ସିଂହାସନ ନୁହେଁ ସଜ୍ଜା ! ଶଶିକଳାଙ୍କୁ ୪ବର୍ଷ ସଶ୍ରମ କାରାଦଣ୍ଡ
କନକ ବ୍ୟୁରୋ : ସିଂହାସନ ନୁହେଁ ସଜ୍ଜା । ପୋର୍ସ ଗାର୍ଡେନରୁ ଜେଲ୍ । ମୁଖ୍ୟମନ୍ତ୍ରୀ ଆସନ ପାଖରୁ ଫେରିଯାଇଛନ୍ତି ଚିନ୍ନାମା । ଆଜି ଶଶିକଳାଙ୍କୁ ଲାଗିଛି ସୁପ୍ରିମକୋର୍ଟ ଝଟକା । ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗରେ ଶଶିକଳାଙ୍କୁ ଦୋଷୀ ସାବ୍ୟସ୍ତ କରିଛନ୍ତି ଉଚ୍ଚତମ ନ୍ୟାୟାଳୟ । ଦେଇଛନ୍ତି ୪ ବର୍ଷର ଜେଲ ଦଣ୍ଡାଦେଶ । ତେବେ ହାଜର ହେବାକୁ ସମୟ ମାଗିଛନ୍ତି ଶଶିକଳା । ଏବେ ଚିନାମ୍ମା ଆଗାମୀ ୧୦ ବର୍ଷ ଯାଏଁ ଲଢ଼ି ନିର୍ବାଚନ ପାରିବେନି ।
Kanak News is now on WhatsApp
Join and get latest news updates delivered to you via WhatsApp
ତେବେ ସୁପ୍ରିମ୍ କୋର୍ଟର ଏତେ ବଡ ଝଟକା ପରେ ବି କିନ୍ତୁ ଗୋଟି ଚାଳନା କରିବା ବନ୍ଦ କରି ନାହାଁନ୍ତି ଏଆଇଡିଏମକେ ସାଧାରଣ ସଂପାଦକ ଶଶିକଳା । ପନୀରସେଲଭମଙ୍କ ସମେତ ୨୦ ଜଣ ବିଦ୍ରୋହୀ ବିଧାୟକଙ୍କୁ ଦଳରୁ ବାହାର କରି ଆପଣାଇଛନ୍ତି ନୂଆ ଟ୍ରିକ୍ । ଆଉ ବିଧାୟକ ଦଳ ନେତା ଆସନରେ ଆଣି ବସାଇଛନ୍ତି ପଲାନିସ୍ୱାମୀଙ୍କୁ ।
ତାମିଲନାଡୁର ରାଜନୈତିକ ଦଙ୍ଗଲ ଭିତରେ ଫୋକସରେ ଥିଲା ସୁପ୍ରିମକୋର୍ଟଙ୍କ ରାୟ । ଆଉ ସୁପ୍ରିମକୋର୍ଟ ଆୟ ବର୍ହିଭୂତ ସମ୍ପତି ଠୁଳ ଅଭିଯୋଗରେ ଶଶିକଳାଙ୍କୁ ଦୋଷୀ ସାବ୍ୟସ୍ତ କରି ୪ ବର୍ଷ ଜେଲ ଦଣ୍ଡାଦେଶ କଲେ । ଆଉ ଏବେ ଚିନାମ୍ମା ଆଗାମୀ ୧୦ ବର୍ଷ ଯାଏଁ ଲଢ଼ି ପାରିବେନି ନିର୍ବାଚନ ।
ଆୟ ବର୍ହିଭୂତ ସମ୍ପତି ଠୁଳ ମାମଲାରେ ଦୋଷୀ ସାବ୍ୟସ୍ତ କରିବା ସହ ଆତ୍ମସମର୍ପଣ ପାଇଁ ନିର୍ଦ୍ଦେଶ କରିଛନ୍ତି ସୁପ୍ରିମକୋର୍ଟ । ଚିନାମ୍ମା କିନ୍ତୁ ସ୍ୱାସ୍ଥ୍ୟଗତ କାରଣ ଦର୍ଶାଇ ୪ ସପ୍ତାହ ସମୟ ମାଗିଛନ୍ତି ।
ସଂଖ୍ୟାଧିକ ବିଧାୟକଙ୍କ ସମର୍ଥନ ହାସଲ କରି ମୁଖ୍ୟମନ୍ତ୍ରୀର ସ୍ୱପ୍ନ ଦେଖୁଥିବା ଶଶିକଳାଙ୍କୁ ଲାଗିଛି ସୁପ୍ରିମକୋର୍ଟଙ୍କ ଝଟକା । ଚିନାମ୍ମାଙ୍କୁ ହରଡଘଣାରେ ପକାଇ ଦେଇଛି ଆୟ ବର୍ହିଭୂତ ସମ୍ପତି ଠୁଳ ମାମଲା । ଚିନାମ୍ମା ଦୋଷୀ ସାବ୍ୟସ୍ତ ହେବା ପରେ କଣ ହେଉଛି ତାମିଲନାଡୁର ରାଜନୈତିକ ଭବିଷ୍ୟତ ତା ଉପରେ ଏବେବି ରହିଛି ସାରା ଦେଶର ନଜର ।