ସମ୍ବଲପୁରରୁ ପୁଣି ଆସିଲା ରାଗିଂର ନୃଶଂସ ଚିତ୍ର। ଘରୋଇ ଆବାସିକ କଲେଜରେ ଛାତ୍ରଙ୍କୁ ୨ ଦିନ ଧରି ବାଥରୁମରେ ବନ୍ଦ କରି ମାଡ ମାରିଥିବା ଅଭିଯୋଗ
ଥାନାରେ ଏତଲା ପରେ ପୁଲିସର ତଦନ୍ତ ଆରମ୍ଭ
କନକ ବ୍ୟୁରୋ: ସମ୍ବଲପୁରରୁ ପୁଣି ଆସିଲା ରାଗିଂ ଅଭିଯୋଗ । ଘରୋଇ ଆବାସିକ କଲେଜରେ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରଙ୍କୁ ରାଗିଂ ହୋଇଥିବା ଅଭିଯୋଗ ହୋଇଛି । ମାଝିପାଲି ସ୍ଥିତ ଘରୋଇ କଲେଜରେ ଯୁକ୍ତ ଦୁଇ ପ୍ରଥମ ବର୍ଷର କଳା ଛାତ୍ରଙ୍କୁ ୨ ଦିନ ଧରି ବାଥରୁମରେ ପୁରାଇ ସିନିୟର ମାନେ ନିସ୍ତୁକ ମାଡ ମାରିଥିବା ଅଭିଯୋଗ ହୋଇଛନ୍ତି । ଏପରିକି ଲୁହାରଡ ଓ ବାଡି ସାହାର୍ଯ୍ୟରେ ଛାତ୍ର ଜଣକୁ ପ୍ରବଳ ମାଡ ମାରିଛନ୍ତି ସିନିଅର । ଛାତ୍ର ଜଣକ ଏବେ ଗୁରୁତର ଅଛନ୍ତି । ଥାନାରେ ଏନେଇ ଛାତ୍ରଙ୍କ ବାପା ମା ଅଭିଯୋଗ କରିବା ପରେ ପୁଲିସ ତଦନ୍ତ ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, କିଛି ଦିନ ତଳେ ରାଗିଂ କରି ବୁର୍ଲା ଭିଏସଏସ ବୈଷୟିକ ବିଶ୍ୱବିଦ୍ୟାଳୟ ହଷ୍ଟେଲରେ ଛାତ୍ରଙ୍କୁ ଘଟଣାରେ ସମ୍ପୃକ୍ତ ଛାତ୍ରଙ୍କ ବିରୋଧରେ ନିଆଯାଇଥିଲା ଦୃଢ କାର୍ଯ୍ୟାନୁଷ୍ଠାନ । କିଛି ଛାତ୍ର ନିଜର ଜୁନିୟର ଛାତ୍ରଙ୍କୁ ଅନ୍ତବସ୍ତ୍ର ପିନ୍ଧି ନାଚିବା ପାଇଁ ବାଧ୍ୟ କରିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ମଧ୍ୟ ହୋଇଥିଲା । ତେବେ ବାରମ୍ବାର ଗଣମାଧ୍ୟମରେ ଏନେଇ ଖବର ପ୍ରସାରଣ ହେବା ପରେ କର୍ତୃପକ୍ଷଙ୍କ ପକ୍ଷରୁ ନିଆଯାଇଥିଲା କଡା କାର୍ଯ୍ୟାନୁଷ୍ଠାନ । ରାଗିଂରେ ସଂପୃକ୍ତ ଥିବା ଛାତ୍ରଙ୍କୁ ଏକ ବର୍ଷ ଲାଗି ପରୀକ୍ଷାରୁ ବଂଚିତ କରାଯିବା ସହ ୫୨ ଛାତ୍ରଙ୍କୁ ୨ ହଜାର ଟଙ୍କା ଲେଖାଏଁ ଜୋରିମାନା ମଧ୍ୟ ଦେବାକୁ ପଡିଥିଲା ।