ଓଡିଶା ଉପରେ ଛତିଶଗଡ଼ ନିଶା ବେପାରୀଙ୍କ ଆଖି ! ସମ୍ବଲପୁର ମାର୍କେଟରେ ଖୁଲମଖୁଲା ବିକ୍ରୀ ହେଉଛି ନିଷିଦ୍ଧ ମେଡିସିନ କୋରେକ୍ସ
କନକ ବ୍ୟରୋ: ଓଡିଶା ଉପରେ ଛତିଶଗଡ଼ ନିଶା ବେପାରୀଙ୍କ ନଜର । ଓଡିଶା ବଜାରକୁ ଛତିଶଗଡ଼ରୁ ଆସୁଛି ନିଶା ଦ୍ରବ୍ୟ । ଯାହା ପ୍ରମାଣ ପୁଣି ଥରେ ପୁଲିସ ହାତରେ ଲାଗିଛି । ସମ୍ବଲପୁର ବଜାରରେ ଖୁଲମଖୁଲା ବିକ୍ରି ହେଉଛି ଛତିଶଗଡ଼ରୁ ଆସୁଥିବା କୋରେକ୍ସ । ଔଷଧ ନାଁରେ ବିକ୍ରୀ ହେଉଛି ନିଶା । ଏଭଳି ଏକ ତଥ୍ୟ ଲାଗିଛି ସମ୍ବଲପୁର ପୁଲିସ ହାତରେ । ସମ୍ବଲପୁର ପୁଲିସ ଅଚାନକ ବାଲିବନ୍ଧା ଅଂଚଳରେ କୋରେକ୍ସ ବିକୁଥିବା ଜଣେ ବେପାରୀଙ୍କ ଉପରେ ଚଢାଉ କରି ଆନ୍ତରାଜ୍ୟ ରାକେଟର ପର୍ଦ୍ଦାଫାସ୍ କରିଛି ।
Kanak News is now on WhatsApp
Join and get latest news updates delivered to you via WhatsApp
ବାଲିବନ୍ଧା ଅଁଚଳର ବିକାଶ ବାଗ ୫୦ ବୋତଲ କୋରେସ୍କ ନେଇ ବିକ୍ରୀ କରୁଥିବା ବେଳେ ପୁଲିସ ହାତରେ ଧରା ପଡିଛନ୍ତି । ଗତ କିଛି ଦିନ ତଳେ ରାଜଘାଟ ନିକଟରେ କୋରେକ୍ସ ବିକ୍ରୀ କରୁଥିବା ଆଉ ଜଣେ ବ୍ୟକ୍ତି ହେଉଛନ୍ତି ଆଜଣ ରାଜେଶ ଧରୁଆ । ତାଙ୍କୁ ମଧ୍ୟ ପୁଲିସ ଗିରଫ କରିବା ସହ ତାଙ୍କ ଠାରୁ ଦେଢଶହ ବୋତଲ କୋରେକ୍ସ ଜବତ କରିଥିଲା । ପରେ ତାର ସୂଚନା ଅନୁସାରେ ପୁଲିସ ଏକ ଦଳ ଗଠନ କରି ଛତିଶଗଡ଼ ମହାସମୁଦ ଅଂଚଳର ହୋଲସେଲର ସତିଶ ଅଗ୍ରଓାଲକୁ ଗିରଫ କରିଥିଲା । ତାଙ୍କ ପାଖରୁ ମଧ୍ୟ ୧୮୫ ବୋତଲ କୋରେକ୍ସ ଜବତ ହୋଇଥିବା ।
କଫ ପାଇଁ ମେଡିସିନ ଆକାରରେ ନିଅଯାଉଥିବା କଫ ସିରଫକୁ ନିଶା ଆକାରରେ ଚୋରାରେ ବେପାର କରୁଛନ୍ତି ଏହି ବେପାରୀ ମାନେ । ଇସ୍କଫ ଓ ଓନରେସ୍କ୍ ନାମକ ଦୁଇଟି କମ୍ପାନୀର କଫ ସିରଫକୁ ବିଶେଷ କରି ନିଶା ଆକାରରେ ନେଉଥିବା ବେଳେ ଏହାର ମୂଲ୍ୟ ୧୦୦ ଟଙ୍କାରୁ କମ୍ ଥିବା ବେଳେ ଏହାକୁ ୨୦୦ ରୁ ୩୦୦ ଟଙ୍କାରେ ବିକ୍ରୀ କରନ୍ତି ବ୍ୟବସାୟୀମାନେ । ବରଗଡ଼ ଜିଲ୍ଲା ଦେଇ ଛତିଶଗଡ଼ରୁ ସମ୍ବଲପୁରକୁ ଏମାନେ ଆସୁଥିବା ଜଣାପଡିଛି ।