ଶିକାର କେସରେ ଫସିଲେ ସଲମାନ,୫ ବର୍ଷ ପାଇଁ ହେଲା ଜେଲଦଣ୍ଡ! ଜାଣନ୍ତୁ ୧ ଅକ୍ଟୋବର ୧୯୯୮ ରାତିରେ କ’ଣ ଘଟିଥିଲା ।
ବହୁଚର୍ଚ୍ଚିତ କୃଷ୍ଣସାର ମୃଗ ମାରିବା ଘଟଣାରେ ଅଭିନେତା ସଲମାନ ଖାନଙ୍କୁ ୫ ବର୍ଷ ଜେଲଦଣ୍ଡ ଭୋଗିବାକୁ ପଡିଛି । ଏହି ମାମଲାରେ ଅନ୍ୟ ଆରୋପୀ କଳାକାର ସେଫ ଅଲ୍ଲୀ ଖାନ, ଅଭିନେତ୍ରୀ ନିଲମ,ସୋନାଲୀ,ତବ୍ୱୁ ଏବଂ ଦୁଷ୍ୟନ୍ତ ସିଂହଙ୍କ ଉପରେ ଆଜି ନିଷ୍ପତ୍ତି ନିଆଯାଇଛି । କୋର୍ଟ ସଲମାନଙ୍କୁ ଦୋଷୀ ଆରୋପ କରିଥିବା ବେଳେ ଅନ୍ୟ ଆରୋପୀଙ୍କୁ ଖଲାସ କରିଦେଇଛି । ୧ ଅକ୍ଟୋବର ୧୯୯୮ ତାରିଖରେ ଏହି ଘଟଣା ଘଟିଥିଲା । ସଂଯୋଗ କୁହନ୍ତୁ କିମ୍ବା ଆଉ କ’ଣ ଘଟଣା ଗୁରୁବାର ଦିନ ଘଟିଥିବାବେଳେ ଆଜି ରାୟ ଶୁଣାଣି ମଧ୍ୟ ଗୁରୁବାରରେ ହିଁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କାଣ୍ଡ ଭିଆଇଥିବା ଅଭିନେତା ଏବଂ ଅଭିନେତ୍ରୀଙ୍କୁ କିଭଳି ଭାବେ ଦଣ୍ଡ ମିଳିବ ଏହାର ଅପେକ୍ଷା କାଂକାଣୀ ଗାଁ ଲୋକଙ୍କୁ ୨୦ ବର୍ଷରୁ ରହିଆସିଥିଲା । ବିଶ୍ରୋୟୀ ସମାଜର ଲୋକ କୃଷ୍ଣସାର ମୃଗକୁ ନିଜ ସନ୍ତାନ ଭାବେ ପାଳିଥାନ୍ତି । ସେମାନଙ୍କ ଯତ୍ନ ନେବା ଗ୍ରାମବାସୀଙ୍କ ହାତରେ ନ୍ୟସ୍ତ ଥାଏ ।
୧ ଅକ୍ଟୋବର ରାତି ପ୍ରାୟ ୨ଟା ସମୟରେ ସମ୍ପୁର୍ଣ୍ଣ ଗ୍ରାମ ଶୋଇବା ଅବସ୍ଥାରେ ହେଡଲାଇଟ ଜଳିଥିଲା ଏହି ହେଡଲାଇଟର ଆଲୁଅରେ ପୁରା ଗାଁ ଜଳିଉଠିଥିଲା ଏବଂ ଗାଁ ସାରା ଜିପ ବୁଲିବା ପରି ଶବ୍ଦ ହେଲା । ଗ୍ରାମବାସୀଙ୍କୁ ଅଛପା ରହିନଥିଲା ଯେ ଶିକାରୀ ଶିକାର ପାଇଁ ଏ ସବୁ ଆୟୋଜନ କରିଛନ୍ତି । କିଛି ସମୟ ପରେ ହଠାତ ଗୁଳିର ଶବ୍ଦ କ୍ଷେତଆଡୁ ଶୁଭିଲା । ଗ୍ରାମବାସୀ ବିଳମ୍ବ ନକରି ଠେଙ୍ଗା ଧରି କ୍ଷେତ ଆଡକୁ ଦୌଡିଲେ ସେତେବେଳକୁ ସବୁ ଦୋଷୀ ସେଠାରୁ ଚାଲିଯାଇଥିଲେ । କିନ୍ତୁ ଗ୍ରାମବାସୀ ସଲମାନଙ୍କୁ ଚିହ୍ନି ପାରିଥିଲେ । କିନ୍ତୁ ଅଦାଲତରେ ସାକ୍ଷୀ ଦେବା ସମୟରେ ଛୋଗାରାମ ନାମକ ଜଣେ ଗ୍ରାମବାସୀ କଥାରୁ ଓହରି ଯାଇଥିଲେ ଏବଂ କିଛି ମନେ ନପଡିବା କହିଥିଲେ । ସମଗ୍ର ଗ୍ରାମବାସୀଙ୍କ ସମ୍ମୁଖରେ ଦୁଇ ମୃଗଙ୍କୁ ସମାଧି ଦିଆଯାଇଥିଲା । କିନ୍ତୁ କେସ କୋର୍ଟରେ ହିଁ ପଡି ରହିଥିଲା ।