ସଂସଦରେ ସାଂସଦଙ୍କ ନାରା ପ୍ରତିଯୋଗୀତା ! କିଏ ଜୟ ଶ୍ରୀରାମ ତ କିଏ ଅଲ୍ଲାହୁ-ଅକବରର ଦେଲେ ନାରା, ବନ୍ଦେ ମାତରମ୍ କହିବାକୁ ଅମଙ୍ଗିଲେ ଏହି ସାଂସଦ ।
ଲୋକସଭାରେ ମଙ୍ଗଳବାର ଶପଥ ନେବା ସମୟରେ ସମାଜବାଦୀ ପାର୍ଟିର ସାଂସଦ ଶଫିକୁର୍ରହମାନ୍ “ବନ୍ଦେ ମାତରମ୍” କହିବାକୁ ମନା କରିଦେଇଥିଲେ । ସେ ଏହାକୁ ଇସଲାମ୍ ବିପକ୍ଷରେ ଥିବା କଥା କହିଥିଲେ । ଉତ୍ତରପ୍ରଦେଶର ସଂମ୍ଭଲରୁ ନିର୍ବାଚନ ଜିତିଥିବା ଶଫିକୁର୍ରହମାନ୍ ଶପଥ ନେବା ପରେ ସେ କହିଥିଲେ “ବନ୍ଦେ ମାତରମ୍” ହେଉଛି ଇସଲାମ୍ ବିରୋଧ ତେଣୁ ଏହାକୁ ମୁଁ କହିପାରିବି ନାହିଁ । ଏହାପରେ ସଂସଦରେ ଉପସ୍ଥିତ ଥିବା ବାକି ସାଂସଦ “ବନ୍ଦେ ମାତରମ୍” ଏବଂ “ଜୟ ଶ୍ରୀରାମ”ର ନାରା ଲଗାଇବା ଆରମ୍ଭ କରିଦେଇଥିଲେ । ଅନେକ ସାଂସଦ ଶଫିକୁର୍ରହମାନ୍ ର ଏହି ବୟାନକୁ ବିରୋଧ କରିଥିଲେ ଏବଂ ତାଙ୍କୁ କ୍ଷମା ମାଗିଥିଲେ ।
Kanak News is now on WhatsApp
Join and get latest news updates delivered to you via WhatsApp
#WATCH: Slogans of Vande Mataram raised in Lok Sabha after Samajwadi Party’s MP Shafiqur Rahman Barq says, “Jahan tak Vande Mataram ka taaluq hai, it is against Islam we cannot follow it” after concluding his oath. pic.twitter.com/8Sugg8u8ah
— ANI (@ANI) June 18, 2019
ମଙ୍ଗଳବାରକୁ ସଂସଦରେ ପ୍ରତ୍ୟେକ ସାଂସଦ ଶପଥ ନେବା ପରେ ଭିନ୍ନ ଭିନ୍ନ ନାରା ଲଗାଇଥିଲେ । ଏହି ନାରା ମଧ୍ୟରେ ଜୟ ଶ୍ରୀରାମ,ରାଧେ ରାଧେ,ଜୟ ମା କାଳୀ,ଜୟ ମା ଦୂର୍ଗା,ଅଲ୍ଲାହୁ-ଅକବର,ଭାରତ ମାତା କି ଜୟ,ଇନକଲାବ୍ ଜିନ୍ଦାବାଦ୍ ଭଳି ନାରା ଗୁଞ୍ଜରିତ ହେଉଥିଲା । ସବୁଠୁ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲେ ଅଲ ଇଣ୍ଡିଆ ମଜଲିସ୍-ଏ-ଇତେହାଦୁଲ୍ ମୁସଲିମ୍ ପ୍ରମୁଖ ଅସଦୁଦ୍ଦିନ୍ ଓୱେସୀ ।
ଯିଏ ବିଜେପିର ଜୟ ଶ୍ରୀରାମ ଏବଂ ବନ୍ଦେ ମାତରମ୍ ନାରା ମଧ୍ୟରେ ମଙ୍ଗଳବାର ଶପଥ ନେଇଥିଲେ । ସେ ଅଲ୍ଲାହୁ-ଅକବର ନାରା ଦେଇଥିଲେ । ଅଧିକାଂଶ ବିଜେପି ସାଂସଦ ଶପଥ ନେବା ସମୟରେ ଜୟ ଶ୍ରୀରାମ ଏବଂ ଭାରତ ମାତା କି ଜୟ ନାରା ଲଗାଉଥିଲେ । ତୃଣମୂଳ କଂଗ୍ରେସର କାକୋଲି ଘୋଷ୍ ବିଜେପି ସାଂସଦଙ୍କ ନାରା ସମୟରେ ପଲଟା ଆକ୍ରମଣ କରି କହିଥିଲେ ‘ଜୟ ହିନ୍ଦ୍ ଜୟ ବଙ୍ଗାଲ୍’ ।