ରାଗିଗଲେ ମୁନ୍ନା ଭାଇ! ସଲମାନଙ୍କୁ ଉଦ୍ଧତ ବୋଲି କହିଲେ ସଞ୍ଜୟ ଦତ୍ତ
ରାଗିଗଲେ ମୁନ୍ନା ଭାଇ । ବିଗତ କିଛି ଦିନ ତଳେ ଏକ ପାର୍ଟିରେ ସେ ହଠାତ ରଣବୀର କପୁରଙ୍କ ଉପରେ ଖପ୍ପା ହୋଇ ଯାଇଥିଲେ । କେବଳ ଏତିକି ନୁହଁ ସେ ରଣବୀରଙ୍କ ଅଭିନୟ ଦକ୍ଷତା ଉପରେ ପ୍ରଶ୍ନ ମଧ୍ୟ ଉଠାଇ ଥିଲେ । ନିକଟରେ ପୁଣିଥରେ ସେ ସଲମାନଙ୍କ ବିଷୟରେ ଏପରି କିଛି ମନ୍ତବ୍ୟ ଦେଇଛନ୍ତି ଯାହା ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଏକ ଇଭେଣ୍ଟରେ ଯେତେବେଳେ ସଞ୍ଜୟ ଦତ୍ତଙ୍କୁ ପଚାରାଗଲା ସଲମାନଙ୍କୁ ଗୋଟିଏ ଶବ୍ଦରେ ସେ କ’ଣ କହିବେ,ଉତ୍ତରରେ ଉଦ୍ଧତ ବୋଲି କହିଥିଲେ ସଞ୍ଜୟ । ଏଥିରୁ ଆପଣ ଜାଣି ପାରୁଥିବେ ଉଭୟଙ୍କ ମଧ୍ୟରେ ସମ୍ପର୍କ ଆଉ ପୂର୍ବପରି ନାହିଁ । ଜଣେ ମ୍ୟାନେଜର ପାଇଁ ଦୁଇ ଜଣଙ୍କ ବନ୍ଧୁତାରେ ଫାଟ ସୃଷ୍ଟି ହୋଇଛି ବୋଲି ଜଣାପଡିଛି ।
ସ୍ପଟବୟ ଡଟକମ ଅନୁସାରେ ସଞ୍ଜୟ ଦତ୍ତ ୨୦୧୪ ଡିସେମ୍ବରରେ ପାରୋଲରେ ଜେଲରୁ ଆସିବାପରେ ସଲମାନ ତାଙ୍କ ମ୍ୟାନେଜରକୁ ନିଜ ମ୍ୟାନେଜର ରଖନ୍ତୁ ବୋଲି ପ୍ରସ୍ତାବ ରଖିଥିଲେ । ସଲମାନଙ୍କ କଥା ମାନି ସଞ୍ଜୟ ଏପରି କରିଥିଲେ । କିନ୍ତୁ ଏପରି କଲାପରେ ମଧ୍ୟ ସଞ୍ଜୟଙ୍କୁ କୈାଣସି ଭଲ ସିନେମା ପାଇଁ ଅଫର ଆସିନଥିଲା ଏବଂ ଏଥିଯୋଗୁଁ ସେ ସଲମାନଙ୍କ ମ୍ୟାନେଜରକୁ କାମରୁ ବାହାର କରି ଦେଇଥିଲେ । ସେବେଠାରୁ ହିଁ ଉଭୟଙ୍କ ମଧ୍ୟରେ ମନାନ୍ତର ହୋଇଛି । ଏହା ସେମାନଙ୍କ ମଧ୍ୟରେ ହୋଇଥିବା ଫାଟର ପ୍ରକୃତ କାରଣ ନା ଆଉ କିଛି ରହସ୍ୟ ଅଛି ତାହା କେବଳ ସମୟ କହିବ ।