ଖଣ୍ଡପଡାରେ ତୋଲମରା ପଂଚାୟତର ସରପଂଚଙ୍କୁ ହତ୍ୟା । ଅଫିସ କାମ ସାରି ଫେରୁଥିବାବେଳେ ସୁଶାନ୍ତ ବେହେରାଙ୍କୁ ଟାଙ୍ଗିଆରେ ହାରି ହତ୍ୟା କଲେ ଦୁର୍ବୃତ୍ତ
କନକ ବ୍ୟୁରୋ: ଗୋଟିଏ ପଟେ କରୋନା ମହାମାରୀ ସହ ସଂଘର୍ଷ କରୁଛି ସରା ଦେଶ । ଅନ୍ୟପଟେ ସରପଂଚମାନଙ୍କୁ କରୋନା ଯୋଦ୍ଧା ଘୋଷଣା କରିଛନ୍ତି ରାଜ୍ୟ ସରକାର । ଏଭଳି ସ୍ଥିତିରେ ଦୁବୃତଙ୍କ ଟାଙ୍ଗିଆ ଚୋଟରେ ଜଣେ ସଂପଂଚଙ୍କର ଜୀବନ ଯାଉଛି । ଏଭଳି ଏକ ସଂଗୀନ ଘଟଣା ଘଟିଛି ନୟାଗଡ ଜିଲ୍ଲା ଢୋଲମରା ପଂଚାୟତରେ । ଗତ ରାତିରେ ଢୋଲମରା ସଂରପଂଚ ସୁଶାନ୍ତ ବେହେରାଙ୍କୁ ହତ୍ୟା କରିଛି ସେହି ଗାଁର ଦୁବୃତ କୁଳମଣୀ ସ୍ୱାଇଁ । ସୂଚନା ଅନୁଶାରେ ସରପଂଚ ସୁଶାନ୍ତ ବେହେରାଙ୍କ ପଡୋଶୀ କୁଳମଣି ସବୁବେଳେ ନିଜ ସ୍ତ୍ରୀଙ୍କୁ ମାରପିଟ କରନ୍ତି । ୩ ମାସ ତଳେ କୁଳମଣୀଙ୍କ ସ୍ତ୍ରୀ , ସ୍ୱାମୀ କରୁଥିବା ଅତ୍ୟାଚାର ସଂପର୍କରେ ସରପଂଚ ସୁଶାନ୍ତଙ୍କୁ ଅଭିଯୋଗ କରିଥିଲେ । ସୁଶାନ୍ତ କୁଳମଣୀଙ୍କ ସ୍ତ୍ରୀଙ୍କୁ ମେଡିକାଲରେ ଭର୍ତୀ କରାଇ ସୁସ୍ଥ କରାଇବା ସହ କୁଳମଣୀଙ୍କୁ ଏପରି ନ କରିବା ପାଇଁ ତାଗିଦ କରିଥିଲେ । ଏଥିରେ ଉତକ୍ଷିପ୍ତ କୁଳମଣୀ ସୁଶାନ୍ତଙ୍କୁ ଆକ୍ରମଣ କରିବା ପାଇଁ ସୁଯୋଗ ଖୋଜୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାତି ପ୍ରାୟ ୧୦ଟା ବେଳେ ସୁଶାନ୍ତ ବ୍ଳକରୁ ଫେରି ନିଜ ଦୁଆରେ ଠିଆ ହୋଇଥିବା ବେଳେ କୁଳମଣୀ ଅତର୍କୀତ ଭାବରେ ତାଙ୍କୁ ଆକ୍ରମଣ କରିଥିଲେ । ଟାଙ୍ଗିଆ ଚୋଟରେ ସୁଶାନ୍ତ ତଳେ ପଡିଯିବା ପରେ ୩ /୪ ଚୋଟ ପକାଇ କୁଳମଣୀ ସେଠାରୁ ଫେରାର ହୋଇଯାଇଛି । ପରେ ଗ୍ରାମବାସୀଙ୍କ ସହାୟତାରେ ଗୁରୁତର ସୁଶାନ୍ତଙ୍କୁ ପ୍ରଥମେ ଗଣିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ତେବେ ନୟାଗଡ ମେଡିକାଲରେ ପହଂଚିବା ପରେ ଡାକ୍ତର ସୁଶାନ୍ତଙ୍କୁ ମୃତ ଘୋଷଣା କରିଥିଲେ । ଖଣ୍ଡପଡା ପୋଲିସ ଘଟଣାସ୍ଥଳରେ ପହଂଚି ଘଟଣାର ତଦନ୍ତ କରୁଥିବା ବେଳେ ଅଭିଯୁକ୍ତ କୁଳମଣୀକୁ ଧରିବା ପାଇଁ ତନାଘନା ଜାରିରଖିଛି ।