ଭାବବିହୋଳ ଭିଡିଓ ପୋଷ୍ଟ କଲେ ସହିଦ ଯବାନଙ୍କ କୁନି ଝିଅ । ସହିଦ ମେଜର ଅକ୍ଷୟ ଗିରିଶଙ୍କ୍ ଝିଅ ବୁଝାଇଲେ ଆର୍ମିର ଅର୍ଥ କଣ
ଭାବବିହୋଳ ଭିଡିଓ ପୋଷ୍ଟ କଲେ ସହିଦ ଯବାନଙ୍କ ଝିଅ
କନକ ବ୍ୟୁରୋ : ଭାବବିହୋଳ ଭିଡିଓ ପୋଷ୍ଟ କଲେ ସହିଦ ଯବାନଙ୍କ ଝିଅ । ଦେଶ ପାଇଁ ଶତ୍ରୁଙ୍କ ସହ ଲଢେଇ କରି ସହିଦ ହୋଇଥିବା ମେଜର ଅକ୍ଷୟ ଗିରିଶଙ୍କ କୁନି ଝିଅ ନୈନା ବାପାଙ୍କୁ ମନେ ପକାଇ ଏକ ଭିଡିଓ ବନାଇଛନ୍ତି । ଯାହାକୁ ତାଙ୍କ ମା ଟୁଇଟରରେ ସେୟାର କରିଛନ୍ତି । ସବୁଠୁ ବଡ କଥା ହେଉଛି ଏହି ଭିଡିଓଟିକୁ ଅନେକ ଦର୍ଶକ ଦେଖିସାରିଥିବା ବେଳେ ୪ହଜାରରୁ ଅଧିକ ଥର ସେୟାର କରାଯାଇସାରିଛି । ତେବେ ଭିଡିଓରେ ନୈନା ତାଙ୍କ ବାପାଙ୍କୁ ମନେ ପକାଇ ପୁରୁଣା ଦିନର ସ୍ମୃତିକୁ ତାଜା କରୁଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
କିଭଳି ଏହି କୁନି ଝିଅ ବାପା ଜୀବିତ ଥିବା ଅବସ୍ଥାରେ ତାଙ୍କ ସହ କଥା ହୁଏ, କଣ କଥା ହୁଏ, ବାପା ନିଜ ଗେହ୍ଲା ଝିଅକୁ କଣ କୁହନ୍ତି ସେସବୁ ନୈନା ଟିକନିଖ ଭାବେ ତାଙ୍କ ମାଙ୍କ ପାଖରେ କହୁଛନ୍ତି । ଆଉ ତାଙ୍କ ମା ଏହି ସବୁ କଥାକୁ ନିଜ ମୋବାଇଲରେ କଏଦ କରି ଭିଡିଓ ବନାଇଛନ୍ତି । ଏପରିକି କୁନି ଝିଅ ଜଣକ ଆର୍ମିର ଅର୍ଥ କଣ ବୋଲି ଭିଡିଓରେ ବୁଝାଉଥିବା ଶୁଣିବାକୁ ମିଳିଛି । ଆର୍ମି ଅର୍ଥ ଲୋକଙ୍କୁ ଭଲ ପାଇବା ,ଦେଶକୁ ଭଲପାଇବା, ଓ ଲୋକମାନଙ୍କ ମନରୁ ଭୟ ଦୂର କରିବା ବୋଲି କୁନି ଝିଅ ଜଣକ କହୁଛନ୍ତି । ଆର୍ମି ଅର୍ଥ ଜୟ ହିନ୍ଦ କହିବାକୁ ବୁଝାଏ ବୋଲି ସେ ଭିଡିଓରେ କହୁଥିବା ଶୁଣିବାକୁ ମିଳିଛି । ୨୦୧୬ ମସିହା ନଭେମ୍ବର ମାସରେ ମେଜର ଅକ୍ଷୟ ନଗରୋଟାରେ ସହିଦ ହୋଇଥିଲେ । ନୈନାଙ୍କ ଏହି ଭିଡିଓ ବେଶ ଭାଇରାଲ ହେବାରେ ଲାଗିଛି ।