ରାଜ୍ୟ ସରକାରଙ୍କୁ ଶଙ୍କରାଚାର୍ଯ୍ୟଙ୍କ ଚେତାବନୀ, ରଥଯାତ୍ରା ପୂର୍ବରୁ ଗୋବର୍ଦ୍ଧନ ମଠ ଜମି ନ ଫେରାଇଲେ ଦେବାଦେବୀଙ୍କ ଉଗ୍ରରୂପ ଦେଖିବେ ସରକାର
କନକ ବ୍ୟୁରୋ : ଗୋବର୍ଦ୍ଧନ ମଠ ଜମିକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ଗୋବର୍ଦ୍ଧନ ପୀଠ ମଠାଧୀଶ ଜଗତଗୁରୁ ଶଙ୍କରାଚାର୍ଯ୍ୟ । ଏପରିକି ଶଙ୍କରାଚାର୍ଯ୍ୟ ଅଭିଯୋଗ କରିଛନ୍ତି ଯେ, ରାଜ୍ୟ ସରକାର ଗୋବର୍ଦ୍ଧନ ମଠ ଜମିକୁ ଶ୍ରୀଜଗନ୍ନାଥ ପରିଚାଳନା କମିଟି ନାଁରେ କରିବା ପାଇଁ ପୁୁରୀ ତହସିଲଦାରଙ୍କ ମାଧ୍ୟମରେ ନିର୍ଦ୍ଦେଶ ଦେଇଛନ୍ତି । ଏଭଳି ଅନ୍ୟାୟ ନାଁ ମୁସଲମାନ ସମ୍ପ୍ରଦାୟରେ ନାଁ ଖ୍ରଷ୍ଟିଆନ ସମ୍ପ୍ରଦାୟର ଲୋକ କେବେ କରିଛନ୍ତି । ଯେଉଁ ମଠ ଭାରତ ଏବଂ ହିନ୍ଦୁ ଧର୍ମକୁ ବୈଦିକ ତଥ୍ୟ ଜଗନ୍ନାଥ ସଂସ୍କୃତି ଏବଂ ଅନେକ କିଛି ପରିଚୟ ଭାରତକୁ ଦେବାରେ ପ୍ରମୂଖ ଭୂମିକା ଗ୍ରହଣ କରିଛି । ଆଜି ସେହି ମଠ ପ୍ରତି ଅନ୍ୟାୟ କରିଛନ୍ତି ରାଜ୍ୟ ସରକାର । ତେଣୁ ଓଡିଶା ସରକାରଙ୍କୁ ଭଗବାନ ସଦବୁଦ୍ଧି ଦିଅନ୍ତୁ ଯାହାଦ୍ୱାରା ନିଜ ଶାସନକାଳ କଳଙ୍କିତ ନ କରନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ମଠ ପ୍ରତି କରିଥିବା ଅନ୍ୟାୟକୁ ତୁରନ୍ତ ସମାଧାନ କରି ମଠକୁ ରାଜ୍ୟ ସରକାର ସୁରକ୍ଷା ଦିଅନ୍ତୁ ବୋଲି କହିଛନ୍ତି ଶଙ୍କରାଚାର୍ଯ୍ୟ । ଖୋଲାଖୋଲିଭାବେ ରାଜ୍ୟସରକାରଙ୍କୁ ଚେତାବନୀ ଦେଇ ଶଙ୍କରାଚାର୍ଯ୍ୟ କହିଛନ୍ତି ଯେ, ରଥଯାତ୍ରା ପର୍ଯ୍ୟନ୍ତ ରାଜ୍ୟସରକାରଙ୍କ ପାଖରେ ସମୟ ଅଛି । ଯେଉଁ ୫ ଏକର ଜମିକୁ ଜଗନ୍ନାଥ ପରିଚାଳନା କମିଟି ନାଁରେ କରିଛନ୍ତି ତୁରନ୍ତ ମଠ ନାଁରେ ହସ୍ତାନ୍ତର କରନ୍ତୁ । ନଚେତ୍ ଦେବାଦେବୀଙ୍କ କୋପର ପ୍ରଭାବରେ କିଛି ବି ହୋଇ ପାରେ ବୋଲି ରୋକ ଠୋକ କହିଛନ୍ତି ଜଗତଗୁରୁ ଶଙ୍କରାଚାର୍ଯ୍ୟ ।
ତେବେ ଶଙ୍କରାଚାର୍ଯ୍ୟ ଆଉ ଏକ ପ୍ରସଙ୍ଗ ଉପରେ ଗରୁତ୍ୱାରୋପ କରିଛନ୍ତି ଯେ ନବକଳେବର ପରଠାରୁ ମତେ ଶ୍ରୀମନ୍ଦୀର କିମ୍ବା ଅନ୍ୟ କୌଣସି ବାବଦରେ ପଚରା ଯାଉ ନାହିଁ । ରାଜ୍ୟ ସରକାର ଶ୍ରୀମନ୍ଦିରକୁ ନେଇ ମନମୁଖୀ ଶାସନ କରୁଛନ୍ତି । ସେହିପରି ଛତିଶଗଡ ଓ ଓଡିଶା ମଧ୍ୟରେ ଚାଲିଥିବା ମହାନଦୀ ବିବାଦରେ ମଧ୍ୟ ମୁହଁ ଖୋଲିଛନ୍ତି ଶଙ୍କରାଚାଯ୍ୟ । ମହାନଦୀ ହେଉଛି ପବିତ୍ର ଜଳ ଶାଖା , ଯାହା ଉପରେ ଅନ୍ୟାୟ ନହେଉ । ମହାନଦୀ ଉପରେ ଉଭୟ ରାଜ୍ୟର ଅଧିକାର ଅଛି ତେଣୁ ଉଭୟ ରାଜ୍ୟଙ୍କୁ ନ୍ୟାୟ ମିଳୁ । ଯେଉଁ ରାଜ୍ୟର ଯେତିକି ଯୋଜନା କାର୍ଯ୍ୟକାରୀ କରୁଛି କି ଆଗକୁ ଯାହା କାର୍ଯ୍ୟକାରୀ କରିବ ତାହା ଦେଶ ପାଇଁ ମଙ୍ଗଳ ହେଉ ବୋଲି କହିଛନ୍ତି ଶଙ୍କରାଚାର୍ଯ୍ୟ । କିନ୍ତୁ ରାଜ୍ୟ ରାଜ୍ୟ ମଧ୍ୟରେ ବିଭାଜନ ସୃଷ୍ଟ ନ ହେଉ ବରଂ ରାମରାଜ୍ୟ ଗଠନ କରିବା ସମସ୍ତଙ୍କ ପ୍ରୟାସ ରହୁ ବୋଲି କହିଛନ୍ତି ଜଗତଗୁରୁ ଶଙ୍କରାଚାର୍ଯ୍ୟ ।