ସିସିଟିଭି ଧରିଲା ଦାଦାଗିରିର ଦୃଶ୍ୟ : କନଷ୍ଟ୍ରକସନ୍ କମ୍ପାନୀକୁ ଜୋର ଜବରଦସ୍ତ ମଗାଯାଇଛି ବଟି
କନକ ବ୍ୟୁରୋ : ୨୩ ଅଗଷ୍ଟ ୨୦୧୭ମସିହା । ସ୍ଥାନ- ଲକ୍ଷ୍ମୀଟକିଜ ଛକ, ସମ୍ବଲପୁର । ସାମ୍ନାକୁ ଆସିଲା ଦିନ ଦ୍ୱିପ୍ରହରରେ ଦାଦାବଟି ମାଗିବାର ଚିତ୍ର । ସମ୍ବଲପୁର ସହର ଲକ୍ଷ୍ମୀ ଟକିଜ ଛକ ସୁଜାତା ହୋଟେଲ ନିକଟରେ ଥିବା ଏହି ଘରୋଇ କନଷ୍ଟ୍ରକସନ କମ୍ପାନୀର କାର୍ଯ୍ୟାଳୟ ଭିତରକୁ ଅଚାନକ ପଶିଆସି ଦାବା ବଟି ଦାବି କରିଥିଲେ ଦୁଇଜଣ ଯୁବକ ।
Kanak News is now on WhatsApp
Join and get latest news updates delivered to you via WhatsApp
ପଟ୍ଟନାୟକ କନଷ୍ଟ୍ରକସନ୍ କମ୍ପାନି ସହରର ବିଭିନ୍ନ ସ୍ଥାନରେ ତା’ର କାରବାର କରୁଥିବାରୁ ଜୋରଜବରଦସ୍ତ ବଟି ଦେବାକୁ ଦାବି କରିଥିଲେ ଏହି ଯୁବକମାନେ । ଅଭିଯୋଗ ଅନୁସାରେ ୫ରୁ ୬ଜଣିଆ ଅପରାଧୀ ଗ୍ୟାଙ୍ଗର ସଦସ୍ୟଙ୍କ ମଧ୍ୟରୁ ୨ଜଣ କମ୍ପାନୀ କାର୍ଯ୍ୟାଳୟକୁ ପଶିଆସିଥିବାବେଳେ ବାହାରେ ଜଗିରହିଥିଲେ ଅନ୍ୟମାନେ । ଆଉ କର୍ମଚାରୀଙ୍କୁ ଦାଦାବଟି ପହଂଚାଇ ଦେବା ପାଇଁ କହିଥିଲେ ।
ଏହି ପୁରା ଘଟଣା ସେଠାରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି । ଆଉ ଭିଡିଓ ଫୁଟେଜରେ ଦେଖାଯାଉଥିବା ଦୁଇ ଯୁବକଙ୍କୁ ଚିହ୍ନଟ କରି ଘଟଣାରେ କେଉଁ ଅପରାଧୀ ଗ୍ୟାଙ୍ଗର ହାତ ଅଛି ସେନେଇ ଛାନଭିନ ଆରମ୍ଭ କରିଛି ଟାଉନ ଥାନା ପୋଲିସ ।
ଦିନ ଦ୍ୱିପ୍ରହରରେ ଦାଦା ବଟି ପାଇଁ ଅପରାଧୀଙ୍କ ଏଭଳି ଧମକ ଚମକ ଘଟଣା ସହରର ବ୍ୟବସାୟୀଙ୍କୁ ଭୟଭୀତ କରିଛି । ଆଉ ଘଟଣା ପଛରେ ସଂପୃକ୍ତ ଅପରାଧୀ ଗ୍ୟାଙ୍ଗକୁ ପୋଲିସ ତୁରନ୍ତ କାବୁ କରି ଏହି ଭୟ ଦୂର କରିବା ଜରୁରୀ ହୋଇପଡିଛି ।