ଝୁରାବାଲିର କାରିଗର ସୁଦର୍ଶନଙ୍କ ବାଲୁକା କଳାକୁ ନେଇ ଚର୍ଚ୍ଚା : ୫ଟି ଦେଶର ବାଲିରେ ନିର୍ମାଣ କଲେ ପ୍ରତି ରାଷ୍ଟ୍ରର ସ୍ମାରକ
କନକ ବ୍ୟୁରୋ : ବ୍ରିକ୍ସ ସମ୍ମିଳନୀରେ ଅନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକଙ୍କ ବାଲୁକା କଳାକୁ ନେଇ ଜୋରଦାର ଚର୍ଚ୍ଚା । ଉଭୟ ଜାତୀୟ ଓ ଅନ୍ତର୍ଜାତୀୟ ଗଣମାଧ୍ୟମରେ ବେଶ ପ୍ରଶଂସିତ ହୋଇଛି ଏହି ବାଲୁକା କଳା । ୫ ସଦସ୍ୟ ରାଷ୍ଟ୍ରର ଐତିହାସିକ ସ୍ମାରକକୁ ନେଇ ଓଡ଼ିଆ ଶିଳ୍ପୀ ସୁଦର୍ଶନ ପଟ୍ଟନାୟକ ନିର୍ମାଣ କରିଛନ୍ତି ଏହି କଳାକୃତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ବ୍ରିକ୍ସ ରାଷ୍ଟ୍ରମୁଖ୍ୟ ଏହାକୁ ବୁଲି ଦେଖିବା ସହ ବେଶ ପ୍ରଶଂସା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୁଦର୍ଶନଙ୍କ ଏହି କଳାକୃତିରେ ରହିଛି ଭାରତର “ତାଜମହଲ’, ଚୀନର “ଗ୍ରେଟ୍ ୱାଲ ଅଫ୍ ଚାଇନା’, ରୁଷିଆର “ସେଂଟ୍ ବାସିଲ୍ କାଥେଡ୍ରାଲ‘, ବ୍ରାଜିଲର “ଖ୍ରୀଷ୍ଟ ଦି ରିଡମର ପ୍ରତିମୂର୍ତି‘, ଓ ଦକ୍ଷିଣ ଆଫ୍ରିକାର “ଆଫ୍ରିକୀୟ ଭାଷା ସ୍ମାରକ‘ ।
ବ୍ରିକ୍ସ ସମ୍ମିଳନୀ ହେଉଥିବା ଗୋଆର ତାଜ୍ ଏକ୍ସୋଟିକା ରିସର୍ଟରେ ୫ଟି ରାଷ୍ଟ୍ରର ଐତିହ୍ୟକୁ ନେଇ ଏହି ବାଲୁକା କଳା ପ୍ରଦର୍ଶିତ ହୋଇଛି । ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଏହି କଳାକୃତି ନିର୍ମାଣ କରିବା ପାଇଁ ୫୦ ଟନ୍ ବାଲି ବ୍ୟବହାର କରିଛନ୍ତି । ପ୍ରତି ସଦସ୍ୟ ରାଷ୍ଟ୍ରରୁ ବାଲି ସଂଗ୍ରହ କରାଯାଇ ୩୦ ଫୁଟ ଲମ୍ବ ୨୦ ଫୁଟ ଓସାରର ବାଲୁକା କଳା କରିଛନ୍ତି ସୁଦର୍ଶନ ।
ବନ୍ଧୁତ୍ୱ ଓ ମୈତ୍ରୀ ସ୍ଥାପନା ଉଦେଶ୍ୟରେ ଏହି କଳାକୃତି ସୁନ୍ଦର ଭବିଷ୍ୟତ ପାଇଁ ଏହା ବ୍ରିକ୍ସର ସଦସ୍ୟ ରାଷ୍ଟ୍ରଙ୍କ ମଧ୍ୟରେ ବାର୍ତା ଦେଉଛି । ଚୀନ ଗଣମାଧ୍ୟମ ଝିନୁଆ ନ୍ୟୁଜରେ ଏହି କଳାକୁ ଉଚ୍ଚ ପ୍ରଶଂସିତ କରାଯାଇଛି ।