ସାତକୋଶିଆରେ ‘ସୁନ୍ଦରୀ’ ଅପରେସନ : ବାଘୁଣୀ ଧରିବା ଅଭିଯାନରେ ସାମିଲ ହେବ କୁମକି ହାତୀ ଯଶୋଦା
ସୁନ୍ଦରୀକୁ ଧରିବାକୁ ନୟାନ୍ତ ହେବା ପରେ ଯଶୋଦାର ସହାୟତା ନେଇଛିି ବନବିଭାଗ
କନକ ବ୍ୟୁରୋ: ସାତକୋଶିଆରେ ବାଘୁଣୀ ସୁନ୍ଦରୀକୁ ଧରିବା ଅଭିଯାନରେ ଆଜିଠୁ ସାମିଲ ହେବ କୁମକି ହାତୀ ଯଶୋଦା । ସୁନ୍ଦରୀକୁ ଧରିବାକୁ ବନବିଭାଗ ନୟାନ୍ତ ହେବା ପରେ ଯଶୋଦାର ସହାୟତା ନେଇଛିି ବନବିଭାଗ । ସୁୁନ୍ଦରୀ ଅପରେସନ ପାଇଁ ସାତକୋଶିଆରେ କୁମକି ହାତୀ ସହ ୧୨ ଜଣିଆ ଟିମ୍ ପହଂଚିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଟିମ୍ ହାତୀର ମାନସିକ ସ୍ଥିତି ଅନୁଧ୍ୟାନ କରିବା ପରେ ଭୌଗଳିକ ସ୍ଥିତିର ପରୀକ୍ଷଣ କରି ଅଭିଯାନରେ ସାମିଲ କରାଯିବ । ତାପରେ ଯଶୋଦା ପିଠିରେ ବସି ବାଘୁଣୀ ସୁନ୍ଦରୀକୁ ଟ୍ରାଙ୍କୁଲାଇଜ କରିବେ ବାନ୍ଧବଗଡରୁ ଆସିଥିବା ବଶେଷଜ୍ଞ ଦଳ । ଆଜିଠାରୁ ସୁନ୍ଦରୀକୁ ପୁଣି ଥରେ ଧରିବା ପାଇଁ ପ୍ରକ୍ରିୟା ଆରମ୍ଭ ହେବ । ଏଥିପାଇଁ ମଇଁଷି, ସ୍ୱୟଂ ଚାଳିତ ଯନ୍ତା ଓ ଷ୍ଟ୍ରେଚର ସାତକୋଶିଆରେ ରଖାଯାଇଛି ।