ଦୁଇ ହାତ ନାହିଁ, କିନ୍ତୁ ମନୋବଳ ପାହାଡ଼ ପରି ଶକ୍ତ ! ରାଂଚିର ଲକ୍ଷ୍ମୀ ନିଜେ ଦିବ୍ୟାଙ୍ଗ ଆଉ ତାଙ୍କ ଉପରେ ୨୦୦ ଦିବ୍ୟାଙ୍ଗ ଶିଶୁଙ୍କ ଭାର
ଦୁନିଆରେ ଏପରି ଅନେକ ଲୋକ ଅଛନ୍ତି, ଯେଉଁମାନେ ମାନସିକ ତଥା ଶାରୀରିକ କ୍ଷେତ୍ରରେ ଅନଗ୍ରସର । ତେବେ ଭିନ୍ନକ୍ଷମତାକୁ ଦୁର୍ବଳତା ମନେ ନକରି ଆଗକୁ ବଢ଼ିବା ହିଁ ସବୁଠାରୁ ବଡ଼ କଥା । ଆଜିକା ସମୟରେ ହାତ ଗୋଡ଼ ଥାଇ ମଧ୍ୟ ଲୋକେ ଷ୍ଟେସନ, ବସଷ୍ଟାଣ୍ଡ ତଥା ଜନଗଳହିପୂର୍ଣ୍ଣ ସ୍ଥାନ ଗୁଡ଼ିକରେ ଭିକ ମାଗୁଥିବାର ଆପଣମାନେ ଦେଖିଥିବେ । କିନ୍ତୁ ରାଂଚିର ଲକ୍ଷ୍ମୀ ବିଲକୁଲ ଜଣେ ନିଆରା ମଣିଷ । ଗୋଟିଏ ହାତ ନଥିଲେ ଲୋକେ ନିଜକୁ ଅକ୍ଷମ ଅନୁଭବ କରନ୍ତି, କିନ୍ତୁ ଦୁଇ ହାତ ନଥାଇ ମଧ୍ୟ ଲକ୍ଷ୍ମୀ କେବେ ହାରିଯାଇ ନାହାନ୍ତି । ସେ ତାଙ୍କ ଦୁର୍ବଳତା ଆଗରେ ହାର ମାନିନଥିଲେ । ପାହାଡ଼ ପରି ଶକ୍ତ ହୋଇ ନିଜ ଆଗାମୀ ଜୀବନ ପାଇଁ ଚିନ୍ତା କଲେ ।
Kanak News is now on WhatsApp
Join and get latest news updates delivered to you via WhatsApp
ଝାଡ଼ଖଣ୍ଡର ରାଜଧାନୀ ରାଂଚିରୁ ପାଖାପାଖି ୨୫ କିମି ଦୂରରେ ଥିବା ଏକ ଛୋଟ ଗାଁ ଟୁକ୍କୋରେ ରହୁଥିବା ଲକ୍ଷ୍ମୀଙ୍କର ପିଲାଦିନୁ ଦୁଇ ହାତ ନାହିଁ । ତାଙ୍କ ପରିବାରର ଆର୍ଥିକ ଅବସ୍ଥା ମଧ୍ୟ ଭଲ ନୁହେଁ । ତେବେ ଅକ୍ଷମତା ଆଗରେ ହାର ନମାନି ଲକ୍ଷ୍ମୀ ନିଜ ଦୃଢ଼ ଇଚ୍ଛାଶକ୍ତି ବଳରେ ଆଗକୁ ବଢ଼ିଚାଲିଥିଲେ । ସେ ତାଙ୍କ ପରିବାରରେ ନୁହେଁ ଗାଁରେ ମଧ୍ୟ ସବୁଠାରୁ ଅଧିକ ପାଠ ପଢ଼ିଛନ୍ତି । ମନୋବିଜ୍ଞାନରେ ସେ ସ୍ନାତ୍ତୋକ କରିଛନ୍ତି । ନିଜ ଦୁର୍ବଳତାକୁ ଧ୍ୟାନରେ ରଖି ଲକ୍ଷ୍ମୀ ନିଜ ପରି ପିଲାଙ୍କୁ ସାହାଯ୍ୟ କରିବା ପାଇଁ ମନରେ ପ୍ରତିଜ୍ଞା କରିଥିଲେ । ଆଉ ଆଜି ସେ ଗୁରୁନାନାକ ହ୍ୟାଣ୍ଡିକ୍ୟାପ ହସପିଲଟାଲ ଫର ଚିଲରେନରେ କାମ କରନ୍ତି । ସେଠାରେ ଅଛନ୍ତି ପ୍ରାୟ ୩୦୦ ପିଲା । ପିଲାଙ୍କ ଦେଖାଶୁଣା ସହ ଅଫିସ କାମ ମଧ୍ୟ ସେ ଏକା ସମ୍ଭାଳନ୍ତି । ଏହାସହ ରୋଷେଇ ମଧ୍ୟ ତାଙ୍କୁ ଭଲଭାବେ ଜଣା । ଆଉ ଖୁବ ଶୀଘ୍ର ମଧ୍ୟ ସେ କାମ କରିପାରନ୍ତି ।
ଦୁଇ ହାତ ନଥିବାରୁ ଲକ୍ଷ୍ମୀଙ୍କ ଉପରେ ତାଙ୍କ ପରିବାର ଲୋକ ମଧ୍ୟ ଭରସା କରୁନଥିଲେ । ତାଙ୍କ ଭବିଷ୍ୟତକୁ ନେଇ ସବୁବେଳେ ଚିନ୍ତିତ ଥିଲେ । ଆଉ ଗାଁ ଲୋକେ ମଧ୍ୟ ତାଙ୍କୁ ଅନେକ କଥା କହୁଥିଲେ । କିନ୍ତୁ ଲକ୍ଷ୍ମୀ କାହା କଥା ନଶୁଣି ଆଗକୁ ବଢ଼ିବାରେ ଲାଗିଲେ । ଶେଷର ତାଙ୍କ ପରଶ୍ରମ ସଫଳ ହେଲା । ନିଜେ ପାଠ ପଢ଼ିଲେ, କିନ୍ତୁ ଚାକିରି ପାଇଁ ତାଙ୍କୁ ବହୁତ କଷ୍ଟ କରିବା ପାଇଁ ପଡ଼ିଥିଲା । ଅନେକ ବିଫଳତା ପରେ ସେ ସଫଳ ହୋଇଥିଲେ । ଆଜି ପୁରା ପରିବାର ତଥା ଗାଁ ଲୋକେ ମଧ୍ୟ ତାଙ୍କ ପାଇଁ ଗର୍ବିତ ।