‘କାଳିଆ’ ଟଙ୍କା ପାଇଁ ବିଜେପିକୁ ବିଜେଡିର ଟାର୍ଗେଟ । ବିଜେପି ଚାପରେ ବନ୍ଦ ହୋଇଛି କାଳିଆ ଟଙ୍କା, ୨୦ ଲକ୍ଷ ଚାଷୀଙ୍କ ହକ୍ ମାରିବାକୁ ହୋଇଛି ଷଡ଼ଯନ୍ତ୍ର ।
କନକ ବ୍ୟୁରୋ: ବିଜେପିକୁ ବିଜେଡିର ଟାର୍ଗେଟ । ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି ଯେ, ଚାଷୀ ଭାଇଙ୍କ ‘କାଳିଆ’ ଟଙ୍କା ବିଜେପି ଚାପରେ ବନ୍ଦ କରାଯାଇଛି । କାରଣ ଗତକାଲି ବିଜେପି ରାଜ୍ୟ ନେତୃବୃନ୍ଦଙ୍କ ସାମ୍ବାଦିକ ସମ୍ମିଳନୀ ପରେ ଏହା ସ୍ପଷ୍ଟ ହୋଇଛି । ବିଜେପି ନେତାମାନେ ଯେଉଁଭଳି ଚିକ୍ରାର କରି ଖୋଲା କଣ୍ଠରେ କହିଛନ୍ତି ଯେ, ‘କାଳିଆ’ ଟଙ୍କାକୁ ବନ୍ଦ କରିବା ପାଇଁ ସେମାନେ ସିଇଓଙ୍କୁ ଭେଟି ଚାପ ପ୍ରୟୋଗ କଲାପରେ ଏହା ବନ୍ଦ କରାଯାଇଛି । ଏହା ସ୍ପଷ୍ଟ କରିଛି ଯେ, ବିଜେପି ଚାପରେ ଚାଷୀଙ୍କ ଖାତାକୁ ‘କାଳିଆ’ ଟଙ୍କା ପହଁଚିବାରେ ବାଧା ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ବିଜେପିର ଯେଉଁ ଷଡ଼ଯନ୍ତ୍ର ଥିଲା ଲକ୍ଷ ଲକ୍ଷ ଚାଷୀଙ୍କ ଖାତାକୁ ‘କାଳିଆ’ ଟଙ୍କା ନପହଁଚିବା ପାଇଁ ତାହା ଏବେ ଧରାପଡ଼ିଛି । ରାଜ୍ୟ ସରକାର ତାଙ୍କ କାର୍ଯ୍ୟ କରୁଛନ୍ତି । କିନ୍ତୁ ଏବେ ୨୦ଲକ୍ଷ ‘କାଳିଆ’ ହିତାଧୀକାରୀ ଚାଷୀ ଭାଇମାନେ ବୁଝିପାରିବେ ଯେ କିଏ ତାଙ୍କ ହକ୍ ମାରିଛି । ବାରମ୍ବାର ବିଭିନ୍ନ ପ୍ରସଙ୍ଗରେ ରାଜ୍ୟକୁ ଅବହେଳା କରାଯାଉଥିଲା ଏବେ ଚାଷୀଙ୍କ ପେଟକୁ ମାରିବାକୁ ଷଡ଼ଯନ୍ତ୍ର ରାଜ୍ୟବାସୀ ବୁଝି ସାରିଲେଣି ଏହାର ଜବାବ ଭାରତୀୟ ଜନତା ପାର୍ଟି ଖୁବଶୀଘ୍ର ପାଇବେ ବୋଲି କହିଛନ୍ତି ବିଜେଡି ମୁଖପାତ୍ର ସସ୍ମିତ ପାତ୍ର ।