ଓଡ଼ିଶା ଆସିବେ ଶାହାରୁଖ ଖାନ୍, ଟ୍ୱିଟରରେ ଘୋଷଣା କଲେ ବଲିଉଡ ବାଦଶାହା । ହକି ବିଶ୍ୱକପ ଉଦଘାଟନୀ ଉତ୍ସବରେ ରେହମାନଙ୍କ ସହ ଧମାଲ କରିବେ ଶାହାରୁଖ
କନକ ବ୍ୟୁରୋ : ଭାରତୀୟ ହକି ଟିମକୁ ଚିୟର କରିବାକୁ ଓଡିଶା ଆସିବେ ବଲିଉଡ ବାଦଶାହା ଶାହରୁଖ ଖାନ୍ । ହକି ବିଶ୍ୱକପର ଉଦଘାଟନୀ ସମାରୋହରେ ଶାହାରୁଖ ଯୋଗ ଦେବେ ବୋଲି ସ୍ପଷ୍ଟ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନଭେମ୍ବର ୨୭ ତାରିଖରେ ଉଦଘାଟନୀ ଉତ୍ସବରେ ଶାହାରୁଖ ଯୋଗ ଦେବେ ବୋଲି ଟ୍ୱିଟ୍ ଜରିଆରେ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ । କିଙ୍ଗ୍ ଖାନଙ୍କ ସ୍ୱାଗତ ପାଇଁ ଓଡିଶାବାସୀ ଉକ୍ରଣ୍ଠାର ସହ ଅପେକ୍ଷା କରିଛନ୍ତି ବୋଲି ଟ୍ୱିଟ୍ ଯୋଗେ କହିଛନ୍ତି ନବୀନ ।
Kanak News is now on WhatsApp
Join and get latest news updates delivered to you via WhatsApp
Delighted to share that @iamsrk ‘s #HeartBeatsForHockey and he has come forward to support Indian hockey & #HockeyWorldCup2018 in #Bhubaneswar. Kalinga Stadium & #Odisha look forward to welcoming you, Mr. Khan at the #OdishaHWCOpeningCeremony on 27th November 2018 #AbBasHockey https://t.co/rWNZvT1KmQ
— Naveen Patnaik (@Naveen_Odisha) October 9, 2018
କଳିଙ୍ଗ ଷ୍ଟାଡିୟମରେ ଭାରତୀୟ ହକି ଟିମକୁ ଚିୟର କରିବାକୁ ଆସିବା ପାଇଁ କିଙ୍ଗ ଖାନଙ୍କୁ ଭିଡ଼ିଓ ଜରିଆରେ ଟ୍ୱିଟ୍ କରି ଆମନ୍ତ୍ରଣ କରିଥିଲେ ଭାରତୀୟ ହକି ଟିମର ସଦସ୍ୟ । ଯାହାକୁ ରିଟ୍ୱିଟ୍ କରି ଶାହାରୁଖ କହିଛନ୍ତି, ହକି ବିଶ୍ୱକପରେ ଯୋଗ ଦେବା ନେଇ ମୋର ଜଣାଇବାରେ ବିଳମ୍ବ ହୋଇଯାଇଛି । ହେଲେ ମୁଁ ଆପଣ ମାନଙ୍କୁ ଉତ୍ସାହିତ କରିବାକୁ ନିଶ୍ଚିତ ଯୋଗ ଦେବି । ମୋତେ ମନେପକାଇ ଥିବାରୁ ସମସ୍ତଙ୍କୁ ଧନ୍ୟବାଦ ଜଣାଉଛି ।
@iamsrk Sir aap to hockey khel chuke ho. Main aur poori Indian team to ye jaanti hi hai that your #HeartBeatsForHockey. Kya aap #HWC2018 ka hissa banoge? Kya aap hamein support karne maidan mein uttroge? Pls duniya ko bhi ye bata do ki aapka dil ab bhi hockey ke liye dhadakta hai pic.twitter.com/dj306ZbMnB
— Manpreet Singh (@manpreetpawar07) October 9, 2018
ଏହାସହ ଶାହାରୁଖ ଟିମ ଇଣ୍ଡିଆକୁ ହକି ବିଶ୍ୱକପ ପାଇଁ ଶୁଭେଚ୍ଛା ଜଣାଇବା ସହ ଉତ୍ସାହିତ କରିବାକୁ ଦେଶବାସୀଙ୍କୁ କହିଛନ୍ତି । ହକି ଭାରତର ଗର୍ବ ଓ ଗୌରବ । ତେଣୁ ହକି ପାଇଁ ସମସ୍ତଙ୍କୁ ଏକାଠି ହେବାକୁ ଆହ୍ୱାନ ଦେଇଛନ୍ତି କିଙ୍ଗ୍ ଖାନ । ଏସବୁ ଭିତରେ ହକି ବିଶ୍ୱକପର ଥିମ୍ ସ୍ଲୋଗାନ ‘ହାର୍ଟ ବିଟ୍ସ ଫର୍ ହକି’କୁ ସମର୍ଥନ କରି ଶାହାରୁଖ କହିଛନ୍ତି ମୋ ହୃଦୟ ମଧ୍ୟ ହକି ପାଇଁ ବହୁତ ଜୋରରେ ସ୍ପଦନ କରୁଛି । ଆଉ ଶାହାରୁଖଙ୍କ ଏହି ଟ୍ୱିଟକୁ ବେଶ ପସନ୍ଦ କରିଛନ୍ତି ହକି ପ୍ରେମୀ ।
ଆଉ ଏସବୁ ଭିତରେ ହକି ବିଶ୍ୱକପର ଉଦଘାଟନୀ ଉତ୍ସବକୁ ଚାତକ ଭଳି ଚାହିଁ ବସିଛନ୍ତି ହକି ପ୍ରେମୀ । କାରଣ ଏହି ସମାରୋହରେ ବଲିଉଡର ନାମୀ ଦାମୀ କଳାକାରଙ୍କ ସହ ଓସ୍କାର ବିଜେତା ଏ ଆର ରେହମାନଙ୍କ ସଙ୍ଗୀତରେ ମତୁଆଲା ହେବେ ହକି ପ୍ରେମୀ । ଅନ୍ୟପଟେ ହକି ବିଶ୍ୱକପକୁ ନେଇ କାଉଣ୍ଟ ଡାଉନ ଆରମ୍ଭ ହୋଇଯାଇଥିବା ବେଳେ ଏହାକୁ ସଫଳ କରିବାକୁ ରାଜ୍ୟ ସରକାର ଜୋରଦାର ପ୍ରୟାସ ଚଳାଇଛନ୍ତି ।