ସାରଥୀଙ୍କୁ ମିଳିଲା ସୁପ୍ରିମକୋର୍ଟରୁ ଜାମିନ ! ଅନ୍ୟ ୨ ମାମଲା ଚାଲିଥିବାରୁ ଏବେ ବି ରହିବେ ଜେଲରେ
କନକ ବ୍ୟୁରୋ : ବିବାଦୀୟ ବାବା ସାରଥିଙ୍କୁ ମିଳିଲା ଜାମିନ । ସନ୍ତୋଷ ରାଉଳ ଓରଫ ସାରଥିଙ୍କୁ ଜାମିନ ପ୍ରଦାନ କଲେ ସୁପ୍ରିମକୋର୍ଟ । ଏସସବି ମେଡିକାଲ କଲେଜ ଛାତ୍ରୀଙ୍କୁ ଅସଦାଚରଣ ଓ ଅପହରଣ ମାମଲାରେ ଜେଲରେ ଅଛନ୍ତି ସାରଥି । ଏହି ମାମଲାରେ ଜାମିନ ମିଳିଥିବାବେଳେ ଅନ୍ୟ ଦୁଇଟି ମାମଲାରେ ତାଙ୍କୁ ଜାମିନ ମିଳିନି । ତେଣୁ ତାଙ୍କୁ ଏହି ମାମଲାରେ ଜାମିନ ମିଳିଥିଲେ ବି ସେ ଏବେ ଜେଲରୁ ମୁକୁଳିପାରିବେ ନାହିଁ । ପୂର୍ବରୁ ତାଙ୍କ ଜାମିନ ଆବେଦନକୁ ହାଇକୋର୍ଟ ବାରମ୍ବାର ଖାରଜ କରିଥିଲେ । ଏସସିବି ନର୍ସିଂ ଛାତ୍ରୀଙ୍କୁ ଅସଦାଚରଣ ଓ ଅପହରଣ ମାମଲାରେ ୨୦୧୫ ଅଗଷ୍ଟ ୮ତାରିଖରେ ତାଙ୍କୁ ଗିରଫ କରିଥିଲା କ୍ରାଇମବ୍ରାଂଚ ।
Kanak News is now on WhatsApp
Join and get latest news updates delivered to you via WhatsApp
ସାରଥୀଙ୍କ ବିରୋଧରେ ଦଫା ୧୨୦ ବି ଅପରାଧୀକ ଷଡଯନ୍ତ୍ର, ଠକେଇ ପାଇଁ ୪୨୦ ଦଫା, ବିଭିନ୍ନ ପ୍ରସଙ୍ଗରେ ଜାଲିଆତି ଲାଗି ୪୬୭, ୪୬୮ ଓ ୪୭୧ ଦଫା ଲଗାଇଛି କ୍ରାଇମବ୍ରାଂଚ । ଜୋର ଜବରଦସ୍ତି ବେଆଇନ୍ ଭାବେ କୌଣସି ବ୍ୟକ୍ତିଙ୍କ ଅଟକ ପାଇଁ ୩୪୧ ଦଫା , ଅପରାଧିକ ଉଦ୍ଦେଶ୍ୟରେ ଧମକ ଦେବା ୫୦୬ ଦଫା ଲାଗିଥିବା ବେଳେ ମୋବାଇଲ ଛଡାଇ ରଖିବା ଅଭିଯୋଗରେ ୩୭୯ ଦଫା ରହିଛି ସାରଥିଙ୍କ ବିରୋଧରେ । ତାଙ୍କ ଆଶ୍ରମରୁ ଖଣ୍ଡା ମିଳିବା ଅଭିଯୋଗରେ ୨୫ ଆର୍ମସ୍ ଆକ୍ଟରେ ଦଫା ଲାଗିଛି । ଏବଂ ଏହି ଅସ୍ତ୍ର କାରବାର ଅଭିଯୋଗରେ ସେକ୍ସନ ୭ ବଳରେ ବି ସାରଥୀଙ୍କ ବିରୋଧରେ ଦଫା ଲାଗିଛି ।
ଏହା ସହ ଦେଖନ୍ତୁ ଏହି ଭିଡିଓ –