କନକ ବ୍ୟୁରୋ: ଆଉ ୫ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛି ସମାଜବାଦୀ ପାର୍ଟି । ଉତରପ୍ରଦେଶର ମୁରାଦାବାଦ ଆସନରୁ ନାସିର କୁରୈସୀ, ବରେଲିରୁ ଭଗବତ ଶରଣ ଗଙ୍ଗୱାର , ଉନ୍ନାଓରୁ ପୂଜା ପାଲ. ଝାନ୍ସିରୁ ଶ୍ୟାମ ସୁନ୍ଦର ଯାଦବ ଏବଂ କୁଶୀନଗରରୁ ନଥୁନୀ ପ୍ରସାଦ କୁଶବାହାଙ୍କୁ ପ୍ରାର୍ଥୀ କରିଛି ଦଳ ।
Kanak News is now on WhatsApp
Join and get latest news updates delivered to you via WhatsApp
Samajwadi Party releases another list of candidates. Nasir Qureshi to contest from Moradabad, Bhagwat Sharan Gangwar from Bareily,Pooja Pal from Unnao, Shyam Sunder Yadav from Jhansi and Nathuni Prasad Kushwaha from Kushinagar. #LokSabhaElections2019 pic.twitter.com/OJNTRjtMA4
— ANI UP (@ANINewsUP) March 28, 2019
ଏଠାରେ ଆମେ କହି ରଖୁଛୁ କି, ଘୋଷଣା ହୋଇଥିବା ଏହି ୫ଟି ଆସନରୁ ସପା-ବସପା-ରାଲୋଦ ଗଠବନ୍ଧନ ଅବସରରେ ସପାର କୋଟାରେ ଆସିଥିଲା । ଏହି ସମସ୍ତ ଆସନରେ ନିର୍ବାଚନ ଲଢେଇ ରୋଚକ ହେବ ବୋଲି ସ୍ପଷ୍ଟ ପ୍ରତିଫଳିତ ହେଉଛି । କାହିଁକି ନା ବରେଲିରୁ ମୋଦି ସରକାରଙ୍କ ମନ୍ତ୍ରୀ ସନ୍ତୋଷ ଗଙ୍ଗୱାରଙ୍କୁ ବିଜେପି ଟିକେଟ ଦେଇଛି । ଯେବେକି କଂଗ୍ରେସ ପକ୍ଷରୁ ପ୍ରବିଣ ସିଂହ ଏରନ ମୈଦାନକୁ ଓହ୍ଲାଇଛନ୍ତି । ଏହାବ୍ୟତୀତ କୁୁଶୀନଗର ଆସନରୁ ବିଜେପି ନିଜର ପ୍ରାର୍ଥୀ ପରିବର୍ତ୍ତନ କରିଛି । ଏଠାରୁ ବିଜୟ ଦୁବେଙ୍କୁ ପାର୍ଟି ଟିକେଟ ଦେଇଥିବା ବେଳେ କଂଗ୍ରେସ ପକ୍ଷରୁ ନିର୍ବାଚନ ଲଢିବେ ଆର.ପିଏନ ସିଂହ ।
ସେହିପରି ମୁରାଦାବାଦରେ କଂଗ୍ରେସ ଶାୟର ଇମରାନ ପ୍ରତାପଗଡି ଏବଂ ବିଜେପି ସର୍ବେଶ କୁମାର ସିଂହଙ୍କୁ ପ୍ରାର୍ଥୀ କରିଛି । ଉନ୍ନାଓ ଆସନରୁ ବିଜେପି ବର୍ତମାନର ସାଂସଦ ସାକ୍ଷୀ ମହାରାଜଙ୍କୁ ପୁଣି ଥରେ ଟିକେଟ ଦେଇଛି । ବିଜେପିକୁ ମାତ୍ ଦେବା ପାଇଁ କଂଗ୍ରେସ ଅନୁ ଟଣ୍ଡନଙ୍କୁ ଏଠାରେ ପ୍ରାର୍ଥୀ କରିଛି । ତେବେ ଝାନ୍ସି ନିର୍ବାଚନ ମଣ୍ଡଳୀ ପାଇଁ ଏଯାବତ ଉଭୟ ବିଜେପି ଏବଂ କଂଗ୍ରେସ ନିଜର ପ୍ରାର୍ଥୀ ଘୋଷଣା କରିନାହିଁ ।
ବର୍ତ୍ତମାନ ସୁଦ୍ଧା ସପା ନିଜ କୋଟାର ୨୬ ଆସନରୁ ପ୍ରାର୍ଥୀଙ୍କ ନାଁ ଘୋଷଣା କରିଛି । ଆଜମଗଡ ଆସନରୁ ଅଖିଳେଶ ଯାଦବ, ମେନପୁରୀରୁ ମୁଲାୟମ ସିଂହ ଯାଦବ, ବଦାୟୁରୁ ଧର୍ମେନ୍ଦ୍ର ଯାଦବ, କନ୍ନୋଜରୁ ଡିମ୍ପଲ ଯାଦବ ଏବଂ ଫିରୋଜାବାଦରୁ ଅକ୍ଷୟ ଯାଦବଙ୍କପ ପ୍ରାର୍ଥୀ କରିଛି ।