କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ ଶିବଭକ୍ତ ଉପରେ ବିରୋଧୀ ଦଳ ଭାରତୀୟ ଜନତା ପାର୍ଟି ବିଶ୍ୱାସ ନକଲେ ବି କିଛି ଲୋକ ଅଛନ୍ତି ତାହାକୁ ସତ ମାନିବା ସହିତ ରାହୁଲଙ୍କୁ ଏହି ମାମଲାରେ ଭାଇ ମାନି ନେଇଛନ୍ତି । ଉନ୍ନାବରୁ ରାୟବରେଲୀ ଯିବା ରାସ୍ତାରେ ରାସ୍ତାକଡରେ ‘ରାହୁଲ ଗାନ୍ଧୀ’ଙ୍କ ନାମରେ ଏକ କ୍ୟାଂଟିନ୍ ଚାଲୁଛି , ଯାହାକୁ ଜଣେ ସନ୍ୟାସୀ ବାବା ଖୋଲିଛନ୍ତି । ସେ ଏହି କ୍ୟାଂଟିନରେ ଗରୀବଙ୍କୁ ମାଗଣାରେ ଖାଦ୍ୟ ଦିଅନ୍ତି । ଯେଉଁ ଲୋକମାନେ ନିଜ ଇଚ୍ଛାରେ ଟଙ୍କା ଦେବା ପାଇଁ ଚାହାଁନ୍ତି, ସେମାନେ ହିଁ ଦିଅନ୍ତି । ପାଖାପାଖି ୧୫୦ ଲୋକ ସେହି କ୍ୟାଂଟିନରେ ପ୍ରତିଦିନ ଭୋଜନ କରନ୍ତି ।

ରାଜୁ ବାବା ନାମକ ଜଣେ ନାଗା ସାଧୁ ୩ସପ୍ତାହ ପୂର୍ବରୁ ଏହି କ୍ୟାଂଟିନ୍ ଆରମ୍ଭ କରିଥିଲେ । ତାଙ୍କ କହିବାନୁସାରେ, ଅମରନାଥ ଯାତ୍ରା ଓ କୈଳାସ ମାନସରୋବରକୁ ଯାଉଥିବା ଲୋକଙ୍କ ପାଇଁ ସେ ପ୍ରାର୍ଥନା କରନ୍ତି । ସେ ରାହୁଲ ଗାନ୍ଧୀଙ୍କ ପାଇଁ ମଧ୍ୟ ପ୍ରାର୍ଥନା କରିଛନ୍ତି, ହେଲେ ବିପକ୍ଷ ଦଳ ତାଙ୍କର ମଜାକ୍ ଉଡାଇଲେ । ତାଙ୍କୁ ଖରାପ ଲାଗିଲା ଓ ରାହୁଲଙ୍କ ପାଇଁ ଭାଇଚାରା ଭାବନା ଜାଗିଲା । ସେତେବେଳେ ତାଙ୍କୁ ଲାଗିଲା କି ମାଗଣା କ୍ୟାଂଟିନ୍ ଆରମ୍ଭ କରିବା ଉଚିତ୍ ।

ରାହୁଲଙ୍କ ନାମରେ କ୍ୟାଂଟିନ୍ ଦେଖି କଂଗ୍ରେସ ପୂର୍ବ ସାଂସଦ ଅନୁ ଟଣ୍ଡନ ବ୍ରେଡ ପକୋଡା ନଖାଇ କି ରହିପାରିଲେନି । ସନ୍ୟାସୀ ବାବାଙ୍କ କହିବାନୁସାରେ, ତାଙ୍କ ଗାଁକୁ ଅଚ୍ଛେ ଦିନ୍ ନାମରେ ମିଛ କୁୂହାଯାଇଛି । ଅନେକ ଲୋକଙ୍କ ପାଇଁ ୨ ଓଳି ରୁଟି ଖାଇବା ମୁସ୍କିଲ ହୋଇଗଲାଣି । ସେଥିପାଇଁ ସେ ମାଗଣା କ୍ୟାଂଟିନ୍ କରିବାର ନିଷ୍ପତ୍ତି ନେଲେ ।