ସିରିଏଲରେ ନଜର ଆସିବେ ସପନା ଚୌଧରୀ ! ‘ବାବୁଜୀ’ ଗୀତରେ ଲଗାଇବେ ଠୁମକା
ବିଗବସ ଘରୁ ବାହାର ହେବା ପରେ ସପନାଙ୍କ ଜୀବନରେ ପରିବର୍ତ୍ତନ ଦେଖାଯାଇଛି । କିଛି ପରିବର୍ତ୍ତନ ସେ ନିଜେ ଆଣିଥିବା ବେଳେ ଆଉ କିଛି ପରିବର୍ତ୍ତନ ସେ ବାହାରକୁ ଆସିବା ପରେ ହୋଇଛି । ଅଭୟ ଦେଓଲଙ୍କ ସହିତ ଏକ ସିନେମା ମିଳିବା ପରେ ଏବେ ତାଙ୍କୁ ଏକ ସିରିଏଲ ମିଳିଥିବା ମଧ୍ୟ ଶୁଣିବାକୁ ମିଳୁଛି । ସୂଚନା ଅନୁସାରେ ସପନା ଖୁବ ଶୀଘ୍ର କଲର୍ସର ଲୋକପ୍ରିୟ ସୋ ‘ଲାଡୋ ବୀରପୁର କି ମର୍ଦ୍ଦାନୀ’ରେ ପ୍ରବେଶ କରିବେ । ସେ ସୋ’ରେ ‘ବାବୁଜୀ ଜରା ଧୀରେ ଚଲୋ’ ଗୀତରେ ରନତେଜଙ୍କ ସହିତ ଠୁମକା ଲଗାଇଥିବାର ଦେଖିବାକୁ ମିଳିବେ ।
Kanak News is now on WhatsApp
Join and get latest news updates delivered to you via WhatsApp
ବିଗବସ ବିଷୟରେ ପଚାରିବାରୁ ସେ ନିଜ ବିଷୟରେ କିଛି ମତ ଦେଇଛନ୍ତି ଏବଂ କହିଛନ୍ତି ଯେ ହିନା ତାଙ୍କ ସାଙ୍ଗ । ବିଗବସର ବିଜେତା ବିକାଶ ହୋଇପାରନ୍ତି । ତେବେ ତାଙ୍କ କହିବା ଅନୁସାରେ ସେ ପୂର୍ବରୁ ବିକାଶଙ୍କ ସହିତ ବନ୍ଧୁତା କରିଥିଲେ କିନ୍ତୁ ବିକାଶ ମାଇଣ୍ଡ ଗେମ ଖେଳୁଥିବାର ଜାଣିବା ପରେ ସେ ତାଙ୍କ ଠାରୁ ଦୂରେଇ ରହିଥିଲେ । ତେବେ ସପନା ବିଗବସରେ ଜଣେ ଦକ୍ଷ ପ୍ରତିଯୋଗୀ ଥିଲେ ଏବଂ ସେ ସେଠାରେ ଭଲ ପ୍ରଦର୍ଶନ ମଧ୍ୟ କରିଥିଲେ । ଏହାପରେ ରେମୋ ତାଙ୍କୁ ସିନେମାରେ କାମ କରିବାକୁ ଅଫର ଦେଇଥିଲେ । ତେବେ ସପନା ସଲମାନଙ୍କ ଅଭିନୀତ ସିନେମା ରେସ ଥ୍ରିରେ ଆଇଟମ ଗୀତରେ ନଜର ଆସିବେ ବୋଲି ସୂଚନା ମିଳିଛି ।