ମୋଦିଙ୍କ ଅଭିଯାନରେ ସାମିଲ ହେଲେ ଭାଇଜାନ । ରାଜରାସ୍ତାରେ ସାଇକେଲ ଚଳାଇ ଲୋକଙ୍କୁ କରିବେ ସଚେତନ ।
ସାଇକେଲ ଚଳାଇବାକୁ ଲୋକଙ୍କୁ କହିବେ ବଲିଉଡର ଲୋକପ୍ରିୟ ଅଭିନେତା ସଲମାନ । ବଲିଉଡର ଭାଇଜାନଙ୍କୁ ଖୁବ ଶୀଘ୍ର ଦିଲ୍ଲୀ-ମିରଟ ଏକ୍ସପ୍ରେୱେରେ ନବନିର୍ମିତ ସାଇକେଲ ଟ୍ରାକରେ ଦେଖିବାକୁ ମିଳିବ । ସାଇକେଲ ଚଲାଇବେ ସଲମାନ । କେନ୍ଦ୍ରସରକାଙ୍କର ଇ-ସାଇକେଲର ଆମ୍ବାସାଡାର ଭାବେଏହାକୁ ଲୋକପ୍ରିୟ କରିବା ସହିତ ସ୍ୱାସ୍ଥ୍ୟ ଓ ଜୀବନଶୈଳୀକୁ ପ୍ରୋତ୍ସାହିତ କରିବାରେ ସାହାଯ୍ୟ କରିବେ ।
Kanak News is now on WhatsApp
Join and get latest news updates delivered to you via WhatsApp
ମୋଦିଙ୍କ ମନ୍ତ୍ରୀମଣ୍ଡଳର ସଡକ ପରିବହନ ଏବଂ ରାଜମାର୍ଗ ମନ୍ତ୍ରୀ ନିତିନ ଗଡକରୀ କହିଛନ୍ତି ଯେ ସରକାର ସାଇକେଲିଙ୍ଗକୁ ପରିବହନର ଏକ ସ୍ୱାସ୍ଥ୍ୟ ବିକଳ୍ପ ରୂପେ ପ୍ରୋତ୍ସାହିତକରିବା ପାଇଁ ଚାହୁଁଛନ୍ତି । ଇ-ସାଇକେଲ ସାଧାରଣ ସାଇକେଲ ତୁଳନାରେ ଅଧିକ ଦୂରତା ଯାତାୟତକରିବା ପାଇଁ ବ୍ୟବହାର କରାଯାଇପାରିବ ।
ସଡକ ପରିବହନ ଏବଂ ରାଜମାର୍ଗ ମନ୍ତ୍ରୀ କହିଛନ୍ତି ଯେ “ସଲମାନ ଏହି ବିଷୟରେ ମୋ ସହିତ ଆଲୋଚନା କରିଛନ୍ତି ଏବଂ ସେ ଇ-ସାଇକେଲ ନିର୍ମାଣ ଉପରେ ମଧ୍ୟ ଦୃଷ୍ଟି ଦେବେ । ଏହା ଫଳରେ ଲୋକଙ୍କ ମଧ୍ୟରେ ଏକ ସଚେତନ ସୃଷ୍ଟି ହୋଇପାରିବ ।” ସଲମାନ ଖାନଙ୍କ ‘ବିଙ୍ଗ୍ ହ୍ୟୁମାନ ଫାଉଣ୍ଡେସନ’ ଇ-ସାଇକେଲ ନିର୍ମାତାଙ୍କ ସହିତ ଆଲୋଚନା କରିଛନ୍ତି । ଏହାସହ ନିତିନ କହିଥିଲେ, ଯେତେବେଳେ ସେ ୨-୩ବର୍ଷ ପୂର୍ବେ ପରିବେଶ ଅନୁକୂଳ ଇନ୍ଧନ ବିଷୟରେ କହିଥିଲେ ସେତେବେଳେ ଲୋକମାନେ ତାଙ୍କୁ ପାଗଳ ବୋଲି ଭାବୁଥିଲେ କିନ୍ତୁ ବର୍ତ୍ତମାନ ଲୋକମାନେ ଏହାର ଲାଭକୁ ବୁଝିପାରିଛନ୍ତି । ନିତିନ ଏହା ମଧ୍ୟ କହିଛନ୍ତି ଯେ “ଅନ୍ୟ ପରିବେଶ ଇନ୍ଧନ ଅପେକ୍ଷା ଇ-ବାହାନ ଆଣିବା ମୋର ଏକ ସ୍ୱପ୍ନ ।”
ଭାରତର ଦିଲ୍ଲୀ-ମିରଟର ୧୪ଟି ଲେନରେ ୨.୫ ମିଟର ଚଉଡାର ସାଇକେଲ ଟ୍ରାକ ରହିଛି । ଏହାକୁ ଯେ କୌଣସି ସମୟରେ ଆରମ୍ଭ କରାଯିବାର ସମ୍ଭାବନା ରହିଛି ବୋଲି କହିଛନ୍ତି ଗଡକରି । ପ୍ରାୟତଃ ସବୁ ନୂଆ ରାଜପଥରେ ଓ ଏକ୍ସପ୍ରେସୱେରେ ସାଇକେଲ ଟ୍ରାକ କରାଯିବ ଏବଂ ଲୋକମାନଙ୍କୁ ସାଇକେଲରେ ଯିବାଆସିବା କରିବା ପାଇଁ ସଚେତନ କରାଯିବ । ଏହା ସ୍ୱାସ୍ଥ୍ୟ ପାଇଁ ଲାଭଦାୟକ ରହିବ । ତେଣୁ ଏହାକୁ ସମସ୍ତେ ବ୍ୟବହାର କରିବା ପାଇଁ ନିତିନ ଦେଶବାସୀଙ୍କୁ ଆହ୍ୱାନ ଦେଇଛନ୍ତି ।