ସଲମାନଙ୍କ ସହ ନିଜ ସମ୍ପର୍କକୁ ନେଇ ଲୁଲିୟା ଖୋଲିଲେ ରାଜ୍ !
ଆପଣମାନେ ଜାଣିଥିବେ ଦବଙ୍ଗ ଖାନଙ୍କ କଥିତ ଗର୍ଲଫ୍ରେଣ୍ଡ ଲୁଲିୟା ଭନ୍ତୁର ଜଣେ ପ୍ରତିଭାବାନ ଗାୟିକା ! ବିଶିଷ୍ଟ ସଂଗୀତ ନିର୍ଦ୍ଦେଶକ ତଥା ଗାୟକ ହିମେଶ ରେସମିୟାଙ୍କ ସହ ପୂର୍ବରୁ ଲୁଲିୟା ଭନ୍ତୁରଙ୍କର ଏକ ମ୍ୟୁଜିକ ଆଲବମ ବଜାରକୁ ଆସିଥିଲା । ମାତ୍ର ବର୍ତ୍ତମାନ ମନିଷ ପାଲ ଏବଂ ସଚିନ ଗୁପ୍ତାଙ୍କ ସହ ଲୁଲିୟାଙ୍କର ଏକ ନୂଆ ଆଲବମ ବଜାରକୁ ଆସିଛି । ଦବଙ୍ଗ ଖାନଙ୍କ ଏହି ଗର୍ଲଫ୍ରେଣ୍ଡ ଲୁଲିୟା ଏବେ ନିଜ କ୍ୟାରିୟରକୁ ସୁଧାରିବାରେ ଜୋରଦାର ଲାଗି ପଡିଛନ୍ତି । ସଲମାନ ମଧ୍ୟ ଲୁଲିୟାଙ୍କ କ୍ୟାରିୟର ପାଇଁ ନିଜର ଜୋର ଲଗାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି କିଛି ଦିନ ବ୍ୟବଧାନ ମଧ୍ୟରେ ମ୍ୟୁଜିକ ଆଲବମ ପ୍ରସ୍ତୁତି ସମୟରେ ମନିଷଙ୍କ ସହ ଭଲ ବନ୍ଧୁତା ହୋଇଯାଇଥିବା ଲୁଲିୟା ଏକ ସାକ୍ଷାତକାରରେ କହିଛନ୍ତି । ଏହି ସାକ୍ଷାତକାରରେ ଲୁଲିୟାଙ୍କୁ ସଲମାନଙ୍କ ସହ ବିବାହ ସମ୍ପର୍କରେ ଯେତେବେଳେ ପ୍ରଶ୍ନ କରାଯାଇଥିଲା ଲୁଲିୟା ପ୍ରତ୍ୟୁତ୍ତରରେ କହିଥିଲେ ଯେ ତାଙ୍କ ସହ ସଲମାନଙ୍କୁ ନେଇ ଯୋଡିବା ଖବର ମିଥ୍ୟା ଅଟେ ଏବଂ ଏଥିରେ କୌଣସି ସତ୍ୟତା ନାହିଁ । ଲୋକଙ୍କ କଥାକୁ ରୋକି ହେବ ନାହିଁ ବୋଲି ଲୁଲିୟା କହିଛନ୍ତି ।
ସଲମାନ ଖାନଙ୍କୁ ସେ ବହୁତ ଇଜ୍ଜତ କରନ୍ତି ଏବଂ ତାଙ୍କ ଜୀବନ ତାଙ୍କୁ କେଉଁ ଦିଗରେ ପହଂଚାଇବ ସେ ଏ ସମ୍ପର୍କରେ ଅବଗତ ନୁହଁନ୍ତି ବୋଲି ଲୁଲିୟା ଏହି ବିଶେଷ ସାକ୍ଷାତକାରରେ କହିଛନ୍ତି ।