋକ ଅଛନ୍ତି ଯେଉଁମାନେ ପ୍ରକୃତିକୁ ରକ୍ଷା କରିବା ପାଇଁ ଲଗାତାର ଚେଷ୍ଟା ଚଳାଇଛନ୍ତି । ଏପରି ଜଣେ ମଣିଷ ହେଲେ ଶିକ୍ଷକ ସୁବାଷ କୁମାର ଶ୍ରୀବାସ୍ତବ । ସୁବାଷ ଗଛଲତାକୁ ବଂଚେଇବା ପାଇଁ ନୂଆ ଉପାୟ ଅବଲମ୍ବନ କରିଛନ୍ତି । ଦେବାଦେବୀଙ୍କୁ ଗଛର ରକ୍ଷକ ସଜାଇ ଦେଉଛନ୍ତି । ସୁବାଷ ଦେବୀ-ଦେବତାଙ୍କ ପ୍ରତିକୃତି ତିଆରି କରି ସିନ୍ଦୁର ଲଗାଇ ଗଛ ମୂଳେ ରଖିଦେଇଛନ୍ତି । ଯଦ୍ୱାରା ଗାଁରେ ଲୋକମାନେ ଗଛକୁ ନକାଟି ପୂଜା କରିବାରେ ଲାଗୁଛନ୍ତି । ସୁବାଷ କରିଛନ୍ତି ଏପରି କରି ସେ ଜଗଦଲପୁରର ବସ୍ତର ବ୍ଲକ ଅନ୍ତର୍ଗତ ଜଙ୍ଗଲକୁ ବଂଚାଇ ପାରିଛନ୍ତି । ଯାହା ନଷ୍ଟ ହେବାକୁ ବସିଥିଲା । ଏବେ ଗଛଲତା ଓ ଭରା ଜଙ୍ଗଲରେ ଉକ୍ତ ଅଂଚଳ ହସିଉଠୁଛି ।
ସୁବାଷଙ୍କ ଏହି ପ୍ରୟସାରେ ଉକ୍ତ ଅଂଚଳରେ ଏବେ ଘନ ଜଙ୍ଗଲ ହୋଇଯାଇଛି । ସୁବାଷ ସବୁବେଳେ ନିଜ ପାଖରେ କିଛି ମଞ୍ଜି ଓ କୋଦାଳ ଧରି ଚାଲନ୍ତି । ନଦୀ କୂଳ, ସରକାରୀ ଜମି, ଯେଉଁଠି ବି ଖାଲି ସ୍ଥାନ ଦେଖିଲେ ସେଇଠି ମଞ୍ଜିି ଲଗାଇ ଦିଅନ୍ତି । ଏହା ବ୍ୟତୀତ ଲୋକଙ୍କୁ ସଚେତନ କରିବା ପାଇଁ ସୁବାଷ ଛାତ୍ର, ଶିକ୍ଷକ ଓ ଗାଁ ଲୋକଙ୍କ ମଧ୍ୟରେ ବସି ପରିବେଶ ବିଷୟରେ ଆଲୋଚନା କରନ୍ତି ।