ସମ୍ବଲପୁର : ସମ୍ବଲପୁର ଜେଲରେ ରହି ଅପରାଧ ଷଡଯନ୍ତ୍ର କରୁଛନ୍ତି ଅପରାଧୀ । ଏଭଳି ଏକ ଚାଂଚଲ୍ୟକର ଖୁଲାସା କରିଛି ସମ୍ବଲପୁର ପୁଲିସ । କେବଳ ଏତିକି ନୁହେଁ ଏଥିପାଇଁ ସୁପାରି ମଧ୍ୟ ଦିଆନିଆ ହେଉଛି । ସମ୍ବଲପୁର ଜେଲ ଅଧ୍ୟକ୍ଷ ବ୍ରହ୍ମାନନ୍ଦ ସାହୁଙ୍କୁ ଆକ୍ରମଣ ଘଟଣାର ତଦନ୍ତ ବେଳେ ଏଭଳି ଚାଞ୍ଚଲ୍ୟକର ତଥ୍ୟ ପୁଲିସ ହାତରେ ଲାଗିଛି । ଏହି ଘଟଣାରେ ରିରଫ ହୋଇଥିବା ଅଭିଯୁକ୍ତ ଜେଲ ଭିତରର ଗୁମର ପଦାରେ ପକାଇଛି ।
Kanak News is now on WhatsApp
Join and get latest news updates delivered to you via WhatsApp
ବ୍ରହ୍ମାନନ୍ଦ ସାହୁଙ୍କୁ ଆକ୍ରମଣ ପାଇଁ ଜେଲ ଭିତରେ ଥାଇ ଅପରାଧିମାନେ କିଛି ମାସ ତଳେ ଯୋଜନା କରିଥିବା ଜଣାପଡ଼ିଛି । ଆକ୍ରମଣର ମାଷ୍ଟର ମାଇଣ୍ଡ ଅଜୟ ଗିରଫ ହେବା ପରେ ସବୁ ସତ ଉଗାଳିଛି । ଆକ୍ରମଣ ପାଇଁ ଅଜୟଙ୍କୁ ଜେଲ ଭିତରୁ ନିର୍ଦ୍ଦେଶ ଆସିଥିଲା । ଏହାସହ ଏଥିପାଇଁ ତାକୁ ସୁପାରୀ ମଧ୍ୟ ଦିଆଯାଇଥିବା ଜଣାପଡ଼ିଛି । କୁଖ୍ୟାତ ଅପରାଧୀ କମଳେଶ ଏବଂ ସୁଜିତ ଜେଲ ଅଧ୍ୟକ୍ଷଙ୍କୁ ଆକ୍ରମଣ କରିବା ପାଇଁ ନିର୍ଦ୍ଦେଶ ଦେଇଥିବା ପୁଲିସଙ୍କୁ ଜଣାଇଛି ଅଜୟ । ଶ୍ରୀ ସାହୁଙ୍କ ଆକ୍ରମଣ ଘଟଣାରେ ପୁଲିସ ଏବେ ସୁଦ୍ଧା ୩ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏହି ଘଟଣାରେ ସମ୍ପୃକ୍ତ ଅନ୍ୟମାନଙ୍କୁ ଧରିବା ପାଇଁ ସମ୍ବଲପୁର ପୁଲିସ ତନାଘନା ଚଳାଇଛି ।