ଭାରତରେ ଆତଙ୍କବାଦୀ ଆକ୍ରମଣ କରାଇଥିବା ସ୍ୱୀକାର କଲା ହିଜବୁଲ ମୁଜାହିଦ୍ଦୀନ ମୁଖିଆ ସୈୟଦ ସଲାଉଦ୍ଦୀନ
କନକ ବ୍ୟୁରୋ: ଅନ୍ତରାଷ୍ଟ୍ରୀୟ ଆତଙ୍କବାଦୀ ତଥା ହିଜବୁଲ ମୁଜାହିଦ୍ଦୀନ ମୁଖିଆ ସୈୟଦ ସଲାଉଦ୍ଦୀନ ଭାରତରେ ଆତଙ୍କବାଦୀ ଆକ୍ରମଣ କରାଇଥିବା ସ୍ୱୀକାର କରିଛି । ସଲାଉଦ୍ଦୀନର ଏହି ସ୍ୱୀକାର ପରେ ଭାରତର ଦାବି ପ୍ରମାଣସିଦ୍ଧ ହୋଇଛି । ଭାରତରେ ଆତଙ୍କବାଦୀ ହମଲା ପାଇଁ ପାକିସ୍ତାନ ମାଟିକୁ ବ୍ୟବହାର କରାଯାଉଥିବା ବହୁବାର ଭାରତ ଅଭିଯୋଗ କରିଆସିଛି । ସଲାଉଦ୍ଦୀନ ସ୍ୱୀକାର କରି ପାକିସ୍ତାନର ପୋଲ ଖୋଲି ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନର ଗଣମାଧ୍ୟମ ‘ଜିଓ ଟିଭି’କୁ ସାକ୍ଷାତକାର ଦେଇ ସଲାଉଦ୍ଦୀନ କହିଛି, ଏବେ ହିଜବୁଲ ମୁଜାହିଦ୍ଦୀନର ଟାର୍ଗେଟରେ ଅଛନ୍ତି ଇଣ୍ଡିଆନ ଆର୍ମୀ । ଭାରତରେ ହିଜବୁଲ୍ କରିଥିବା ଆକ୍ରମଣ ଓ ଆଗାମୀ ଆକ୍ରମଣରେ କେବଳ ସୁରକ୍ଷାକର୍ମୀଙ୍କୁ ଟାର୍ଗେଟ କରାଯାଇଛି । ଏହାଛଡା ସଲାଉଦ୍ଦୀନ ଦାବି କରିଛି ପାକିସ୍ତାନରେ ବସି ଭାରତର ଯେକୌଣସି ସ୍ଥାନରେ ଆତଙ୍କବାଦୀ ଆକ୍ରମଣ କରାଇବାକୁ ସେ ସକ୍ଷମ ।
ଆମେରିକା ସୈୟଦ ସଲାଉଦ୍ଦୀନକୁ ଗ୍ଲୋବାଲ ଟେରରିଷ୍ଟ ଘୋଷଣା କରିଛି । ଏନେଇ ସେ ରବିବାର ମୁଜାଫରାବାଦରେ କହିଥିଲା, ଏହା ଆମେରିକାର ମୂର୍ଖତାପୂର୍ଣ୍ଣ ପଦକ୍ଷେପ । କାରଣ ଆମେ ଆତଙ୍କବାଦୀ ନୋହୁଁ,କଶ୍ମୀର ସ୍ୱାଧିନତା ପାଇଁ ଆମେ ଲଢୁଛୁ ଓ ଏହି ଲଢେଇ ଜାରି ରହିବ ବୋଲି ସଲାଉଦ୍ଦୀନ କହିଥିଲା ।